DEUTERONOMY 12:6 - Edisana ñwed Abasi Ibom

⁶ mbufo enyuŋ eda mme edifɔp uwa mbufo eka do, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye mme akaŋa mbufo, ye mme uwa ima esit mbufo, ye akpa nditɔ enaŋ mbufo, ye eke ekpri ufene mbufo.

DEUTERONOMY 12:6 ပူးပေါင်းရင်းမြစ်များ

2 CHRONICLES 31:14

Ndien Kore eyen Imnah Levite kiet, etie-usuŋ ke edem usiaha-utin, edi etubom ŋkpɔ emi enɔde Abasi ke ima esit, man edeme enɔ Jehovah, ye ata edisana ŋkpɔ.

2 CHRONICLES 7:12

Ekem Jehovah owut Solomon idem ke okoneyo, onyuŋ ɔdɔhɔ enye, ete, Mma ŋkop akam fo, mma nnyuŋ mmek ebiet emi ke idemmi nnim ke ufɔk uwa.

EZRA 3:2

Ndien Jeshua eyen Jozadak ye nditɔ-ete esie mme oku edaha ke enyɔŋ, ye Zerubbabel eyen Shealtiel, ye nditɔ-ete esie, ebɔp itie-uwa Abasi Israel man ewa edifɔp uwa ke esit, kpa nte ewetde ke ŋwed ewuhɔ Moses owo Abasi.

NEHEMIAH 10:36

inyuŋ ida akpan nditɔ-iren nnyin, ye akpa nditɔ ufene nnyin, kpa nte ewetde ke ŋwed ewuhɔ, ye akpa nditɔ enaŋ nnyin, ye eke ŋkpri ufene nnyin, idi ke ufɔk Abasi nnyin, isɔk mme oku emi esaŋade utom ke ufɔk Abasi nnyin:

NEHEMIAH 10:39

Koro nditɔ Israel ye nditɔ Levi edidade edimenere uwa ibokpot, ye wine, ye aran, edi edisin ke ubet emi mkpoduoho edisana ebiet, ye eke mme oku, eke esaŋade utom, ye mme etie-usuŋ, ye mme ɔkwɔ ikwɔ, edude do. Ndien nnyin idikpɔŋke ufɔk Abasi nnyin.

ŊWED MME PSALM 116:17

Nyewa uwa ekɔm nnɔ fi, nnyuŋ nseme ŋkot enyiŋ Jehovah.

EZEKIEL 20:40

Koro Ɔbɔŋ Jehovah ɔdɔhɔde ete, Ke edisana obot mi, ke edikoŋ obot Israel, do ke ofuri ufɔk Israel, kpukpru mmɔ ke isɔŋ, edinam ŋkpɔ mi: do ke mmɔ edinem mi esit, do ŋko ke ndiyom edimenere uwa mbufo, ye akpa ŋkpɔ eke mbufo emende ke kpukpru edisana ŋkpɔ mbufo enɔ.

LEVITICUS 1:3

Enɔ esie ama edi edifɔp uwa enaŋ, yak enye ada ayara eke ɔfɔnde ama ɔsɔk: yak ada enye edi ke enyin-usuŋ tent esop, man edi se idinamde enye enem Jehovah esit.

MALACHI 3:10

Mbufo eda kpukpru ɔyɔhɔ mbak duop edisin ke ufɔk unim-ŋkpɔ, man udia odu ke ufɔk mi, ndien eda emi edomo mi, Jehovah mme udim ɔdɔhɔ, mme ami ndiberekede window heaven nnɔ mbufo, nnyuŋ ŋŋwaŋa nti ŋkpɔ nnɔ mbufo, tutu akaha.

MALACHI 3:8

Nte owo okpotuk Abasi, koro mbufo etukde mi? Ndien mbufo edɔhɔ ete, Nnyin ikotuk fi ke nso? Ke ɔyɔhɔ mbak ŋkpɔ duop ye ke edimenere uwa.

LUKE 11:42

Edi eyedɔdiɔk ɔnɔ mbufo mme Pharisee, koro mbufo esiode ubak ikɔŋ ye etidot ye kpukpru oruk ikɔŋ udia kiet ke itie duop enɔ Abasi, enyuŋ ekaŋade edinen ikpe ye ima Abasi: mbufo ekpanam ŋkpɔ emi, ikponyuŋ itreke ndinam mmɔ eken.

LUKE 18:12

Ntre udia utim ikaba ke urua; nsosio ubak kiet ke itie duop ke kpukpru se nnyenede nnɔ Abasi.

DEUTERONOMY 12:17

Kuda ɔyɔhɔ ubak ibokpot fo duop mme eke ɔbufa wine fo, mme eke aran fo, mme eke akpa eyen enaŋ ye erɔŋ fo, mme eke akaŋa fo baba kiet eke afo edikaŋade, mme eke uwa ima esit fo, mme eke edimenere uwa ubɔk fo, udia ke ebiet fo:

DEUTERONOMY 26:2

sio ndusuk ofuri akpa mfri iŋwaŋ eke afo edidade ke isɔŋ fo emi Jehovah Abasi fo ɔnɔde fi, edi, sin ke akpan, ndien ka ke ebiet emi Jehovah Abasi fo edimekde ndinim enyiŋ esie do.

JOSHUA 22:27

edi enye edi ntiense ke ufɔt nnyin ye mbufo, ye ke ufɔt mme emana nnyin emi editienede nnyin edem, man nnyin inam utom Jehovah ke iso esie, ke edifɔp uwa nnyin, ye ke mme uwa nnyin efen, ye ke mme uwa emen nnyin; man nditɔ mbufo ekudɔhɔ nditɔ nnyin, ke ini iso, ete, Mbufo inyeneke udeme ke Jehovah.

1 SAMUEL 1:21

Ndien owo oro Elkanah ɔdɔk ye ofuri ufɔk esie, ndiwa uwa isua ye akaŋa esie nnɔ Jehovah.

1 SAMUEL 1:24

Ndien adaŋemi enye akanamde eyen adaha ke eba, enye ada enye ye enaŋ ita, ye eti ndom-uyo ke ephah kiet, ye wine ke ikpa, ɔdɔk, onyuŋ ada enye aka ke ufɔk Jehovah ke Shiloh; ndien eyen oro edi eyenɔwɔŋ.