DEUTERONOMY 12:5 - Edisana ñwed Abasi Ibom

⁵ Edi mbufo eyom ebiet emi Jehovah Abasi mbufo edimekde ke otu kpukpru mme esien mbufo osio, ete inim enyiŋ esie, man enye oduŋ do, enyuŋ eka do:

DEUTERONOMY 12:5 ပူးပေါင်းရင်းမြစ်များ

1 NDIDEM 12:27

edieke mbon emi edidɔkde eka ekewa uwa ke ufɔk Jehovah ke Jerusalem, esit mbon emi eyefiak etiene ɔbɔŋ mmɔ, kpa Rehoboam edidem Judah, ndien mmɔ eyewot mi, enyuŋ efiak etiene Rehoboam edidem Judah.

1 NDIDEM 14:21

Ndien Rehoboam eyen Solomon edi edidem ke Judah. Rehoboam osim isua aba ye kiet ke ini enye adade ubɔŋ, onyuŋ edi edidem ke isua efureba ke Jerusalem, obio oro Jehovah ekemekde ke otu kpukpru esien Israel, ndisin enyiŋ esie do. Ndien enyiŋ eka esie ekere Naamah ŋwan Ammon.

1 NDIDEM 8:16

Toto ke usen oro ŋkosiode ikɔt mi Israel ke Egypt mfep, ŋkemekke baba obio kiet ke otu kpukpru mme esien Israel nte ebɔp ufɔk, man enyiŋ mi okpodu do; edi ŋkemek David nte enye akara ikɔt mi Israel.

1 NDIDEM 8:20

Jehovah ama onyuŋ anam uyo esie emi enye ɔkɔdɔhɔde ntre ɔsɔŋ ada, ndien ami mmadaha nda ke itie David ete mi, nnyuŋ ntie ke ebekpo Israel, kpa nte Jehovah ɔkɔdɔhɔde, mma nnyuŋ mbɔp ufɔk emi nnɔ enyiŋ Jehovah Abasi Israel.

1 NDIDEM 8:27

Nte Abasi eyeduŋ ke isɔŋ ndien ke akpanikɔ? Sese, enyɔŋ ye ata enyɔŋ ikemke fi, kpaŋ ɔfiɔk ufɔk emi ŋkɔbɔpde.

1 NDIDEM 8:29

yak enyin fo esuk ese ufɔk emi ke okoneyo ye ke uwemeyo, kpa ebiet emi afo ɔdɔhɔde ete, “Enyiŋ mi eyedu do:” nyuŋ kop akam eke owo fo edibɔŋde ese ebiet emi.

2 NDIDEM 18:22

Ndien emi mbufo edidɔhɔde mi, ete, Nnyin ke ibuot idem nnyin ye Jehovah Abasi nnyin, nte idige enye ke Hezekiah okosio mme edikoŋ ebiet esie ye mme itie-uwa esie efep, okonyuŋ ɔdɔhɔ Judah ye Jerusalem, ete, Mbufo ebɔŋ akam ke iso itie-uwa emi ke Jerusalem.

1 CHRONICLES 22:1

NDIEN David ɔdɔhɔ, ete, Emi edi ufɔk Jehovah Abasi emi onyuŋ edi itie edifɔp-uwa Israel.

2 CHRONICLES 7:12

Ekem Jehovah owut Solomon idem ke okoneyo, onyuŋ ɔdɔhɔ enye, ete, Mma ŋkop akam fo, mma nnyuŋ mmek ebiet emi ke idemmi nnim ke ufɔk uwa.

EZRA 3:2

Ndien Jeshua eyen Jozadak ye nditɔ-ete esie mme oku edaha ke enyɔŋ, ye Zerubbabel eyen Shealtiel, ye nditɔ-ete esie, ebɔp itie-uwa Abasi Israel man ewa edifɔp uwa ke esit, kpa nte ewetde ke ŋwed ewuhɔ Moses owo Abasi.

EZRA 6:12

Ndien yak Abasi emi akanamde enyiŋ esie oduŋ do, osobo kpukpru ndidem ye obio eke edimenerede ubɔk mmɔ ndikpuhɔre, nnyuŋ ŋwuri ufɔk Abasi emi odude ke Jerusalem. Ami Darius mmowuk ewuhɔ: yak emen idem enam.”

EZRA 7:17

silver emi wawara dep enaŋ, ye okukim erɔŋ, ye nditɔ-erɔŋ, ye inuak-udia mmɔ, ye uwa ediŋwɔŋ-ŋkpɔ mmɔ, nyuŋ wa mmɔ ke itie-uwa ufɔk Abasi mbufo, emi odude ke Jerusalem.

NEHEMIAH 1:9

ndien mbufo ema efiak etiene mi, enyuŋ enim ibet mi, enyuŋ enam mmɔ; mbufo ekpesuana tutu esim ke utit enyɔŋ, ŋkpataŋ mmɔ do mbon, nnyuŋ nda mmɔ ndi ke ebiet emi ŋkemekde man nnim enyiŋ mi do.

ŊWED MME PSALM 78:68

edi emek esien Judah, kpa obot Zion emi enye amade.

EXODUS 15:2

Jehovah edi odudu mi ye ikwɔ, omonyuŋ edi erinyaŋa mi: enye edi Abasi mi, ndien nyekpono enye; Abasi ete mi, ndien nyetoro enye.

EXODUS 20:24

Afo edinam itie-uwa ke ntan-isɔŋ ɔnɔ mi, onyuŋ ada edifɔp uwa fo, ye uwa emem fo, ye ŋkpri ufene fo, ye mme enaŋ fo awa ke esit. Ke kpukpru ebiet eke ndinamde owo eti enyiŋ mi, nyetiene fi do, nnyuŋ ndiɔŋ fi.

EXODUS 25:22

Ndien nyesobo ye afo do, nnyuŋ ntie ke enyɔŋ itie usio-isop, ke ufɔt mme cherubim iba emi (edorede) ke enyɔŋ ekebe ŋkpɔ-ntiense, nneme ye afo mbaŋa kpukpru se nditemede fi nnɔ nditɔ Israel.

JEREMIAH 26:2

Ntem ke Jehovah ɔdɔhɔ ete, Ka kada ke okure ufɔk Jehovah, nyuŋ men kpukpru ikɔ eke ŋwukde fi, nte ɔdɔhɔ ye mmɔ, tiŋ baŋa kpukpru mme obio Judah eke edide ndituak ibuot ke ufɔk Jehovah; kusio baba ikɔ kiet ufep;

JEREMIAH 7:12

Mbufo ekam eka ke ebiet mi oro okodude ke Shiloh, emi ŋkayakde enyiŋ mi oduŋ do akpa, enyuŋ ekut se ŋkanamde ye enye, mbaŋa idiɔk ido ikɔt mi Israel.

JEREMIAH 7:14

mmɔdo nyenam ye ufɔk emi ekerede enyiŋ mi, emi mbufo ebuɔtde idem ke esit, nyenyuŋ nnam ye ebiet emi ŋkɔnɔde mbufo ye mme ete mbufo, kpa nte ŋkanamde ye Shiloh.

LEVITICUS 17:4

ndien midaha enye idi ke enyin-usuŋ efe esop, man ada enɔ ɔnɔ Jehovah, ke iso ebiet-iduŋ Jehovah; iyip eyesɔp owo oro: enye ɔmɔduɔk iyip; yak enye esibe owo oro efep ke otu mbio-obio mmɔ:

NUMBERS 7:89

Ekem adaŋemi Moses okodukde ke efe esop ndidɔhɔ ye Enye, ndien enye okop uyo andidɔhɔ ye enye otode ke itie usio-isop emi odorode ke ekebe ntiense, ke ufɔt mme cherubim iba: ntem ke enye ɔdɔhɔ ye enye.

DEUTERONOMY 12:11

ndien ama ekem, mbufo eda kpukpru se ntemede mbufo, kpa edifɔp uwa mbufo, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye kpukpru akaŋa eke mbufo emekde ndikaŋa nnɔ Jehovah, eka ke ebiet emi Jehovah Abasi fo edimekde ndinam enyiŋ esie oduŋ do:

DEUTERONOMY 12:13

Kpeme idem mbak afo ediwa edifɔp uwa fo ke kpukpru ebiet eke afo okokut:

DEUTERONOMY 12:18

edi ke iso Jehovah Abasi fo ke afo edidia enye ke ebiet emi Jehovah Abasi fo edimekde, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye mme Levite emi eduŋde ke obio fo: ndien dat esit ke iso Jehovah Abasi fo ke kpukpru ŋkpɔ eke afo anyande ubɔk fo ke esit.

DEUTERONOMY 12:4

Ekunam ntem enɔ Jehovah Abasi mbufo.

DEUTERONOMY 14:23

Nyuŋ tie ke iso Jehovah Abasi fo ke ebiet emi enye edimekde ndinim enyiŋ esiemɔ ke esit, dia ɔyɔhɔ ubak ibokpot fo duop, ye eke obufa wine fo, ye eke aran fo, ye eke akpa nditɔ ufene fo; man afo ekpep ndibak Jehovah Abasi fo kpukpru ini.

DEUTERONOMY 14:24

Edi ke adaŋemi usuŋ oyomde fi akan nte afo ekemede ndibiom enye: koro ebiet emi Jehovah edimekde ndisin enyiŋ esie ke esit oyomde fi usuŋ akan, adaŋemi Jehovah Abasi fo ama ɔkɔdiɔŋ fi:

DEUTERONOMY 15:20

Afo ye ufɔk fo eda enye eketa ke iso Jehovah Abasi fo kpukpru isua, ke ebiet emi Jehovah edimeke.

DEUTERONOMY 16:11

ndien dat esit ke iso Jehovah Abasi fo, afo, ye eyen eren fo, ye eyen fo aŋwan, ye ofin eren fo, ye ofin aŋwaŋ fo, ye Levite eke odude ke obio fo, ye esen owo, ye eyen-akpa, ye ebe-akpa eke edude ke otu fo, ke ebiet emi Jehovah Abasi edimekde ndinim enyiŋ esiemɔ do.

DEUTERONOMY 16:15

Ke usen itiaba ke afo edinim usɔrɔ ɔnɔ Jehovah Abasi fo ke ebiet emi Jehovah edimekde: koro Jehovah Abasi fo eyediɔŋ fi ke kpukpru mbuŋwum-ŋkpɔ fo, ye ke kpukpru utom ubɔk fo, kutre ndien ndidat esit.

DEUTERONOMY 16:2

Wot ndien passover oro nɔ Jehovah Abasi fo, edide erɔŋ, onyuŋ edide enaŋ, ke ebiet emi Jehovah edimekde ndinim enyiŋ esie do.

DEUTERONOMY 16:6

ibɔhɔke ke ebiet emi Jehovah Abasi fo edimekde ndinim enyiŋ esiemɔ, do ke afo ediwot passover oro ke mbubreyo, ke eyo okutde, kpa ke ekem ini emi afo okotode ke Egypt.

DEUTERONOMY 16:7

Nyuŋ tem enye ta ke ebiet emi Jehovah Abasi fo edimeke: ndien, eyo ama esiere, fiak nyɔŋ ke tent fo.

DEUTERONOMY 17:8

Ke adaŋemi edisɔŋde fi ndikpe, ke ufɔt iyip ye iyip, ke ufɔt ikpe ye ikpe, ye ke ufɔt ita ye ita, eke edide ikɔ eneni ke obio fo: ndien daha ke enyɔŋ saŋa dɔk ke ebiet emi Jehovah Abasi fo edimekde:

DEUTERONOMY 18:6

Ndien edieke Levite kiet otode ke obio fo kiet, ke ofuri Israel, emi enye oduŋde do, edi ke ofuri ima esit esie ke ebiet emi Jehovah edimekde;

DEUTERONOMY 26:2

sio ndusuk ofuri akpa mfri iŋwaŋ eke afo edidade ke isɔŋ fo emi Jehovah Abasi fo ɔnɔde fi, edi, sin ke akpan, ndien ka ke ebiet emi Jehovah Abasi fo edimekde ndinim enyiŋ esie do.

DEUTERONOMY 31:11

ke adaŋemi ofuri Israel edide ediwut Jehovah Abasi fo idem, ke ebiet emi enye edimekde, da mbet emi kot ke iso ofuri Israel sin mmɔ ke utɔŋ.

ŊWED MBON COLOSSAE 2:9

Koro ofuri Uyɔhɔ Abasi ke ododuŋ Enye ke idem; mbufo enyuŋ enyene uyɔhɔ mbufo ke Enye;

MME HEBREW 12:22

Edi mbufo ekesaŋa ekpere Obot Zion, ye Obio Abasi uwem kpa Jerusalem enyɔŋ, ye ata ediwak angel, ye akwa esop ye ufɔk Abasi eke mmɔ emi edide ikpan,

JOSHUA 18:1

EKEM ofuri esop nditɔ Israel esop idem ke Shiloh, enyuŋ ewuk efe esop do. Ndien isɔŋ ana suŋ ke iso mmɔ.

JOSHUA 22:11

Ekem nditɔ Israel ekop ete, Sese, nditɔ Reuben, ye nditɔ Gad, ye ubak esien Manasseh ema enam itie-uwa emi asakde iso ese isɔŋ Canaan, ke edem Jordan, ke edem nditɔ Israel oko.

JOSHUA 9:27

Ndien ke usen oro Joshua onim mmɔ ke mme asiak-ifia, ye mme okoi mmɔŋ ɔnɔ mbon esop ye itie-uwa Jehovah tutu osim esop ye itie-uwa Jehovah tutu osim mfin emi, ɔnɔ ebiet eke enye edimekde.

ERIYARARE 14:1

EKEM ŋkut, ndien sese, Eyen-erɔŋ ke adada ke Obot Zion, thousand owo ikie ye aba ye inaŋ enyuŋ eda ye Enye, kpa mmɔ emi ekewetde enyiŋ Esie ye enyiŋ Ete Esie ke ɔkpɔ-iso mmɔ.