DEUTERONOMY 14:29 - Edisana ñwed Abasi Ibom

²⁹ ndien Levite, (koro enye minyeneke ubak ye udeme ye afo,) ye esen owo, ye eyen-akpa, ye ebe-akpa, eke edude ke mme obio fo, edi edidia eyuhɔ; man Jehovah Abasi ɔdiɔŋ fi ke kpukpru utom ubɔk fo eke afo edinamde.

DEUTERONOMY 14:29 ပူးပေါင်းရင်းမြစ်များ

ŊWED MME PSALM 41:1

ƆFƆFƆN ɔnɔ owo eke otimde ndinam ye eyen ubuene: Jehovah eyenam enye ɔbɔhɔ ke usen nnanenyin.

ŊWED MME PSALM 41:2

Jehovah eyekpeme enye, onyuŋ onim enye uwem; enye eyekut unen ke isɔŋ: ndien afo kuyak enye unɔ se mme asua esie emade.

ŊWED MME PSALM 94:6

Ewot ebe-akpa ye esen owo, enyuŋ ewot nditɔ-akpa.

MME ŊKE 11:24

Enyene owo eke asuande, ndien enye ɔdɔdiɔŋ ɔtɔt; ndien owo eke afamde akan nte enende, osuk akabare obuene.

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

ISAIAH 1:17

eyom se inende, eneŋere se ikwaŋade, ekpe edinen ikpe enɔ eyen-akpa, eda ye ebe-akpa ke ikpe.

LEVITICUS 19:34

Ebat esen eke oduŋde ye mbufo nte amana ke otu mbufo, nyuŋ ma enye nte idem fo: koro mbufo ekedide isen ke isɔŋ Egypt: ami ndi Jehovah Abasi mbufo.

NUMBERS 18:20

Jehovah onyuŋ ɔdɔhɔ Aaron, ete, Afo udunyeneke udeme ke isɔŋ mmɔ, udunyuŋ unyeneke ubak ke otu mmɔ: ami ndi ubak fo, ye udeme fo, ke otu nditɔ Israel.

LUKE 11:41

Ekam eda mme ŋkpɔ eke edude ke esit mmɔ enɔ mme ubuene, ndien sese, kpukpru ŋkpɔ esana enɔ mbufo.

LUKE 6:35

Edi ema mme asua mbufo, enyuŋ enam ufɔn enɔ mmɔ, enyuŋ ebuɔt, ekudori-enyin ndifiak mbɔ; ndien utip mbufo eyekpon: mbufo eyenyuŋ edi nditɔ Andikoŋ-ŋkan: koro Enye ɔfɔnde ido kpa ye mmɔ eke mikɔmke Enye ye mme idiɔk owo.

DEUTERONOMY 10:9

Mmɔdo Levi minyeneke ubak ye udeme ke otu nditɔ ete esie; Jehovah edi udeme esie, kpa nte Jehovah Abasi fo ɔkɔdɔhɔde enye.

DEUTERONOMY 12:12

ndien mbufo, ye nditɔ-iren mbufo, ye nditɔ mbufo iban, ye ifin iren mbufo, ye ifin iban mbufo, eyedat esit ke iso Jehovah, ye mme Levite emi edude ke mme obio mbufo: koro mmɔ midaha ubak ye udeme ke otu mbufo.

DEUTERONOMY 14:27

Ndien kufre Levite eke odude ke mme obio fo: koro enye minyeneke ubak minyuŋ inyeneke udeme ye afo.

DEUTERONOMY 15:10

Kutre ndinɔ enye, esit fo okunyuŋ ɔdiɔk ke ini afo ɔnɔde enye: koro ŋkpɔ emi eyesin Jehovah Abasi fo ɔdiɔŋ fi ke kpukpru utom fo, ye ke kpukpru se afo ayande ubɔk fo ke esit.

DEUTERONOMY 16:11

ndien dat esit ke iso Jehovah Abasi fo, afo, ye eyen eren fo, ye eyen fo aŋwan, ye ofin eren fo, ye ofin aŋwaŋ fo, ye Levite eke odude ke obio fo, ye esen owo, ye eyen-akpa, ye ebe-akpa eke edude ke otu fo, ke ebiet emi Jehovah Abasi edimekde ndinim enyiŋ esiemɔ do.

DEUTERONOMY 16:14

ndien dat esit ke usɔrɔ fo, afo, ye eyen eren fo, ye eyen fo aŋwan, ye ofin eren fo, ye ofin aŋwan fo, ye Levite ye esen owo, ye eyen-akpa, ye ebe-akpa, eke edude ke obio fo.

DEUTERONOMY 23:21

Ke adaŋemi afo edikaŋade akaŋa ɔnɔ Jehovah Abasi fo, kubigi ndisio enye: koro Jehovah Abasi fo miditreke ndiyom enye ke ubɔk fo; ndien afo, eyedue isop.

DEUTERONOMY 28:8

Jehovah eyewuk ete ɔfɔfɔn ɔnɔ fi ke mme ebiet unim-ŋkpɔ fo, ye ke kpukpru se afo edinyande ubɔk fo ke esit; enye eyenyuŋ ɔdiɔŋ fi ke isɔŋ emi Jehovah Abasi fo ɔnɔde fi.

DEUTERONOMY 6:11

ye ufɔk eke kpukpru nti ŋkpɔ eyɔhɔde ke esit, eke mikedige afo ɔyɔhɔ. Ye obube mmɔŋ eke etibide, eke mikedige afo otibi, iŋwaŋ vine, ye eto olive eke mikedige afo ɔtɔ; ke afo edinyuŋ adiade ɔyuhɔ;

MME HEBREW 13:2

Ekufre ndikama isen owo, koro ndusuk owo ema esaŋa ntem eda mme angel eduk ufɔk, idiɔŋɔke.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.