DEUTERONOMY 15:11 - Edisana ñwed Abasi Ibom

¹¹ Koro mme ubuene midikureke ke isɔŋ: mmɔdo ami ntemede fi, nte, Tatat ubɔk fo nɔ eyen-usɔ, ye ubuene fo, ye owo unana fo ke isɔŋ fo.

DEUTERONOMY 15:11 ပူးပေါင်းရင်းမြစ်များ

EXODUS 23:11

edi ke ɔyɔhɔ isua itiaba yak enye ɔduɔk odudu, onyuŋ ana suŋ; kpaŋ mme ubuene obio mbufo ekpedia: ndien yak mme unam ikɔt eta se mmɔ esuhɔde. Nam kpa ntre ye iŋwaŋ vine fo, ye iŋwaŋ olive fo.

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

MME ŊKE 22:2

Mme enyene-ŋkpɔ ye mme anana-ŋkpɔ esop idem ɔtɔ kiet: Jehovah edi andibot mmɔ kpukpru.

MME ŊKE 31:20

Enye atat ubɔk ɔnɔ mbon ukut ŋkpɔ: onyuŋ anyan ubɔk esie ɔnɔ mme ubuene.

EZEKIEL 18:7

minyuŋ itukke owo, edi esana ubiɔŋ esie ayak, ndien midaha ŋkpɔ ke ŋwo, ada udia esie ɔnɔ owo biɔŋ, onyuŋ ada ɔfɔŋ-idem ofuk iferi;

MATTHEW 26:11

Koro mbufo emenyene mme ubuene ye mbufo kpukpru ini; edi mbufo inyeneke Mi kpukpru ini.

MATTHEW 5:42

Nɔ owo eke ebeŋede fi ŋkpɔ, kunyuŋ udaha ukpɔŋ owo eke oyomde ndibuɔt ŋkpɔ ke ubɔk fo.

MARK 14:7

Koro mbufo emenyene mme ubuene ye mbufo kpukpru ini, ndien ini eke emama, mbufo ekeme ndifɔn ido ye mmɔ, edi mbufo inyeneke Mi kpukpru ini.

LUKE 12:33

Enyam se mbufo enyenede eda efɔn ido ye mme ubuene; enam ekpat-okuk eke midikanike enɔ idem mbufo; ebon inyene ke heaven eke midikpuhu mbufo, ke ɔtɔ inɔ misaŋake ikpere, uta-ŋkpɔ minyuŋ ibiatke.

JOHN 12:8

Koro mbufo emenyene mme ubuene ye mbufo kpukpru ini; edi mbufo inyeneke Mi kpukpru ini.

UTOM MME APOSTLE 2:45

mmɔ enyuŋ enyam inyene mmɔ ye ŋkpɔ mmɔ, edeme enɔ kpukpru owo, adaŋa nte owo ekededi ananade.

DEUTERONOMY 15:7

Ke ini ubuene eke edide eyen usɔ kiet, edidude ke otu fo, ke obio fo kiet, ke isɔŋ fo emi Jehovah Abasi fo ɔnɔde fi, kusɔŋ esit fo, kunyuŋ ufat ubɔk fo ye eyen-usɔ eke edide ubuene:

DEUTERONOMY 15:8

edi tatat ubɔk nɔ enye, nyuŋ buɔt enye se ikemde ye unana eke enye ananade.