DEUTERONOMY 13:4 - Edisana ñwed Abasi Ibom

⁴ Mbufo etiene Jehovah Abasi mbufo, enyuŋ ebak enye, enyuŋ enim mbet esie, enyuŋ ekop uyo esie, enyuŋ enam ŋkpɔ esie, enyuŋ eyire ye enye.

DEUTERONOMY 13:4 ပူးပေါင်းရင်းမြစ်များ

2 NDIDEM 23:3

Ndien edidem ada adiana adaha, onyuŋ anam ediomi ke iso Jehovah, ete iyetiene Jehovah, inyuŋ inim ibet esie, ye item esie, ye mme ewuhɔ esie, ke ofuri esit, ye ke ofuri ukpɔŋ, inyuŋ inam ikɔ ediomi emi ekewetde ke ŋwed emi. Ndien kpukpru owo eda ke ediomi.

2 CHRONICLES 34:31

Edidem onyuŋ ada ke ɔtɔ esie, onyuŋ anam ediomi ke iso Jehovah, ete iyesaŋa itiene Jehovah, inyuŋ inim mbet esie, ye mme item esie, ye mme ewuhɔ esie, ke ofuri esit esie, ye ke ofuri ukpɔŋ esie, inyuŋ inam ikɔ ediomi eke ekewetde ke ŋwed emi.

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

LUKE 1:6

Mmɔ mbiba enyuŋ edi edinen ke enyin Abasi, esaŋa ke kpukpru mbet ye mme ewuhɔ Jehovah, enana ndo.

ŊWED MBON ROME 6:13

ekunyuŋ eyak mbak idem mbufo enɔ idiɔk-ŋkpɔ ndida nnam ukwaŋkpɔ; edi eyak idem mbufo enɔ Abasi nte mmɔ emi ema eset ke mkpa, enyuŋ eyak mbak idem mbufo enɔ Abasi ndida nnam edinen ido.

1 ŊWED CORINTH 6:17

Edi owo eke adiande idem ye Ɔbɔŋ edi spirit kiet ye Enye.

DEUTERONOMY 10:20

Bak Jehovah Abasi fo; nam ŋkpɔ esie, nyuŋ yire ye enye, nyuŋ tomo enyiŋ esie.

DEUTERONOMY 11:1

MA ndien Jehovah Abasi fo, nyuŋ tiŋ enyin ke item esie ye mme ewuhɔ esie, ye mme item esie, ye mbet esie, kpukpru usen. Mbufo efiɔk ndien mfin emi:

DEUTERONOMY 30:20

man afo ama Jehovah Abasi fo onyuŋ okop uyo esie, onyuŋ eyire ye enye: koro enye edide uwem fo, ye uniɔŋ mme usen fo: man afo oduŋ ke isɔŋ emi Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ mmɔ.

DEUTERONOMY 6:13

Bak Jehovah Abasi fo, nyuŋ nam ŋkpɔ esie, nyuŋ tomo enyiŋ esie.

DEUTERONOMY 6:5

ma ndien Abasi fo ke ofuri esit fo, ye ke ofuri ukpɔŋ fo, ye ke ofuri odudu fo.

ŊWED MBON COLOSSAE 1:10

man mbufo esaŋa ke ido nte odotde Ɔbɔŋ, enem Enye esit ke kpukpru usuŋ, enyuŋ eŋwum mfri ke erinam kpukpru nti utom, enyuŋ ekɔri ke ifiɔk Abasi:

2 JOHN 1:6

Ndien emi edi ima, ete nnyin ikpasaŋa ke mme item Esie. Emi onyuŋ edi item, kpa nte mbufo ekekopde toto ke eritɔŋɔ, ete, mbufo ekpesaŋa ke ima.

1 SAMUEL 7:3

Ndien Samuel ɔdɔhɔ ofuri ufɔk Israel, ete, Edieke mbufo ekabarede etiene Jehovah ke ofuri esit mbufo, esioŋe ndien isen abasi mme Ashtaroth ke otu mbufo efep, enyuŋ ewuk esit mbufo etiene Jehovah, enyuŋ enam ŋkpɔ enɔ enye ikpɔŋ-ikpɔŋ: ndien enye eyenyaŋa mbufo osio mme Philistine ke ubɔk.