DEUTERONOMY 15:19 - Edisana ñwed Abasi Ibom

¹⁹ Da kpukpru akpa nyara nditɔ emi amanade ke otu ikpɔ ye ŋkpri ufene fo, nim ke edisana ŋkpɔ Jehovah Abasi fo: kuda akpa eyen enaŋ fo unam utom, kunyuŋ ufat idet akpa eyen erɔŋ fo.

DEUTERONOMY 15:19 ပူးပေါင်းရင်းမြစ်များ

EXODUS 13:12

edinyuŋ adade enye ɔnɔ fi, ndien afo edidianare kpukpru se isirerede itie-eyen onim ke eke Jehovah, ye kpukpru akpa nditɔ eke efene eke afo enyenede, edimande: nyara edidi ŋkpɔ Jehovah.

EXODUS 13:2

se isirerede kpukpru itie-eyen ke otu nditɔ Israel, ke owo ye ke ufene edidi okim.

EXODUS 22:29

Kubigi ndinɔ akpa mfri fo, ye wine fo. Afo edinɔ mi akpan fo.

EXODUS 22:30

Ntre ke afo edinam ye enaŋ fo, ye erɔŋ fo: yak etie ye eka esie ke usen itiaba; ke ɔyɔhɔ usen itiaita da enye nɔ mi.

EXODUS 34:19

Kpukpru se isirerede itie-eyen edi okim; ye kpukpru akpa nyara nditɔ ufene fo, edide akpa eyen enaŋ, onyuŋ edide eke ŋkpri ufene.

LEVITICUS 27:26

Edi ama edi akpa eyen ufene eke ekpedide akpa eyen ufene Jehovah, owo okudianare enye: edide enaŋ, onyuŋ edide eke ŋkpri ufene, enye enyene Jehovah.

NUMBERS 18:15

Kpukpru se isirerede itie-eyen ke otu kpukpru se idide obukidem eke edade esɔk Jehovah, edide owo, onyuŋ edide mme unam, edidi okuo: edi kutre ndifak akpan owo, nyuŋ fak akpa eyen unam eke midige edisana.

NUMBERS 18:17

Edi kufak akpa eyen enaŋ, ye akpa eyen erɔŋ, ye akpa eyen ebot; mmɔ edi edisana: da iyip mmɔ sime ke itie-uwa, nyuŋ fɔp ikpɔŋ mmɔ ke uwa ikaŋ nɔ Jehovah ke edinem utebe:

NUMBERS 3:13

koro kpukpru akpan edide okim: ke usen ami ŋkowotde kpukpru akpan ke isɔŋ Egypt, ndianare kpukpru akpan Israel nda ke idem mi, ye owo ye unam: mmɔ edidi okim: ami ndi Jehovah.

ŊWED MBON ROME 8:29

Koro mme owo emi Enye ekebemde iso ɔfiɔk, ke Enye okonyuŋ ebem iso onim ete mmɔ ekpekabare ebiet Imɔ, man Enye oro edidi akpan ke otu ediwak nditɔ-ete:

DEUTERONOMY 12:11

ndien ama ekem, mbufo eda kpukpru se ntemede mbufo, kpa edifɔp uwa mbufo, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye kpukpru akaŋa eke mbufo emekde ndikaŋa nnɔ Jehovah, eka ke ebiet emi Jehovah Abasi fo edimekde ndinam enyiŋ esie oduŋ do:

DEUTERONOMY 12:17

Kuda ɔyɔhɔ ubak ibokpot fo duop mme eke ɔbufa wine fo, mme eke aran fo, mme eke akpa eyen enaŋ ye erɔŋ fo, mme eke akaŋa fo baba kiet eke afo edikaŋade, mme eke uwa ima esit fo, mme eke edimenere uwa ubɔk fo, udia ke ebiet fo:

DEUTERONOMY 14:23

Nyuŋ tie ke iso Jehovah Abasi fo ke ebiet emi enye edimekde ndinim enyiŋ esiemɔ ke esit, dia ɔyɔhɔ ubak ibokpot fo duop, ye eke obufa wine fo, ye eke aran fo, ye eke akpa nditɔ ufene fo; man afo ekpep ndibak Jehovah Abasi fo kpukpru ini.

DEUTERONOMY 15:18

Kunam iyikhe-iyikhe ke afo osiode enye ke ufin fo ayak; koro enye ama anam ŋkpɔ ɔnɔ fi ke isua itiokiet, ekem ye ŋkpɔ eyen-utom owo emi ekpede enye utom, utim ikaba: ndien Jehovah Abasi fo eyediɔŋ fi ke kpukpru se afo anamde.

DEUTERONOMY 16:11

ndien dat esit ke iso Jehovah Abasi fo, afo, ye eyen eren fo, ye eyen fo aŋwan, ye ofin eren fo, ye ofin aŋwaŋ fo, ye Levite eke odude ke obio fo, ye esen owo, ye eyen-akpa, ye ebe-akpa eke edude ke otu fo, ke ebiet emi Jehovah Abasi edimekde ndinim enyiŋ esiemɔ do.

DEUTERONOMY 16:14

ndien dat esit ke usɔrɔ fo, afo, ye eyen eren fo, ye eyen fo aŋwan, ye ofin eren fo, ye ofin aŋwan fo, ye Levite ye esen owo, ye eyen-akpa, ye ebe-akpa, eke edude ke obio fo.

MME HEBREW 12:23

emi ewetde enyiŋ mmɔ ke heaven; enyuŋ esaŋa ekpere Abasi, Ebierikpe ofuri ekondo, ye mme spirit ndinen owo emi enamde mmɔ efɔn ema,