DEUTERONOMY 13:16 - Edisana ñwed Abasi Ibom

¹⁶ Ndien bon kpukpru mbume esie ke ufɔt aŋwa esie, nyuŋ fɔp obio ye kpukpru mbume esie ke ikaŋ, tutu okure tak, nɔ Jehovah Abasi fo: ndien obio eyedi mbot-mbot ke nsinsi; yak owo okubɔp aba enye.

DEUTERONOMY 13:16 ပူးပေါင်းရင်းမြစ်များ

EXODUS 22:19

Owo ekededi anade ina ye unam, okutre ndikpa.

ISAIAH 17:1

UYO Abasi emi abaŋa Damascus. Sese, Damascus amakabare, idige aba obio, edi ibombom ŋwure.

ISAIAH 25:2

Koro afo amakabare obio onim ke ibom-bom; onim obio ibibene ke ŋwure: onim akwa ufɔk isen owo, ete okudi aba obio; ididiɔŋke enye ke nsinsi.

JEREMIAH 49:2

Jehovah ɔdɔhɔ ete, Mmɔdo, sese, mme usen ke edi eke ndinamde ekop mkpo ekɔŋ ke Rabbah nditɔ Ammon; ndien enye eyekabare edi ibombom ŋwure, eyenyuŋ efɔp nditɔ-iban esie ke ikaŋ: ndien Israel eyeda mmɔ eke edade enye enyene; Jehovah ɔdɔhɔ.

EZEKIEL 26:14

Ndien nyenam fi akabare edi edisat itiat: afo eyedi ebiet eke ebride iyire ke esit; ndien idibɔpke aba fi: koro ami Jehovah ndɔhɔ: emi edi uyo Ɔbɔŋ Jehovah.

MICAH 1:6

Ndien nyenim Samaria nte ibombom ke ikɔt, ye ke ebiet eke etɔde iŋwaŋ-vine: nyenyuŋ ŋŋwaŋa mme itiat esie nsin ke ebedeŋ, nnyuŋ mfuhɔre ebiet emi enye adade ke esit.

DEUTERONOMY 7:25

Mbufo eda edisɔi ŋkpɔ mbiet mme abasi mmɔ efɔp ke ikaŋ: kuyom silver ye gold eke ɔfuhɔde mmɔ ke idem, kunyuŋ uda enye ke idem fo, mbak enye edisin afia amia fi: koro Jehovah Abasi fo esede enye ke ŋkpɔ mbubiam.

DEUTERONOMY 7:26

Kunyuŋ uda ŋkpɔ mbubiam uduk ke ufɔk fo, mbak afo edikabare edi ŋkpɔ nsobo ebiet enye: kam sasua enye, nyuŋ bat enye ke ŋkpɔ mbubiam: koro enye edide ŋkpɔ nsobo.

JOSHUA 6:21

Ndien mmɔ eda iso ofut esobo kpukpru se idude ke obio, ɔtɔŋɔde ke eren tutu osim ŋwan, ɔtɔŋɔde ke eyenɔwɔŋ tutu osim mbiowo, ye enaŋ, ye ŋkpri ufene, ye mme ass.

JOSHUA 6:24

Ndien mmɔ efɔp obio, ye kpukpru se idude ke esit ke ikaŋ: edi mmɔ eda silver, ye gold, ye ŋkpɔ okpoho, ye ukwak, esin ke unim-ŋkpɔ ufɔk Jehovah.

JOSHUA 6:26

Ndien Joshua owuk ke ini oro, ete, osuk ɔdɔdiɔk ke iso Jehovah ɔnɔ owo eke edidahade ada ɔbɔp obio Jericho emi: enye eyeda akpan esiemɔ ɔtɔŋɔ ndibɔp, onyuŋ ada ekpere-edem eyen esiemɔ ɔkɔŋɔ mme itim esie.

JOSHUA 8:28

Ndien Joshua ɔfɔp Ai, onyuŋ onim enye ke ndon ke nsinsi, kpa ŋwure tutu osim mfin emi.