DEUTERONOMY 12:18 - Edisana ñwed Abasi Ibom

¹⁸ edi ke iso Jehovah Abasi fo ke afo edidia enye ke ebiet emi Jehovah Abasi fo edimekde, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye mme Levite emi eduŋde ke obio fo: ndien dat esit ke iso Jehovah Abasi fo ke kpukpru ŋkpɔ eke afo anyande ubɔk fo ke esit.

DEUTERONOMY 12:18 ပူးပေါင်းရင်းမြစ်များ

ŊWED MME PSALM 32:11

Mbufo nti owo, edara Jehovah, enyuŋ ebre: yak kpukpru mbon esit kiet enyuŋ esio mkpo idara.

ŊWED MME PSALM 68:3

Ndien nti owo eyedara; mmɔ eyesio mkpo ke iso Abasi: enyuŋ ebre ke idaresit.

MME ŊKE 3:17

Usuŋ esie edi usuŋ inemesit, kpukpru ɔkpɔ-usuŋ esie enyuŋ edi ifure.

ECCLESIASTES 3:12

Mmɔfiɔk nte ke baba eti ŋkpɔ kiet iduhe mmɔ ke esit, ke mibɔhɔke owo ndidat esit, nnyuŋ nnam se ifɔnde ke uwem esie.

ECCLESIASTES 5:18

Se ŋkpɔ emi ami nsede ke eti ŋkpɔ, ye ke ediye ŋkpɔ, kpa owo ndidia nnyuŋ ŋŋwɔŋ, nnyuŋ ŋkut se ifɔnde ke kpukpru utom esie, eke enye anamde ke idak utin, ke adaŋa ibat mme usen esie eke Abasi ɔnɔde enye: koro udeme esie edi oro.

ISAIAH 12:3

Ndien mbufo eyekot mmɔŋ ke idaresit ke mme obube mmɔŋ erinyaŋa.

UTOM MME APOSTLE 16:34

Ndien enye ada mmɔ oduk ufɔk onyuŋ ɔdiɔk udia ke iso mmɔ onyuŋ adat esit eti-eti ye ofuri ufɔk esie, sia mmɔ enimde Abasi ke akpanikɔ.

UTOM MME APOSTLE 2:46

Ndien ke usen ke usen mmɔ enyene iwuk edu ke temple ye esit kiet, enyuŋ ebuŋ uyo ke ufɔk, mmɔ edia udia ke idaresit ye esit kiet, etoro Abasi; kpukpru owo enyuŋ enen iso ye mmɔ.

1 ŊWED CORINTH 10:31

Mmɔdo mme mbufo ediade, mme eŋwɔŋde, mme enamde ŋkpɔ ekededi, enam kpukpru enɔ Abasi ubɔŋ.

ŊWED MBON GALATIA 5:22

Edi mbuŋwum Spirit edi ima, ye idaresit, ye emem,

DEUTERONOMY 12:14

edi ke ebiet emi Jehovah edimekde ke esien fo kiet, do ke afo edifɔp uwa fo, do ŋko ke afo edinyuŋ anam kpukpru se ami ŋwukde fi.

DEUTERONOMY 12:19

Adaŋa ini nte afo edidude ke isɔŋ fo, kpeme idem fo mbak afo ediduɔk mme Levite.

DEUTERONOMY 12:5

Edi mbufo eyom ebiet emi Jehovah Abasi mbufo edimekde ke otu kpukpru mme esien mbufo osio, ete inim enyiŋ esie, man enye oduŋ do, enyuŋ eka do:

DEUTERONOMY 12:7

Ndien mbufo edia ŋkpɔ do ke iso Jehovah Abasi mbufo, enyuŋ edat esit ke kpukpru ŋkpɔ eke mbufo enyande ubɔk mbufo ke esit, kpa mbufo ye mme ufɔk mbufo, ke se Jehovah adade ɔdiɔŋ mbufo.

DEUTERONOMY 14:23

Nyuŋ tie ke iso Jehovah Abasi fo ke ebiet emi enye edimekde ndinim enyiŋ esiemɔ ke esit, dia ɔyɔhɔ ubak ibokpot fo duop, ye eke obufa wine fo, ye eke aran fo, ye eke akpa nditɔ ufene fo; man afo ekpep ndibak Jehovah Abasi fo kpukpru ini.

DEUTERONOMY 15:20

Afo ye ufɔk fo eda enye eketa ke iso Jehovah Abasi fo kpukpru isua, ke ebiet emi Jehovah edimeke.

1 SAMUEL 1:4

Edikem ke usen eke Elkanah awade uwa, enye ada udeme ɔnɔ Peninnah ŋwan esie, ye kpukpru nditɔ esie iren ye iban: