DEUTERONOMY 12:31 - Edisana ñwed Abasi Ibom

³¹ Kunam ntre ye Jehovah Abasi fo: koro mmɔ enamde kpukpru oruk mbubiam emi Jehovah asuade enɔ mme abasi mmɔ: koro mmɔ efɔpde idem nditɔ-iren mmɔ ye nditɔ mmɔ iban enɔ mme abasi mmɔ.

DEUTERONOMY 12:31 ပူးပေါင်းရင်းမြစ်များ

2 NDIDEM 16:3

Edi enye asaŋa ke usuŋ ndidem Israel, onyuŋ anam eyen esie ŋko ebe oduk ke ikaŋ, ekem ye mbubiam ido mme idut oro Jehovah ekemende efep ke iso nditɔ Israel ɔduɔk.

2 NDIDEM 17:31

mme Avvite enyuŋ enam Nibhaz ye Tartak, mbio Sepharvaim enyuŋ efɔp nditɔ mmɔ ke ikaŋ enɔ Adrammelech ye Annammelech, mme abasi Sepharvaim.

2 NDIDEM 21:2

Enyiŋ eka esie onyuŋ ekere Hephzi-bah. Ndien enye anam idiɔk ke iso Jehovah, ekem ye mbubiam mme idut oro Jehovah okosiode efep ke iso nditɔ Israel.

2 NDIDEM 3:27

Ndien enye emen akpan esiemɔ, eke akpadade ubɔŋ ke ibuot esie, awa ke edifɔp uwa ke enyɔŋ ibibene. Ndien akwa iyaresit odoro Israel; mmɔ enyuŋ edaŋa ekpɔŋ enye, enyuŋ enyɔŋɔ ke edem mmɔ.

2 CHRONICLES 33:2

enye onyuŋ anam se idiɔkde ke iso Jehovah, ebiet mbubiam-ŋkpɔ mme idut oro Jehovah ekebinde efep ke iso nditɔ Israel.

2 CHRONICLES 36:14

Ndien ŋko kpukpru mbɔŋ oku, ye mbio-obio, edue ediwak ŋkpɔ, esaŋa ye kpukpru mbubiam ido mme idut; mmɔ enyuŋ esabare ufɔk Jehovah, emi enye okonimde ke edisana ke Jerusalem.

ŊWED MME PSALM 106:37

Enyuŋ ewa nditɔ mmɔ iren ye iban enɔ demon,

EXODUS 23:2

Kutiene ediwak owo edem uka udiɔk; kunyuŋ ubɔrɔ ke ikpe uwaha utiene ediwak owo edem, man akwaŋa ikpe:

JEREMIAH 32:35

Mmɔ enyuŋ ebɔp edikoŋ ebiet Baal oro odude ke itihere eyen Hinnom, enyuŋ enam nditɔ-iren mmɔ ye nditɔ-iban mmɔ ebe eduk ke esit ikaŋ enɔ Molech, eke mme ŋkowukke mmɔ, enye mikonyuŋ idukke mi esit: mmɔ enam ido mbubiam emi, man esin Judah enam idiɔk.

JEREMIAH 7:31

Mmɔ ema enyuŋ ebɔp ŋkokoŋo ebiet o-Topheth emi odude ke itihere eyen Hinnom, enyuŋ efɔp nditɔ-iren mmɔ ye nditɔ-iban mmɔ ke ikaŋ; emi mme -ŋkowukke mmɔ, mikonyuŋ idukke mi ke esit.

EZEKIEL 20:31

Ndien ke ini mbufo emende enɔ mbufo esɔk mi, ke erinam nditɔ mbufo ebe eduk ke ikaŋ, mbufo esabare idem mbufo ke kpukpru ibɔk mbufo tutu ɔsim mfin emi: ndien nte ndiyak ebup mi ŋkpɔ enɔ mbufo, O ufɔk Israel? Ɔbɔŋ Jehovah ɔdɔhɔ, ete, Ma uwem mi, ndiyakke ebup mi enɔ mbufo.

EZEKIEL 23:27

Ndien nyanam oburobut ido fo etre ke idem fo, nnam use fo emi otode isɔŋ Egypt etre, ndien afo udumenekede enyin fo use mmɔ, udunyuŋ utihi aba Egypt.

LEVITICUS 18:21

Kunyuŋ uda ubon fo unɔ Molech man ebe oduk (ke ikaŋ), kunyuŋ ubiat enyiŋ Abasi fo: ami ndi Jehovah.

LEVITICUS 18:3

Mbufo ekunam nte isɔŋ Egypt, emi mbufo ekeduŋde ke esit, enamde: ekunyuŋ enam nte isɔŋ Canaan, emi ami ndade mbufo nduk do, enamde: ekunyuŋ esaŋa ke mme ewuhɔ mmɔ.

LEVITICUS 20:2

Owo ekededi ke otu nditɔ Israel, ye ke otu isen emi eduŋde ke Israel, eke adade eyen esie ɔnɔ Molech, enyene ndikpa: yak mbio-obio etɔŋɔ enye ke itiat.

MICAH 6:7

Nte tɔsin okukim erɔŋ, ye tɔsin idim aran duop eyenem Jehovah esit? Nte nyenɔ ekpan mi ke ndudue mi, ye mfri idem mi ke idiɔk ido ukpɔŋ mi?

DEUTERONOMY 12:30

kpeme idem fo, mbak afia edimum fi esin fi aka eketiene mmɔ, ke ema esobo mmɔ ema ke iso fo efep; mbak afo edinyuŋ obup abaŋa mme abasi mmɔ, ete, Ewe usuŋ ke mme idut emi ekenam ŋkpɔ mme abasi mmɔ? ami nyenam kpa ntre ŋko ke idem mi.

DEUTERONOMY 12:4

Ekunam ntem enɔ Jehovah Abasi mbufo.

DEUTERONOMY 20:18

mbak mmɔ edikpep mbufo edinam kpukpru mbubiam mmɔ, emi mmɔ enamde enɔ mme abasi mmɔ; mbak mbufo edidue Jehovah Abasi mbufo.

DEUTERONOMY 9:4

Kudɔhɔ ke esit fo, ke adaŋemi Jehovah Abasi fo ama ekebin mmɔ efep ke iso fo ama, ete, Ke edi eti ido mi esin Jehovah ada mi oduk, ete nda isɔŋ emi nnyene: koro ke edi idiɔk ido mme idut emi esin Jehovah ebin mmɔ ke iso fo efep.

DEUTERONOMY 9:5

Idige eti ido fo, inyuŋ idige eti esit fo esin fi oduk aka akada isɔŋ mmɔ: koro edi idiɔk ido mme idut emi esin Jehovah Abasi fo osio mmɔ ke iso fo efep, man enye onyuŋ anam ikɔ esie osu nte Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob.