DEUTERONOMY 12:7 - Edisana ñwed Abasi Ibom

⁷ Ndien mbufo edia ŋkpɔ do ke iso Jehovah Abasi mbufo, enyuŋ edat esit ke kpukpru ŋkpɔ eke mbufo enyande ubɔk mbufo ke esit, kpa mbufo ye mme ufɔk mbufo, ke se Jehovah adade ɔdiɔŋ mbufo.

DEUTERONOMY 12:7 ပူးပေါင်းရင်းမြစ်များ

1 CHRONICLES 29:22

mmɔ enyuŋ edia ŋkpɔ enyuŋ eŋwɔŋ ke iso Jehovah, ke usen oro ke akwa idaresit: mmɔ enyuŋ etɔŋɔ ntak enim Solomon eyen David ke edidem, enyuŋ eyet enye aran enɔ Jehovah enim ke ɔbɔŋ, enyuŋ enim Zadok ke oku.

NEHEMIAH 8:9

Ndien Nehemiah, emi edide Tirshatha, ye Ezra oku, ɔfiɔk-ŋwed, ye mme Levite, emi esiande mbon oro, edɔhɔ kpukpru owo, ete, Mfin emi edi edisana usen Jehovah Abasi mbufo; mbufo ekuseme, ekunyuŋ etua eyet. Koro kpukpru owo etuade eyet, adaŋemi mmɔ ekopde ikɔ mbet oro.

ECCLESIASTES 3:12

Mmɔfiɔk nte ke baba eti ŋkpɔ kiet iduhe mmɔ ke esit, ke mibɔhɔke owo ndidat esit, nnyuŋ nnam se ifɔnde ke uwem esie.

ECCLESIASTES 3:13

Ndien ŋko ama edi kpukpru owo eke ediade ŋkpɔ enyuŋ eŋwɔŋde, enyuŋ ekutde eti ŋkpɔ ke kpukpru ɔkpɔsɔŋ utom mmɔ, emi onyuŋ edi enɔ Abasi.

ECCLESIASTES 5:18

Se ŋkpɔ emi ami nsede ke eti ŋkpɔ, ye ke ediye ŋkpɔ, kpa owo ndidia nnyuŋ ŋŋwɔŋ, nnyuŋ ŋkut se ifɔnde ke kpukpru utom esie, eke enye anamde ke idak utin, ke adaŋa ibat mme usen esie eke Abasi ɔnɔde enye: koro udeme esie edi oro.

ISAIAH 23:18

Ndien utip esie ye udori esie eyekabare edi edisana ŋkpɔ Jehovah: mmɔ idinimke enye, idinyuŋ ibonke enye: koro udori esie eyekabare edi se mmɔ eke eduŋde ke iso Jehovah edade edia eyuhɔ, enyuŋ esine ata eti edisine-ŋkpɔ.

ISAIAH 62:9

koro mmɔ eke etaŋde enye eyeta enye, enyuŋ etoro Jehovah; mmɔ eke ebonde eyenyuŋ eŋwɔŋ enye ke edisana okure mi.

EZEKIEL 44:3

Ɔbɔŋ, kpa ɔbɔŋ ke idem-esie eyetie ke esit, ata uyo ke iso Jehovah: enye eyeto ke usuŋ etehe inua-otop oduk, onyuŋ ɔwɔrɔ ke kpasuk usuŋ oro.

JOEL 1:16

Nte isibeke udia ke enyin nnyin ifep? Nte ifepke idaresit ye mbre ke ufɔk Abasi nnyin?

JOEL 2:26

Ndien mbufo eyedia eyuhɔ, enyuŋ etoro enyiŋ Jehovah Abasi mbufo, emi akanamde mme utibe ŋkpɔ ye mbufo: ndien ikɔt mi idikwe but ke nsinsi.

LEVITICUS 23:40

Ndien ke akpa usen ke mbufo edida ŋkɔk ndiye eto, mkpabak eyop, ye ŋkɔk mfuhɔ-mfuhɔ eto, ye willow idim mmɔŋ ke idem mbufo; enyuŋ edara ke iso Jehovah Abasi mbufo ke ofuri usen itiaba.

MALACHI 2:13

Ndien mbufo ke enam ŋkpɔ emi ŋko, ke eda mmɔŋeyet, ye mmum, ye eseme efuk itie-uwa Jehovah, ndien enye isehe aba inuak-udia, inyuŋ imaŋa aba ndibɔ mbufo ke ubɔk. Ndien mbufo edɔhɔ ete, Nsinam?

UTOM MME APOSTLE 2:46

Ndien ke usen ke usen mmɔ enyene iwuk edu ke temple ye esit kiet, enyuŋ ebuŋ uyo ke ufɔk, mmɔ edia udia ke idaresit ye esit kiet, etoro Abasi; kpukpru owo enyuŋ enen iso ye mmɔ.

DEUTERONOMY 12:12

ndien mbufo, ye nditɔ-iren mbufo, ye nditɔ mbufo iban, ye ifin iren mbufo, ye ifin iban mbufo, eyedat esit ke iso Jehovah, ye mme Levite emi edude ke mme obio mbufo: koro mmɔ midaha ubak ye udeme ke otu mbufo.

DEUTERONOMY 12:18

edi ke iso Jehovah Abasi fo ke afo edidia enye ke ebiet emi Jehovah Abasi fo edimekde, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye mme Levite emi eduŋde ke obio fo: ndien dat esit ke iso Jehovah Abasi fo ke kpukpru ŋkpɔ eke afo anyande ubɔk fo ke esit.

DEUTERONOMY 12:8

Mbufo ekunam nte emi nnyin inamde kpukpru ŋkpɔ mi mfin emi, owo anam ŋkpɔ ekededi eke enye amade.

DEUTERONOMY 14:23

Nyuŋ tie ke iso Jehovah Abasi fo ke ebiet emi enye edimekde ndinim enyiŋ esiemɔ ke esit, dia ɔyɔhɔ ubak ibokpot fo duop, ye eke obufa wine fo, ye eke aran fo, ye eke akpa nditɔ ufene fo; man afo ekpep ndibak Jehovah Abasi fo kpukpru ini.

DEUTERONOMY 14:26

ndien nɔ silver oro ke ŋkpɔ ekededi eke ukpɔŋ fo ediyomde: ndien dia ŋkpɔ oro ke iso Jehovah Abasi fo, nyuŋ dat esit, afo, ye ufɔk fo.

DEUTERONOMY 15:20

Afo ye ufɔk fo eda enye eketa ke iso Jehovah Abasi fo kpukpru isua, ke ebiet emi Jehovah edimeke.

DEUTERONOMY 26:11

ndien dat esit ke kpukpru ufɔn emi Jehovah Abasi fo ɔnɔde fi ye ufɔk fo, afo, ye mme Levite, ye esen owo eke odude ke otu fo.

DEUTERONOMY 27:7

nyuŋ wa uwa emem, nyuŋ dia ŋkpɔ do, nyuŋ dat esit ke iso Jehovah Abasi fo.

DEUTERONOMY 28:47

Koro mukanamke ŋkpɔ Jehovah Abasi fo ke idara, ye ke inemesit, ke ini kpukpru ŋkpɔ ewakde;

ŊWED MBON PHILIPPI 4:4

Edat esit ke Ɔbɔŋ kpukpru ini; nyetɔŋɔ ntak ndɔhɔ, Edat esit.