DEUTERONOMY 12:30 - Edisana ñwed Abasi Ibom

³⁰ kpeme idem fo, mbak afia edimum fi esin fi aka eketiene mmɔ, ke ema esobo mmɔ ema ke iso fo efep; mbak afo edinyuŋ obup abaŋa mme abasi mmɔ, ete, Ewe usuŋ ke mme idut emi ekenam ŋkpɔ mme abasi mmɔ? ami nyenam kpa ntre ŋko ke idem mi.

DEUTERONOMY 12:30 ပူးပေါင်းရင်းမြစ်များ

2 NDIDEM 16:10

Ekem Ahaz edidem aka okosobo ye Tiglath-pileser, edidem Assyria, ke Damascus, ndien enye okut itie-uwa kiet emi odude ke Damascus: ndien edidem Ahaz ɔnɔ mbiet itie-uwa oro ye oruk esie, kpa nte ekenamde enye kpukpru, esɔk Urijah oku.

2 NDIDEM 17:15

Ndien mmɔ esin item esie, ye ediomi esie emi enye akanamde ye mme ete mmɔ, ye ikɔ ntiense esie emi enye eketiŋde ke otu mmɔ; ndien mmɔ etiene ikpikpu ŋkpɔ, enyuŋ enam oburobut ido, enyuŋ etiene mme idut eke ekande mmɔ ekuk, emi Jehovah eketemede mmɔ, ete ekunam nte mmɔ enamde.

EXODUS 23:24

nyenyuŋ nsobo mmɔ. Kunuhɔ unɔ abasi mmɔ, kunyuŋ unam ŋkpɔ mmɔ, kunyuŋ unam nte mmɔ enamde; edi tim sobo mmɔ fap-fap, nyuŋ bom mme adaha-itiat mmɔ mbak-mbak.

JEREMIAH 10:2

ntem ke Jehovah ɔdɔhɔ, ete, Mbufo ekukpep usuŋ mme idut, ekunyuŋ eyomo nsia ebaŋa mme idiɔŋɔ ikpa-enyɔŋ: koro nsia oyomode mme idut ebaŋa mmɔ.

EZEKIEL 11:12

Ndien mbufo eyefiɔk ete ke ami ndi Jehovah, emi mbufo mikesaŋake ke ewuhɔ mi, minyuŋ inamke ido mi; ndien mbufo enam nte ekemde ye ido mme idut emi ekande mbufo ekuk.

EZEKIEL 20:28

Ami nnyuŋ nda mmɔ nduk ke isɔŋ emi ŋkemenerede ubɔk mi, nte ke nyeda enye nnɔ mmɔ, ndien mmɔ ekut kpukpru edikoŋ obot, ye kpukpru mfuhɔ eto, ndien ewa mme uwa mmɔ do ndien do ke mmɔ enɔ enɔ mmɔ eke esinde iyaresit: enyuŋ enim do edinem utebe mmɔ, enyuŋ eŋwaŋa do ediŋwɔŋ uwa mmɔ.

EZEKIEL 20:32

Ndien ŋkpɔ emi ɔdɔkde oduk mbufo ke esit ididuhe du, emi mbufo edɔhɔde, ete, Nnyin iyebiet mme idut, ibiet mme oruk mme obio, inyuŋ inam ŋkpɔ inɔ eto ye itiat.

LEVITICUS 18:3

Mbufo ekunam nte isɔŋ Egypt, emi mbufo ekeduŋde ke esit, enamde: ekunyuŋ enam nte isɔŋ Canaan, emi ami ndade mbufo nduk do, enamde: ekunyuŋ esaŋa ke mme ewuhɔ mmɔ.

LEVITICUS 18:30

Mbufo enim ndien mme ewuhɔ mi, man ekunam baba ndek ido emi kiet, emi mmɔ ekebemde mbufo iso enam, ekunyuŋ esabare idem mbufo ke esit: ami ndi Jehovah Abasi mbufo.

NUMBERS 33:52

ndien mbufo ebin kpukpru mme andiduŋ isɔŋ ke iso mbufo efep, enyuŋ ebiat kpukpru owo itiat mmɔ, enyuŋ ebiat kpukpru editara mbiet mmɔ, enyuŋ ewuri kpukpru edikoŋ ebiet mmɔ.

ŊWED MBON ROME 12:2

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

ŊWED MBON EPHESUS 4:17

Mmɔdɔhɔ ndien ntem, nnyuŋ nsɔŋɔ ntiŋ ke Ɔbɔŋ, nte mbufo ekusaŋa aba nte mme Gentile efen esaŋade, ke ikpikpu ekikere mmɔ;

DEUTERONOMY 11:16

Mbufo ekpeme idem, mbak esit edibiaŋa mbufo, mbufo edinyuŋ ekabare enam ido mme abasi eŋwen, enyuŋ enuhɔ enɔ mmɔ;

DEUTERONOMY 12:29

Ke adaŋemi Jehovah Abasi fo edisibede mme idut emi afo akade do ndida mmɔ nnyene, ke iso fo efep, afo edinyuŋ ɔbɔde mmɔ itie, onyuŋ oduŋ ke isɔŋ mmɔ;

DEUTERONOMY 12:31

Kunam ntre ye Jehovah Abasi fo: koro mmɔ enamde kpukpru oruk mbubiam emi Jehovah asuade enɔ mme abasi mmɔ: koro mmɔ efɔpde idem nditɔ-iren mmɔ ye nditɔ mmɔ iban enɔ mme abasi mmɔ.

DEUTERONOMY 18:9

Ke adaŋemi afo edide ke isɔŋ emi Jehovah Abasi fo ɔnɔde fi, kukpebe ndinam mbubiam ido mme idut oro.

DEUTERONOMY 20:18

mbak mmɔ edikpep mbufo edinam kpukpru mbubiam mmɔ, emi mmɔ enamde enɔ mme abasi mmɔ; mbak mbufo edidue Jehovah Abasi mbufo.

DEUTERONOMY 7:16

Ndien afo eyedia kpukpru mme idut eke Jehovah Abasi fo edinɔde fi; enyin fo okutua mmɔ mbɔm: kunyuŋ unam ido mme abasi mmɔ: koro oro eyekɔk afia ɔnɔ fi.