DEUTERONOMY 13:2 - Edisana ñwed Abasi Ibom

² ndien idiɔŋɔ oro, mme utibe ŋkpɔ ama osu, nte enye ɔkɔdɔhɔde fi, ete, Eyak nnyin ika iketiene abasi efen, eke afo mukɔfiɔkke, inyuŋ inam ido mmɔ;

DEUTERONOMY 13:2 ပူးပေါင်းရင်းမြစ်များ

1 NDIDEM 13:3

Ndien enye asiak utibe-ŋkpɔ ke usen oro, ete, Emi edi utibe-ŋkpɔ emi Jehovah ɔkɔdɔhɔde ete, Sese, itie-uwa emi eyesiaha, ntɔŋ emi odude ke esit eyenyuŋ ɔduɔhɔ.

EXODUS 22:19

Owo ekededi anade ina ye unam, okutre ndikpa.

EXODUS 7:22

Mbia-idiɔŋ Egypt enyuŋ enam kpa ntre ke idiɔŋ mmɔ: ndien esit Pharaoh ɔsɔŋ, enye inyuŋ ikopke uyo mmɔ; nte emi Jehovah ɔkɔdɔhɔde.

JEREMIAH 23:32

Jehovah ɔdɔhɔ ete, Sese, mmɔŋ nnam ikɔ ye mmɔ eke etiŋde nsunsu ndap, enyuŋ ebukde mmɔ, enyuŋ enamde ikɔt mi edue ke nsu mmɔ ye ke use mmɔ; ndien ami ndɔŋke mmɔ, nnyuŋ ŋwukke mmɔ; ndien mmɔ ididoroke mbio emi baba udori. Ke edi Jehovah ɔdɔhɔ.

JEREMIAH 27:9

Mbufo ekukop ndien mme prophet mbufo ye mbia-idiɔŋ mbufo, ye mme adaba ndap mbufo, ye mbia-inuen mbufo, ye mme nsaŋa ekpo mbufo, emi edɔhɔde mbufo, ete, Mbufo idikabakare idi ikɔt edidem Babylon:

JEREMIAH 28:9

Ama edi prophet eke etiŋde prophecy emem, ke ini uyo prophet oro osude, eyefiɔk prophet eke Jehovah ɔkɔdɔŋde enye utom ke akpanikɔ.

ZECHARIAH 10:2

Koro teraphim etiŋde idiɔk-ŋkpɔ, mbia-idiɔŋ enyuŋ ekut nsu, enyuŋ etiŋ nsu-nsu ndap; mmɔ edɔŋ owo esit ikpikpu: oro esin mmɔ edaŋa nte otu ufene, enyin anam mmɔ, koro baba owo kiet eke ɔbɔkde mmɔ miduhe.

MATTHEW 24:24

Koro mme christ nsu ye mme prophet nsu eyedaha eda, enyuŋ ewut ikpɔ mme idiɔŋɔ ye mme utibe-ŋkpɔ man, edieke mmɔ ekpekemede, eda ndimek ikɔt Abasi ewaha ekpɔŋ usuŋ.

DEUTERONOMY 13:13

Ndusuk nditɔ Belial ema ewɔŋɔ ke otu mbufo, ema enyuŋ enam mbio-obio mmɔ ewaha, ete, Eyak nnyin ika ikanam ŋkpɔ mme abasi efen, eke mbufo mikɔfiɔkke:

DEUTERONOMY 13:6

Ke adaŋemi eyen-uka, mme eyen-eren fo, mme eyen fo aŋwan, mme ŋwan ikpanesit fo, mme ufan fo emi etiede nte ukpɔŋ fo, edinukde fi ke ndibe-ndibe, ete, Yak nnyin ika ikanam ido mme abasi efen, eke afo, ye mme usɔ mikɔfiɔkke;

DEUTERONOMY 18:20

Edi ama edi prophet eke edisɔŋde ibuot ada ikɔ eke mmeŋketemeke enye nte ɔdɔhɔ, ɔdɔhɔ ke enyiŋ mi, ye eke ɔdɔhɔde ikɔ ke enyiŋ mme abasi efen, yak ewot kpa prophet oro.

DEUTERONOMY 18:22

Se prophet edidɔhɔde ke enyiŋ Jehovah, ndien ikɔ misuhosu, minyuŋ iwɔrɔkewɔrɔ, oro edi ikɔ eke Jehovah mikɔdɔhɔde, prophet oro ɔdɔhɔ enye ke usɔŋ-enyin: kubak enye.