DEUTERONOMY 12:21 - Edisana ñwed Abasi Ibom

²¹ Edieke ebiet emi Jehovah Abasi fo edimekde ndinim enyiŋ esie do, oyomde fi usun akan ndien da enaŋ fo ye erɔŋ fo eke Jehovah ɔnɔde fi, wot kpa nte ŋketemede fi, nyuŋ ta ke ebiet fo, kpa nte esit fo amade.

DEUTERONOMY 12:21 ပူးပေါင်းရင်းမြစ်များ

1 NDIDEM 14:21

Ndien Rehoboam eyen Solomon edi edidem ke Judah. Rehoboam osim isua aba ye kiet ke ini enye adade ubɔŋ, onyuŋ edi edidem ke isua efureba ke Jerusalem, obio oro Jehovah ekemekde ke otu kpukpru esien Israel, ndisin enyiŋ esie do. Ndien enyiŋ eka esie ekere Naamah ŋwan Ammon.

2 CHRONICLES 12:13

Ntem ke edidem Rehoboam ɔsɔŋ itie esie ke Jerusalem, onyuŋ ada ubɔŋ, koro Rehoboam osimde isua aba ye kiet ke ini enye adade ubɔŋ, enye onyuŋ edi edidem ke isua efureba ke Jerusalem, obio emi Jehovah ekemekde ke kpukpru esien Israel, ndinim enyiŋ esie do: enyiŋ eka esie onyuŋ ekere Naamah, ŋwan Ammon.

EZRA 6:12

Ndien yak Abasi emi akanamde enyiŋ esie oduŋ do, osobo kpukpru ndidem ye obio eke edimenerede ubɔk mmɔ ndikpuhɔre, nnyuŋ ŋwuri ufɔk Abasi emi odude ke Jerusalem. Ami Darius mmowuk ewuhɔ: yak emen idem enam.”

EXODUS 20:24

Afo edinam itie-uwa ke ntan-isɔŋ ɔnɔ mi, onyuŋ ada edifɔp uwa fo, ye uwa emem fo, ye ŋkpri ufene fo, ye mme enaŋ fo awa ke esit. Ke kpukpru ebiet eke ndinamde owo eti enyiŋ mi, nyetiene fi do, nnyuŋ ndiɔŋ fi.

DEUTERONOMY 12:11

ndien ama ekem, mbufo eda kpukpru se ntemede mbufo, kpa edifɔp uwa mbufo, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye kpukpru akaŋa eke mbufo emekde ndikaŋa nnɔ Jehovah, eka ke ebiet emi Jehovah Abasi fo edimekde ndinam enyiŋ esie oduŋ do:

DEUTERONOMY 12:15

Edi nte ofuri ima esit fo edide, afo eyekeme ndiwot nnyuŋ nta unam, nte ekemde ke ufɔn eke Jehovah Abasi fo ɔfɔnde fi, ke kpukpru obio fo: owo eke edehede ye owo eke asanade ekeme ndita enye, kpa nte edop ye okoyo.

DEUTERONOMY 12:20

Ke adaŋemi Jehovah Abasi fo edinamde mme adaŋa fo etara, kpa nte enye ɔkɔŋwɔŋɔde ɔnɔ fi, ndien afo eyedɔhɔ ete iyeta unam: koro esit fo amade unam ndita; ta unam ekededi eke esit fo amade ma.

DEUTERONOMY 12:22

Edi kpa nte atade edop ye okoyo, kpa ntre ke afo edita enye: yak owo eke edehede ye owo eke asanade eta enye ubɔk kiet.

DEUTERONOMY 12:5

Edi mbufo eyom ebiet emi Jehovah Abasi mbufo edimekde ke otu kpukpru mme esien mbufo osio, ete inim enyiŋ esie, man enye oduŋ do, enyuŋ eka do:

DEUTERONOMY 16:11

ndien dat esit ke iso Jehovah Abasi fo, afo, ye eyen eren fo, ye eyen fo aŋwan, ye ofin eren fo, ye ofin aŋwaŋ fo, ye Levite eke odude ke obio fo, ye esen owo, ye eyen-akpa, ye ebe-akpa eke edude ke otu fo, ke ebiet emi Jehovah Abasi edimekde ndinim enyiŋ esiemɔ do.

DEUTERONOMY 16:6

ibɔhɔke ke ebiet emi Jehovah Abasi fo edimekde ndinim enyiŋ esiemɔ, do ke afo ediwot passover oro ke mbubreyo, ke eyo okutde, kpa ke ekem ini emi afo okotode ke Egypt.

DEUTERONOMY 26:2

sio ndusuk ofuri akpa mfri iŋwaŋ eke afo edidade ke isɔŋ fo emi Jehovah Abasi fo ɔnɔde fi, edi, sin ke akpan, ndien ka ke ebiet emi Jehovah Abasi fo edimekde ndinim enyiŋ esie do.