DEUTERONOMY 14:23 - Edisana ñwed Abasi Ibom

²³ Nyuŋ tie ke iso Jehovah Abasi fo ke ebiet emi enye edimekde ndinim enyiŋ esiemɔ ke esit, dia ɔyɔhɔ ubak ibokpot fo duop, ye eke obufa wine fo, ye eke aran fo, ye eke akpa nditɔ ufene fo; man afo ekpep ndibak Jehovah Abasi fo kpukpru ini.

DEUTERONOMY 14:23 ပူးပေါင်းရင်းမြစ်များ

ŊWED MME PSALM 111:10

Uteŋe Jehovah edi eritɔŋɔ ifiɔk: kpukpru mmɔ eke enamde mmɔ enyene eti ibuot. Itoro esie ebigi ke nsinsi.

ŊWED MME PSALM 147:11

Mmɔ eke ebakde Jehovah, ye mmɔ eke edoride enyin ke ima esie, enem enye esit.

ŊWED MME PSALM 2:11

Enam ŋkpɔ Jehovah ke ndik, enyuŋ edara ke unyek-idem.

ISAIAH 8:13

Mbufo enim idem Jehovah mme udim ke edisana; eyak enye onyuŋ edi se mbufo ebakde enyuŋ edikhede.

JEREMIAH 32:38

Ndien mmɔ eyedi ikɔt mi, ami nyenyuŋ ndi Abasi mmɔ:

NUMBERS 15:20

Mbufo eda akpa ibokpot emi ekɔkde, enam uyo kiet, emenere ke edimenere uwa: mbufo emenere enye kpa nte ekam emenerede uwa ubek ibokpot.

DEUTERONOMY 12:11

ndien ama ekem, mbufo eda kpukpru se ntemede mbufo, kpa edifɔp uwa mbufo, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye kpukpru akaŋa eke mbufo emekde ndikaŋa nnɔ Jehovah, eka ke ebiet emi Jehovah Abasi fo edimekde ndinam enyiŋ esie oduŋ do:

DEUTERONOMY 12:14

edi ke ebiet emi Jehovah edimekde ke esien fo kiet, do ke afo edifɔp uwa fo, do ŋko ke afo edinyuŋ anam kpukpru se ami ŋwukde fi.

DEUTERONOMY 4:10

usen oro afo akadade ke iso Jehovah Abasi fo ke Horeb, ke ini Jehovah ɔkɔdɔhɔde mi, ete, Bon mbio emi ɔtɔ kiet nɔ mi, ndien nyenam mmɔ ekop ikɔ mi, man mmɔ ekpep ndibak mi ofuri ini emi mmɔ edidude uwem ke isɔŋ oro, man mmɔ enyuŋ ekpep nditɔ mmɔ.