DEUTERONOMY 12:14 - Edisana ñwed Abasi Ibom

¹⁴ edi ke ebiet emi Jehovah edimekde ke esien fo kiet, do ke afo edifɔp uwa fo, do ŋko ke afo edinyuŋ anam kpukpru se ami ŋwukde fi.

DEUTERONOMY 12:14 ပူးပေါင်းရင်းမြစ်များ

1 NDIDEM 12:27

edieke mbon emi edidɔkde eka ekewa uwa ke ufɔk Jehovah ke Jerusalem, esit mbon emi eyefiak etiene ɔbɔŋ mmɔ, kpa Rehoboam edidem Judah, ndien mmɔ eyewot mi, enyuŋ efiak etiene Rehoboam edidem Judah.

1 NDIDEM 8:29

yak enyin fo esuk ese ufɔk emi ke okoneyo ye ke uwemeyo, kpa ebiet emi afo ɔdɔhɔde ete, “Enyiŋ mi eyedu do:” nyuŋ kop akam eke owo fo edibɔŋde ese ebiet emi.

2 NDIDEM 18:22

Ndien emi mbufo edidɔhɔde mi, ete, Nnyin ke ibuot idem nnyin ye Jehovah Abasi nnyin, nte idige enye ke Hezekiah okosio mme edikoŋ ebiet esie ye mme itie-uwa esie efep, okonyuŋ ɔdɔhɔ Judah ye Jerusalem, ete, Mbufo ebɔŋ akam ke iso itie-uwa emi ke Jerusalem.

1 CHRONICLES 22:1

NDIEN David ɔdɔhɔ, ete, Emi edi ufɔk Jehovah Abasi emi onyuŋ edi itie edifɔp-uwa Israel.

ŊWED MME PSALM 5:7

Edi ama edi ami, nyeduk ke ufɔk fo ke uwak ima fo; nyeda uteŋe fo ntuak ibuot nse edisana temple fo.

ŊWED MME PSALM 9:11

Mbufo ekwɔ enɔ Jehovah emi oduŋde ke Zion: etaŋa ese esie ke otu mme idut.

LEVITICUS 17:3

Eyen ufɔk Israel ekededi eke ediwotde enaŋ, mme erɔŋ, mme ebot, ke esit nna, mme eke ediwotde ke edem nna,

LEVITICUS 17:4

ndien midaha enye idi ke enyin-usuŋ efe esop, man ada enɔ ɔnɔ Jehovah, ke iso ebiet-iduŋ Jehovah; iyip eyesɔp owo oro: enye ɔmɔduɔk iyip; yak enye esibe owo oro efep ke otu mbio-obio mmɔ:

2 ŊWED CORINTH 5:19

ete, ke Christ Abasi ke ananam ererimbot etie ke emem ye Enye, ke mibatke ndudue owo inɔ mmɔ; okonyuŋ emen ikɔ erikabare ntie ke emem ye Enye esin nnyin ke ubɔk ete ikwɔrɔ.

DEUTERONOMY 12:11

ndien ama ekem, mbufo eda kpukpru se ntemede mbufo, kpa edifɔp uwa mbufo, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye kpukpru akaŋa eke mbufo emekde ndikaŋa nnɔ Jehovah, eka ke ebiet emi Jehovah Abasi fo edimekde ndinam enyiŋ esie oduŋ do:

DEUTERONOMY 12:13

Kpeme idem mbak afo ediwa edifɔp uwa fo ke kpukpru ebiet eke afo okokut:

DEUTERONOMY 12:15

Edi nte ofuri ima esit fo edide, afo eyekeme ndiwot nnyuŋ nta unam, nte ekemde ke ufɔn eke Jehovah Abasi fo ɔfɔnde fi, ke kpukpru obio fo: owo eke edehede ye owo eke asanade ekeme ndita enye, kpa nte edop ye okoyo.

DEUTERONOMY 12:18

edi ke iso Jehovah Abasi fo ke afo edidia enye ke ebiet emi Jehovah Abasi fo edimekde, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye mme Levite emi eduŋde ke obio fo: ndien dat esit ke iso Jehovah Abasi fo ke kpukpru ŋkpɔ eke afo anyande ubɔk fo ke esit.

DEUTERONOMY 12:5

Edi mbufo eyom ebiet emi Jehovah Abasi mbufo edimekde ke otu kpukpru mme esien mbufo osio, ete inim enyiŋ esie, man enye oduŋ do, enyuŋ eka do:

DEUTERONOMY 14:23

Nyuŋ tie ke iso Jehovah Abasi fo ke ebiet emi enye edimekde ndinim enyiŋ esiemɔ ke esit, dia ɔyɔhɔ ubak ibokpot fo duop, ye eke obufa wine fo, ye eke aran fo, ye eke akpa nditɔ ufene fo; man afo ekpep ndibak Jehovah Abasi fo kpukpru ini.

DEUTERONOMY 15:20

Afo ye ufɔk fo eda enye eketa ke iso Jehovah Abasi fo kpukpru isua, ke ebiet emi Jehovah edimeke.

DEUTERONOMY 16:2

Wot ndien passover oro nɔ Jehovah Abasi fo, edide erɔŋ, onyuŋ edide enaŋ, ke ebiet emi Jehovah edimekde ndinim enyiŋ esie do.

DEUTERONOMY 17:8

Ke adaŋemi edisɔŋde fi ndikpe, ke ufɔt iyip ye iyip, ke ufɔt ikpe ye ikpe, ye ke ufɔt ita ye ita, eke edide ikɔ eneni ke obio fo: ndien daha ke enyɔŋ saŋa dɔk ke ebiet emi Jehovah Abasi fo edimekde:

DEUTERONOMY 18:6

Ndien edieke Levite kiet otode ke obio fo kiet, ke ofuri Israel, emi enye oduŋde do, edi ke ofuri ima esit esie ke ebiet emi Jehovah edimekde;

DEUTERONOMY 31:11

ke adaŋemi ofuri Israel edide ediwut Jehovah Abasi fo idem, ke ebiet emi enye edimekde, da mbet emi kot ke iso ofuri Israel sin mmɔ ke utɔŋ.

MME HEBREW 13:15

Yak nnyin iwa uwa ekɔm inɔ Abasi kpukpru ini ke enyiŋ Jesus, kpa mfri mkpɔk-inua eke ekponode enyiŋ Esie.

JOSHUA 22:29

Nsa nnyin O! nnyin isɔŋke ibuot ye Jehovah, inyuŋ ifiake edem ikpɔŋ Jehovah mfin emi, inyuŋ inamke itie-uwa ke eke edifɔp uwa, ye ke eke inuak-udia, ye ke eke uwa-emem, ikɔrɔ ke itie-uwa Jehovah Abasi nnyin emi odude ke iso iduŋ esie.

JOSHUA 9:27

Ndien ke usen oro Joshua onim mmɔ ke mme asiak-ifia, ye mme okoi mmɔŋ ɔnɔ mbon esop ye itie-uwa Jehovah tutu osim esop ye itie-uwa Jehovah tutu osim mfin emi, ɔnɔ ebiet eke enye edimekde.