DEUTERONOMY 16:10 - Edisana ñwed Abasi Ibom

¹⁰ Ndien nim usɔrɔ mme urua nɔ Jehovah Abasi fo, ke utomo enɔ ubɔk fo eke afo ɔnɔde ke ima esit, kpa nte Jehovah Abasi fo ɔdiɔŋde fi:

DEUTERONOMY 16:10 ပူးပေါင်းရင်းမြစ်များ

1 CHRONICLES 29:14

Edi ami ndi anie, ikɔt mi enyuŋ edi mme anie, eke nnyin ikemede nditat ubɔk ntem? Ŋkɔm kpukpru ŋkpɔ eto fi, nnyin inyuŋ inɔ fi se itode fi ke ubɔk.

2 CHRONICLES 31:14

Ndien Kore eyen Imnah Levite kiet, etie-usuŋ ke edem usiaha-utin, edi etubom ŋkpɔ emi enɔde Abasi ke ima esit, man edeme enɔ Jehovah, ye ata edisana ŋkpɔ.

EXODUS 35:29

Kpukpru iren ye iban eke esit mmɔ enyimede ndida ŋkpɔ nsɔk, ke kpukpru utom emi Jehovah okowukde ke ubɔk Moses ete enam: kpa nditɔ Israel eda ŋkpɔ ima esit esɔk Jehovah.

MME ŊKE 10:22

Edi ufɔn Jehovah ofori owo, enye inyuŋ idianke afanikɔŋ ke esit.

JOEL 2:14

Anie ɔfiɔk mme enye eyekabare onyuŋ atua mkpɔfiɔk, onyuŋ ɔkpɔŋ eti ŋkpɔ ke edem esie, kpa inuak-udia ye uwa ediŋwɔŋ-ŋkpɔ, ɔnɔ Jehovah Abasi mbufo?

LEVITICUS 12:8

Ndien edieke ubɔk mikemke enye ke eyen erɔŋ, yak enye ada mbomo ŋkuku iba, mme nditɔ ibiom iba, edi; kiet ke eke edifɔp uwa, kiet eken ke eke uwa idiɔk ido: ndien yak oku osio isop ɔnɔ enye, ndien enye edidi edisana.

LEVITICUS 23:15

Ndien mbufo etɔŋɔ ke edem usen sabbath ebat, ke idem usen emi mbufo edade edifuŋ ebek edi, tutu ekem ye ɔyɔhɔ urua itiaba:

LEVITICUS 25:26

Edi ke adaŋemi owo oro mikwe owo eke afakde enye, ndien ubɔk esiemɔ ekem enye nte afakde enye;

LEVITICUS 5:7

Ndien edieke ubɔk mikemke enye ke eke ŋkpri ufene, yak enye ada mbomoŋkuku iba, mme nditɔ ibiom iba, ɔsɔk Jehovah, ke isop esie emi enye eduede; kiet ke uwa idiɔk ido, ye kiet eken ke edifɔp uwa.

NUMBERS 28:26

Ndien ŋko ke usen akpa mfri, ke ini mbufo ewade obufa inuak udia enɔ Jehovah, ke mme urua mbufo ekurede, ke mbufa edisop edisana esop; mbufo ekunam baba ubɔk-utom kiet:

NUMBERS 31:28

ndien bɔ mbon ekɔŋ emi ekewɔŋɔde eka ekɔŋ, utomo nɔ Jehovah: ukpɔŋ kiet ke itie ikie ition, ke owo, ye ke enaŋ, ye ke mme ass, ye ke ŋkpri ufene:

NUMBERS 31:37

ndien utomo Jehovah ke ŋkpri ufene edi ikie itiokiet ye ata ye efut.

1 ŊWED CORINTH 16:2

Ke akpa usen urua, mbufo owo kiet kiet esio ŋkpɔ ke udori eke ekutde, ekpɔnɔre enim ŋkaŋ kiet, mbak mbufo edinyene nditip etibe ke ini ndide.

2 ŊWED CORINTH 8:10

Nnyuŋ nsian se ŋkerede mbaŋa ŋkpɔ emi. Koro ɔfɔn mbufo emana enam utom emi, sia mbufo ekebemde iso etɔŋɔ isua oko, idige ndinanam ikpɔŋ, edi ndidaduak ŋko.

2 ŊWED CORINTH 8:12

Koro edieke erinyime esit odude, enem Abasi esit ndibɔ enɔ nte asaŋade ekekem ye se owo enyenede, idige nte ebede ukeme esie.

DEUTERONOMY 16:11

ndien dat esit ke iso Jehovah Abasi fo, afo, ye eyen eren fo, ye eyen fo aŋwan, ye ofin eren fo, ye ofin aŋwaŋ fo, ye Levite eke odude ke obio fo, ye esen owo, ye eyen-akpa, ye ebe-akpa eke edude ke otu fo, ke ebiet emi Jehovah Abasi edimekde ndinim enyiŋ esiemɔ do.

DEUTERONOMY 16:9

Bat urua itiaba nɔ idem fo: tɔŋɔ ndibat urua itiaba oro ke ini eke afo ɔtɔŋɔde ndisin ukpi-ŋkpɔ ke ibokpot.