DEUTERONOMY 16:15 - Edisana ñwed Abasi Ibom

¹⁵ Ke usen itiaba ke afo edinim usɔrɔ ɔnɔ Jehovah Abasi fo ke ebiet emi Jehovah edimekde: koro Jehovah Abasi fo eyediɔŋ fi ke kpukpru mbuŋwum-ŋkpɔ fo, ye ke kpukpru utom ubɔk fo, kutre ndien ndidat esit.

DEUTERONOMY 16:15 ပူးပေါင်းရင်းမြစ်များ

NEHEMIAH 8:17

Ndien ofuri esop oro eketode ke itie mbuot-ekɔŋ efiak edi enam ataya, enyuŋ eduŋ ke ataya oro: koro nditɔ Israel mikanamke ntre toto ke eyo Joshua eyen Nun, tutu osim mfin emi ndien ata akamba idaresit odu:

ESTHER 9:22

ke usen emi mme Jew ekebɔhɔde mme asua mmɔ eduɔk odudu, ye ke ɔfiɔŋ emi ukut akabarede ɔnɔ mmɔ ke idara, ye eseme ke eti usen: ete enim mmɔ ke usen udia ye idara, ye eke owo enɔde enɔ esɔk mbɔhɔiduŋ mmɔ, ye eke efɔnde ido ye mme ubuene.

DEUTERONOMY 12:5

Edi mbufo eyom ebiet emi Jehovah Abasi mbufo edimekde ke otu kpukpru mme esien mbufo osio, ete inim enyiŋ esie, man enye oduŋ do, enyuŋ eka do:

DEUTERONOMY 16:10

Ndien nim usɔrɔ mme urua nɔ Jehovah Abasi fo, ke utomo enɔ ubɔk fo eke afo ɔnɔde ke ima esit, kpa nte Jehovah Abasi fo ɔdiɔŋde fi:

DEUTERONOMY 16:14

ndien dat esit ke usɔrɔ fo, afo, ye eyen eren fo, ye eyen fo aŋwan, ye ofin eren fo, ye ofin aŋwan fo, ye Levite ye esen owo, ye eyen-akpa, ye ebe-akpa, eke edude ke obio fo.

DEUTERONOMY 16:16

Yak kpukpru iren-owo fo ewut Jehovah idem mmɔ utim ikata ke isua ke ebiet emi enye edimekde; ke usɔrɔ uyo eke leaven miduhe, ye ke usɔrɔ mme urua, ye ke usɔrɔ mme ataya: ndien yak owo okudi ke iso Jehovah ubɔk-ubɔk:

DEUTERONOMY 30:16

koro ami ŋwukde fi mfin emi, nte ama Jehovah Abasi fo, onyuŋ asaŋa ke usuŋ esie, onyuŋ onim mbet esie, ye mme ewuhɔ esie, ye mme item esie man afo odu uwem onyuŋ ɔtɔt: man Jehovah Abasi fo onyuŋ ɔdiɔŋ fi ke isɔŋ emi afo akade do ndida enye nnyene.

DEUTERONOMY 7:13

ndien enye eyema fi, onyuŋ ɔdiɔŋ fi, onyuŋ anam fi ɔtɔt: onyuŋ ɔdiɔŋ mfri idibi fo, ye mfri isɔŋ fo, ye ibokpot fo, ye ɔbufa wine fo, ye aran fo, ye nditɔ enaŋ fo, ye nditɔ ŋkpri ufene fo, isɔŋ emi enye ɔkɔŋwɔŋɔde ɔnɔ mme usɔ, ete iyenɔ fi.