DEUTERONOMY 12:11 - Edisana ñwed Abasi Ibom

¹¹ ndien ama ekem, mbufo eda kpukpru se ntemede mbufo, kpa edifɔp uwa mbufo, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye kpukpru akaŋa eke mbufo emekde ndikaŋa nnɔ Jehovah, eka ke ebiet emi Jehovah Abasi fo edimekde ndinam enyiŋ esie oduŋ do:

DEUTERONOMY 12:11 ပူးပေါင်းရင်းမြစ်များ

1 NDIDEM 12:27

edieke mbon emi edidɔkde eka ekewa uwa ke ufɔk Jehovah ke Jerusalem, esit mbon emi eyefiak etiene ɔbɔŋ mmɔ, kpa Rehoboam edidem Judah, ndien mmɔ eyewot mi, enyuŋ efiak etiene Rehoboam edidem Judah.

1 NDIDEM 8:13

Mma mbɔp ufɔk iduŋ nnɔ fi, kpa ebiet eke afo editiede ke nsinsi.

1 NDIDEM 8:16

Toto ke usen oro ŋkosiode ikɔt mi Israel ke Egypt mfep, ŋkemekke baba obio kiet ke otu kpukpru mme esien Israel nte ebɔp ufɔk, man enyiŋ mi okpodu do; edi ŋkemek David nte enye akara ikɔt mi Israel.

1 NDIDEM 8:29

yak enyin fo esuk ese ufɔk emi ke okoneyo ye ke uwemeyo, kpa ebiet emi afo ɔdɔhɔde ete, “Enyiŋ mi eyedu do:” nyuŋ kop akam eke owo fo edibɔŋde ese ebiet emi.

2 NDIDEM 18:22

Ndien emi mbufo edidɔhɔde mi, ete, Nnyin ke ibuot idem nnyin ye Jehovah Abasi nnyin, nte idige enye ke Hezekiah okosio mme edikoŋ ebiet esie ye mme itie-uwa esie efep, okonyuŋ ɔdɔhɔ Judah ye Jerusalem, ete, Mbufo ebɔŋ akam ke iso itie-uwa emi ke Jerusalem.

1 CHRONICLES 22:1

NDIEN David ɔdɔhɔ, ete, Emi edi ufɔk Jehovah Abasi emi onyuŋ edi itie edifɔp-uwa Israel.

2 CHRONICLES 6:20

man enyin fo etara ese ufɔk emi, ke uwemeyo ye ke okoneyo, idem ebiet emi afo ɔkɔdɔhɔde ete eyesin enyiŋ fo do; nyuŋ kop akam emi owo fo edibɔŋde ese ebiet emi:

2 CHRONICLES 7:12

Ekem Jehovah owut Solomon idem ke okoneyo, onyuŋ ɔdɔhɔ enye, ete, Mma ŋkop akam fo, mma nnyuŋ mmek ebiet emi ke idemmi nnim ke ufɔk uwa.

EZRA 6:12

Ndien yak Abasi emi akanamde enyiŋ esie oduŋ do, osobo kpukpru ndidem ye obio eke edimenerede ubɔk mmɔ ndikpuhɔre, nnyuŋ ŋwuri ufɔk Abasi emi odude ke Jerusalem. Ami Darius mmowuk ewuhɔ: yak emen idem enam.”

ŊWED MME PSALM 100:2

eda ikwɔ edi enye ke iso.

ŊWED MME PSALM 116:17

Nyewa uwa ekɔm nnɔ fi, nnyuŋ nseme ŋkot enyiŋ Jehovah.

ŊWED MME PSALM 66:13

Nyeda edifɔp uwa nduk ke ufɔk fo: nnyuŋ nnɔ fi akaŋa mi.

ŊWED MME PSALM 78:68

edi emek esien Judah, kpa obot Zion emi enye amade.

EXODUS 25:8

Ndien yak mmɔ enam edisana ebiet enɔ mi, man nduŋ ke otu mmɔ.

EXODUS 29:45

Nyenyuŋ nduŋ ke otu nditɔ Israel, nnyuŋ ndi Abasi mmɔ.

JEREMIAH 7:12

Mbufo ekam eka ke ebiet mi oro okodude ke Shiloh, emi ŋkayakde enyiŋ mi oduŋ do akpa, enyuŋ ekut se ŋkanamde ye enye, mbaŋa idiɔk ido ikɔt mi Israel.

LEVITICUS 17:4

ndien midaha enye idi ke enyin-usuŋ efe esop, man ada enɔ ɔnɔ Jehovah, ke iso ebiet-iduŋ Jehovah; iyip eyesɔp owo oro: enye ɔmɔduɔk iyip; yak enye esibe owo oro efep ke otu mbio-obio mmɔ:

DEUTERONOMY 12:13

Kpeme idem mbak afo ediwa edifɔp uwa fo ke kpukpru ebiet eke afo okokut:

DEUTERONOMY 12:14

edi ke ebiet emi Jehovah edimekde ke esien fo kiet, do ke afo edifɔp uwa fo, do ŋko ke afo edinyuŋ anam kpukpru se ami ŋwukde fi.

DEUTERONOMY 12:18

edi ke iso Jehovah Abasi fo ke afo edidia enye ke ebiet emi Jehovah Abasi fo edimekde, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye mme Levite emi eduŋde ke obio fo: ndien dat esit ke iso Jehovah Abasi fo ke kpukpru ŋkpɔ eke afo anyande ubɔk fo ke esit.

DEUTERONOMY 12:21

Edieke ebiet emi Jehovah Abasi fo edimekde ndinim enyiŋ esie do, oyomde fi usun akan ndien da enaŋ fo ye erɔŋ fo eke Jehovah ɔnɔde fi, wot kpa nte ŋketemede fi, nyuŋ ta ke ebiet fo, kpa nte esit fo amade.

DEUTERONOMY 12:26

Edi men ndisana ŋkpɔ fo eke afo edinyenede, ye mme akaŋa fo, ka ke ebiet emi Jehovah edimekde: nyuŋ wa edifɔp uwa fo,

DEUTERONOMY 12:5

Edi mbufo eyom ebiet emi Jehovah Abasi mbufo edimekde ke otu kpukpru mme esien mbufo osio, ete inim enyiŋ esie, man enye oduŋ do, enyuŋ eka do:

DEUTERONOMY 14:23

Nyuŋ tie ke iso Jehovah Abasi fo ke ebiet emi enye edimekde ndinim enyiŋ esiemɔ ke esit, dia ɔyɔhɔ ubak ibokpot fo duop, ye eke obufa wine fo, ye eke aran fo, ye eke akpa nditɔ ufene fo; man afo ekpep ndibak Jehovah Abasi fo kpukpru ini.

DEUTERONOMY 15:19

Da kpukpru akpa nyara nditɔ emi amanade ke otu ikpɔ ye ŋkpri ufene fo, nim ke edisana ŋkpɔ Jehovah Abasi fo: kuda akpa eyen enaŋ fo unam utom, kunyuŋ ufat idet akpa eyen erɔŋ fo.

DEUTERONOMY 15:20

Afo ye ufɔk fo eda enye eketa ke iso Jehovah Abasi fo kpukpru isua, ke ebiet emi Jehovah edimeke.

DEUTERONOMY 17:8

Ke adaŋemi edisɔŋde fi ndikpe, ke ufɔt iyip ye iyip, ke ufɔt ikpe ye ikpe, ye ke ufɔt ita ye ita, eke edide ikɔ eneni ke obio fo: ndien daha ke enyɔŋ saŋa dɔk ke ebiet emi Jehovah Abasi fo edimekde:

DEUTERONOMY 18:6

Ndien edieke Levite kiet otode ke obio fo kiet, ke ofuri Israel, emi enye oduŋde do, edi ke ofuri ima esit esie ke ebiet emi Jehovah edimekde;

DEUTERONOMY 23:16

yak enye oduŋ ye afo ke otu fo, ke ɔtɔ eke enye edimekde ke obio mbufo kiet, kpa nte enye amade: kufik enye.

DEUTERONOMY 26:2

sio ndusuk ofuri akpa mfri iŋwaŋ eke afo edidade ke isɔŋ fo emi Jehovah Abasi fo ɔnɔde fi, edi, sin ke akpan, ndien ka ke ebiet emi Jehovah Abasi fo edimekde ndinim enyiŋ esie do.

DEUTERONOMY 31:11

ke adaŋemi ofuri Israel edide ediwut Jehovah Abasi fo idem, ke ebiet emi enye edimekde, da mbet emi kot ke iso ofuri Israel sin mmɔ ke utɔŋ.

JOSHUA 18:1

EKEM ofuri esop nditɔ Israel esop idem ke Shiloh, enyuŋ ewuk efe esop do. Ndien isɔŋ ana suŋ ke iso mmɔ.

JOSHUA 22:11

Ekem nditɔ Israel ekop ete, Sese, nditɔ Reuben, ye nditɔ Gad, ye ubak esien Manasseh ema enam itie-uwa emi asakde iso ese isɔŋ Canaan, ke edem Jordan, ke edem nditɔ Israel oko.

JOSHUA 22:16

ndien edɔhɔ mmɔ, ete, Ntem ke ofuri esop Jehovah edɔhɔ, ete, Nso oruk eridue edi emi mbufo eduede Abasi Israel, ke erifiak mfin ŋkpɔŋ Jehovah, ŋkanam itie-uwa ke idem mbufo, man mbufo esɔŋ ibuot ye Jehovah mfin emi?

JOSHUA 22:23

esin nnyin inam itie-uwa inɔ idem nnyin, man ifiak edem ikpɔŋ Jehovah, ama onyuŋ edi ndifɔp edifɔp uwa ke esit, mme inuak-udia, mme ndiwa uwa emen ke esit, yak Jehovah oyom;

JOSHUA 22:27

edi enye edi ntiense ke ufɔt nnyin ye mbufo, ye ke ufɔt mme emana nnyin emi editienede nnyin edem, man nnyin inam utom Jehovah ke iso esie, ke edifɔp uwa nnyin, ye ke mme uwa nnyin efen, ye ke mme uwa emen nnyin; man nditɔ mbufo ekudɔhɔ nditɔ nnyin, ke ini iso, ete, Mbufo inyeneke udeme ke Jehovah.

JOSHUA 22:29

Nsa nnyin O! nnyin isɔŋke ibuot ye Jehovah, inyuŋ ifiake edem ikpɔŋ Jehovah mfin emi, inyuŋ inamke itie-uwa ke eke edifɔp uwa, ye ke eke inuak-udia, ye ke eke uwa-emem, ikɔrɔ ke itie-uwa Jehovah Abasi nnyin emi odude ke iso iduŋ esie.

JOSHUA 9:27

Ndien ke usen oro Joshua onim mmɔ ke mme asiak-ifia, ye mme okoi mmɔŋ ɔnɔ mbon esop ye itie-uwa Jehovah tutu osim esop ye itie-uwa Jehovah tutu osim mfin emi, ɔnɔ ebiet eke enye edimekde.

1 SAMUEL 1:21

Ndien owo oro Elkanah ɔdɔk ye ofuri ufɔk esie, ndiwa uwa isua ye akaŋa esie nnɔ Jehovah.