DEUTERONOMY 13:17 - Edisana ñwed Abasi Ibom

¹⁷ Ndien baba ofuri ŋkpɔ nsobo oro kiet okudiana fi ke ubɔk: man Jehovah akpadahado ke ikaŋ iyaresit esie, onyuŋ atua fi mbɔm, onyuŋ okop fi uduk, ndien anam fi ɔtɔt, kpa nte enye ɔkɔŋwɔŋɔde ɔnɔ mme usɔ:

DEUTERONOMY 13:17 ပူးပေါင်းရင်းမြစ်များ

GENESIS 26:24

Ndien Jehovah owut enye idem ke okoneyo oro, onyuŋ ɔdɔhɔ, ete, Ami ndi Abasi Abraham usɔ, kufehe, koro ndude ye afo, nyenyuŋ ndiɔŋ fi, nnyuŋ nnam ubon fo ewak, mbaŋa Abraham owo mi.

GENESIS 26:4

nyenyuŋ nnam ubon fo ɔtɔt nte ntantafiɔŋ ke enyɔŋ, nnyuŋ nnɔ ubon fo mme idut emi kpukpru: ndien ofuri ekondo eyekut mfɔn

GENESIS 28:14

Ndien ubon fo eyedi nte ntan isɔŋ; afo eyenyuŋ asiaha ke nnasia, ye ke ufien, ye ke edere, ye ke usuk: ndien edito ke afo ye ubon fo kpukpru oruk ke ererimbot ekut ufɔn.

ŊWED MME PSALM 78:38

Ndien enye enyene-mbɔm osio isop idiɔk ido mmɔ, inyuŋ isoboke mmɔ: Edi awak ndikabare ŋkpɔŋ iyaresit esie, inyuŋ idemekede ofuri ifuresit esie.

ŊWED MME PSALM 85:3

Afo omosio ofuri ifuresit fo efep: amakabare ɔkpɔŋ ikaŋ iyaresit fo.

EXODUS 20:6

nnyuŋ mfɔn ido ye tɔsin emana mmɔ eke emade mi, enyuŋ enimde mbet mi.

EXODUS 32:12

Ke didie ke nditɔ Egypt edidɔhɔ ete, Enye okosio mmɔ ke ibak, ete iwot mmɔ ke otu ikpɔ ibot, inyuŋ isobo mmɔ ke iso isɔŋ ifep? Kabare kpɔŋ ikaŋ-ikaŋ iyaresit fo, nyuŋ dahado ke idiɔk-ŋkpɔ emi nɔ ikɔt fo.

ŊWED ESEME 3:32

koro enye ama otuk owo, enye eyenyuŋ atua owo mbɔm nte ekemde ye ediwak ima esie.

EZEKIEL 37:26

nyenyuŋ nnam ediomi emem ye mmɔ; eyedi nsinsi ediomi ye mmɔ; ndien nyenim mmɔ (ke itie), nnyuŋ nnam mmɔ ewak, nnyuŋ ŋwuk mmɔ edisana ebiet mi ke ufɔt ke nsinsi.

HOSEA 11:9

Ndinamke ke ifiopesit mi, nditɔŋɔke ntak mbiat Ephraim: koro ami ndide Abasi, ndige owo; ndi Edisana (Abasi) ke otu mbufo: ndien ndidukke ke obio.

NUMBERS 25:4

Jehovah onyuŋ ɔdɔhɔ Moses, ete, Da kpukpru mme etubom mbio emi; ndien yiri mmɔ oro ke iso utin nɔ Jehovah, man ifiopesit Jehovah ɔkpɔŋ Isarel.

1 ŊWED CORINTH 16:22

Edieke owo ekededi mimaŋa Ɔbɔŋ, Ɔdɔdiɔk ɔnɔ enye.

DEUTERONOMY 13:18

ke ini afo okopde uyo Jehovah Abasi fo, onyuŋ onimde kpukpru mbet esie emi ami ntemede fi mfin emi, ke anam se inende ke enyin Jehovah Abasi fo.

DEUTERONOMY 30:3

ndien Jehovah Abasi fo eyenam fi oto ke itie ufin fo afiak, onyuŋ atua fi mbɔm, onyuŋ ɔtɔŋɔ ntak ataŋ fi ke kpukpru mme idut eke Jehovah Abasi fo akasuande fi ekesin do.

DEUTERONOMY 30:5

ndien Jehovah Abasi fo eyeda fi edi ke isɔŋ emi mme usɔ ekenyenede, afo ŋko eyeda enye enyene; ndien enye eyefɔn ye afo, onyuŋ anam fi awak akan mme usɔ.

DEUTERONOMY 7:13

ndien enye eyema fi, onyuŋ ɔdiɔŋ fi, onyuŋ anam fi ɔtɔt: onyuŋ ɔdiɔŋ mfri idibi fo, ye mfri isɔŋ fo, ye ibokpot fo, ye ɔbufa wine fo, ye aran fo, ye nditɔ enaŋ fo, ye nditɔ ŋkpri ufene fo, isɔŋ emi enye ɔkɔŋwɔŋɔde ɔnɔ mme usɔ, ete iyenɔ fi.

DEUTERONOMY 7:26

Kunyuŋ uda ŋkpɔ mbubiam uduk ke ufɔk fo, mbak afo edikabare edi ŋkpɔ nsobo ebiet enye: kam sasua enye, nyuŋ bat enye ke ŋkpɔ mbubiam: koro enye edide ŋkpɔ nsobo.

JOSHUA 22:20

Nte Achan eyen Zerah ikanamke idiɔk ido ke ŋkpɔ nsobo oro, ndien iyaresit etiene ofuri esop Israel? Ndien owo oro ikakpaha ikpɔŋ ke idiɔk ido esie.

JOSHUA 6:18

Edi mbufo ekpeme ŋkpɔ nsobo, mbak editre ndisobo, enyuŋ eda nkpɔ nsobo, ndien enam nna Israel akabare edi ŋkpɔ nsobo enyuŋ etuhɔ enye.

JOSHUA 6:24

Ndien mmɔ efɔp obio, ye kpukpru se idude ke esit ke ikaŋ: edi mmɔ eda silver, ye gold, ye ŋkpɔ okpoho, ye ukwak, esin ke unim-ŋkpɔ ufɔk Jehovah.

JOSHUA 6:26

Ndien Joshua owuk ke ini oro, ete, osuk ɔdɔdiɔk ke iso Jehovah ɔnɔ owo eke edidahade ada ɔbɔp obio Jericho emi: enye eyeda akpan esiemɔ ɔtɔŋɔ ndibɔp, onyuŋ ada ekpere-edem eyen esiemɔ ɔkɔŋɔ mme itim esie.

JOSHUA 7:1

EDI nditɔ Israel ebiat mbet ke ikɔ ŋkpɔ nsobo: koro Achan, eyen Carmi, eyen Zabdi, eyen Zerah, owo esien Judah, akadade ndusuk ŋkpɔ nsobo: ndien Jehovah ayat esit ye nditɔ Israel.

JOSHUA 7:26

Ndien mmɔ ekubi enye akamba ebok itiat ke idem, tutu osim mfin emi. Ntem ke Jehovah akabare ɔkpɔŋ ikaŋ iyaresit esie. Mmɔdo enyiŋ ebiet oro ekerede ebedeŋ Achor (ndutuhɔ), tutu osim mfin emi.

JOSHUA 8:28

Ndien Joshua ɔfɔp Ai, onyuŋ onim enye ke ndon ke nsinsi, kpa ŋwure tutu osim mfin emi.