DEUTERONOMY 13:5 - Edisana ñwed Abasi Ibom

⁵ Ndien prophet oro, mme adaba ndap oro enyene ndikpa: koro enye ɔdɔhɔde, ete mbufo ekabare ekpɔŋ Jehovah Abasi mbufo emi okosiode mbufo ke isɔŋ Egypt, okonyuŋ afakde fi osio ke ufɔk ufin, ete inuk fi ifep ke usuŋ emi Jehovah Abasi fo etemede fi ete asaŋa ke esit. Ntem ke afo edinam idiɔk-ŋkpɔ oro okure ke otu fo.

DEUTERONOMY 13:5 ပူးပေါင်းရင်းမြစ်များ

1 NDIDEM 13:19

Ntre ke enye etiene enye afiak, aka akadia ŋkpɔ ke ufɔk esie, onyuŋ ɔŋwɔŋ mmɔŋ.

1 NDIDEM 18:40

Ndien Elijah ɔdɔhɔ ete, Mbufo emum mme prophet Baal; ekuyak baba owo mmɔ kiet ɔbɔhɔ. Ndien mmɔ emum mmɔ: Elijah onyuŋ ada mmɔ ɔsuhɔre ke akpa Kishon, onyuŋ owot mmɔ do.

2 CHRONICLES 34:31

Edidem onyuŋ ada ke ɔtɔ esie, onyuŋ anam ediomi ke iso Jehovah, ete iyesaŋa itiene Jehovah, inyuŋ inim mbet esie, ye mme item esie, ye mme ewuhɔ esie, ke ofuri esit esie, ye ke ofuri ukpɔŋ esie, inyuŋ inam ikɔ ediomi eke ekewetde ke ŋwed emi.

JEREMIAH 14:15

Mmɔdo ntem ke Jehovah ɔdɔhɔ abaŋa mme prophet emi etiŋde prophecy ke enyiŋ mi, ndien ami ndɔŋke mmɔ utom, mmɔ enyuŋ edɔhɔ ete, ke baba ofut ye akaŋ ididuhe ke isɔŋ emi; mme prophet oro eyetak ke ofut ye ke akaŋ.

JEREMIAH 29:32

mmɔdo ntem ke Jehovah ɔdɔhɔ ete, Sese, ami mmɔŋ nda ufen ntiene Shemaiah Nehelamite ye ubon esie: enye idinyeneke baba owo kiet eke editiede ke otu mbio-obio emi; idinyuŋ ikwe mfɔn eke ami ndinamde ye mbio-obio emi; koro enye ɔkɔdɔhɔde ikɔ emiom ye Jehovah. Uyo Jehovah edi emi.

JEREMIAH 50:6

Ikɔt mi edi ufene eke esopde: mme ɔbɔk mmɔ enam mmɔ ediyo, enam mmɔ efiak edem ke ikpɔ obot: mmɔ ekpɔŋ akamba obot eka ekpri, emefre ebiet nna mmɔ.

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

ZECHARIAH 13:3

Ndien ama ekem, edieke owo osuk etiŋde prophecy, ndien ete esie ye eka esie emi akamande enye eyedɔhɔ enye, ete, Afo ududuhe uwem, koro afo osude nsu ke enyiŋ Jehovah: ndien ete esie ye eka esie emi akamande enye, eyekim enye ewot, koro enye etiŋde prophecy.

UTOM MME APOSTLE 13:8

Edi Elymas abia-idiɔŋ oro (koro enyiŋ esie ɔwɔrɔ ntre) ɔbiɔŋɔ mmɔ, aŋwana ndinam andikara ɔwɔŋɔre ɔkpɔŋ akpanikɔ.

1 ŊWED CORINTH 5:13

Esio oburobut owo oro ke otu mbufo efep.

DEUTERONOMY 13:10

Nyuŋ tɔŋɔ enye ke itiat wot: koro enye okoyomde ndinuk fi mfep ŋkpɔŋ Jehovah Abasi fo, emi okosiode fi ke isɔŋ Egypt, ye ke ufɔk ufin efep.

DEUTERONOMY 13:15

kutre ndiwot nditɔ obio oro ke iso ofut, da iso ofut sobo enye tak-tak, ye kpukpru se idude ke esit, ye ufene esie.

DEUTERONOMY 13:9

yak edi ubɔk fo ebem iso odoro enye, onyuŋ owot enye, ndien ubɔk kpukpru owo editiene.

DEUTERONOMY 17:5

ndien sio eren oro mme ŋwan oro akanamde idiɔk ido oro, di ke usuŋ obio fo, kpa eren oro mme ŋwan oro, nyuŋ tɔŋɔ mmɔ ke itiat wot.

DEUTERONOMY 17:7

Yak ubɔk mme ntiense ebem iso edoro enye ke idem ndiwot enye, ndien ubɔk kpukpru owo etiene. Ke ntre ke afo edisio idiɔk ido ke otu fo efep.

DEUTERONOMY 18:20

Edi ama edi prophet eke edisɔŋde ibuot ada ikɔ eke mmeŋketemeke enye nte ɔdɔhɔ, ɔdɔhɔ ke enyiŋ mi, ye eke ɔdɔhɔde ikɔ ke enyiŋ mme abasi efen, yak ewot kpa prophet oro.

DEUTERONOMY 19:19

ndien mbufo enam enye, kpa nte enye ekerede ndinam eyen-ete esie.

DEUTERONOMY 22:21

ndien yak mmɔ eda eyen-aŋwan ewɔŋɔ ke enyin-usuŋ ufɔk ete esie, mbio-obio mmɔ enyuŋ etɔŋɔ enye ke itiat ewot: koro enye ama anam ɔburɔbut ido ke Israel, ke erika owo ke ufɔk ete esie: ntre ke afo edisio idiɔk ido ke otu fo efep.

DEUTERONOMY 22:24

mbufo emum mmɔ mbiba ewɔŋɔ ke inua-otop obio oro eketɔŋɔ mmɔ ke itiat ewot; eyen-aŋwan, koro enye mifiorike ke obio; ye eren oro, koro enye asabarede ŋwan mbɔhiduŋ esie: ntem ke afo edisio idiɔk ido ke otu fo efep.

DEUTERONOMY 24:7

Edieke edikutde owo eke oyipde owo ke otu nditɔ-ete esie, kpa nditɔ Israel, mme edinyuŋ onim enye ke ofin, mme anyanyam enye; inɔ oro enyene ndikpa; ke ntre ke afo edisio idiɔk ke otu fo efep.

DEUTERONOMY 26:14

ŋkadiaha ke esit ke ukut mi, ŋkoyuŋ nsioho ke esit nnɔ se idehede nnyuŋ nsioho ke esit nnɔ akpa-mkpa: mma ŋkop uyo Jehovah Abasi mi, nnyuŋ nnam kpukpru se afo okowukde mi.

DEUTERONOMY 4:19

mbak afo edinyuŋ emenere enyin fo ese enyɔŋ, onyuŋ okut utin, ye ɔfiɔŋ, ye ntantafiɔŋ, kpa ofuri udim enyɔŋ, ndien enuk fi awaha akatuak ibuot ɔnɔ mmɔ, onyuŋ anam ŋkpɔ ɔnɔ mmɔ emi Jehovah Abasi fo ama ekedeme ɔnɔ kpukpru mme idut ke idak enyɔŋ.

DEUTERONOMY 6:13

Bak Jehovah Abasi fo, nyuŋ nam ŋkpɔ esie, nyuŋ tomo enyiŋ esie.

DEUTERONOMY 7:4

Koro mmɔ eyenam eyen-eren fo akabare etre nditiene mi, ndien mmɔ eyenam ŋkpɔ abasi efen: ndien iyaresit Jehovah eyefiop ye mbufo, enye eyeyuŋ awara ndisobo fi.

JOSHUA 23:8

ekunyuŋ enuhɔ enɔ mmɔ: edi mbufo eyire ye Jehovah Abasi mbufo, kpa nte ŋkanamde tutu osim mfin emi;

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

JUDGES 20:13

Mbufo eyak ndien mbon oro, kpa mme oburobut owo oro edude ke Gibeah, man nnyin iwot mmɔ, inyuŋ ifimere idiɔk-ŋkpɔ ke Israel ifep. Edi nditɔ Benjamin inyimeke ndikop uyo nditɔ-ete mmɔ, nditɔ Israel:

1 SAMUEL 12:14

Edieke mbufo edibakde Jehovah, enyuŋ enam ŋkpɔ esie, enyuŋ ekop uyo esie, inyuŋ itutke utɔŋ ke uyo Jehovah, ndien mbufo ye edidem mbufo ŋko emi adade ubɔŋ mbufo, eyesuk etiene Jehovah Abasi mbufo: