DEUTERONOMY 12:10 - Edisana ñwed Abasi Ibom

¹⁰ Edi mbufo emɔŋ ebe Jordan, eka ndiduŋ ke isɔŋ emi Jehovah Abasi mbufo ɔnɔde mbufo ete enyene, enye eyenyuŋ anam mbufo ebɔhɔ kpukpru mme asua mbufo emi ekande ekuk, ɔnɔ mbufo nduɔk-odudu, mbufo eyenyuŋ eduŋ ke ifure;

DEUTERONOMY 12:10 ပူးပေါင်းရင်းမြစ်များ

1 NDIDEM 4:25

Ndien Judah ye Israel eduŋ ke ifure, kpukpru owo ke idak vine mmɔ ye eto fig mmɔ, ɔtɔŋɔde ke Dan tutu osim ke Beer-sheba, ke ofuri eyo Solomon.

1 NDIDEM 8:56

Ekɔm Jehovah emi ɔkɔnɔde ikɔt esie nduɔk-odudu, kpa nte kpukpru se enye ɔkɔdɔhɔde asaŋade: baba ikɔ kiet ke otu kpukpru nti ikɔ oro enye akadade ubɔk Moses owo esie ɔdɔhɔ, ikpuhu.

1 CHRONICLES 22:18

Nte Jehovah Abasi mbufo iduhe ye mbufo? nte enye ikɔnɔŋɔ mbufo nduɔk-odudu ikan ikuk? koro enye ama ada mme andiduŋ isɔŋ esin mi ke ubɔk; isɔŋ onyuŋ osuk ibuot ke iso Jehovah, ye ke iso ikɔt esie.

ŊWED MME PSALM 4:8

Nyesuhɔre nna ke isɔŋ, nnyuŋ nde idap suŋ-ŋ koro edi afo, Jehovah, ikpɔŋ-ikpɔŋ anam mi ntie ke ifure.

EXODUS 33:14

Ndien Enye ete, Iso mi eyeka, nyenyuŋ nnɔ fi nduɔk-odudu.

MME ŊKE 1:33

Edi owo eke okopde uyo mi eyeduŋ ke ifure, eyenyuŋ etie suŋ anana ndik idiɔk ŋkpɔ.

JEREMIAH 23:6

Ke eyo esie ke edinyaŋa Judah, Israel eyenyuŋ oduŋ ke ifure: ndien emi edi enyiŋ eke edisiode enye, JEHOVAH EDINEN IDO NNYIN.

JEREMIAH 32:37

sese, ami nyetaŋ mmɔ ke kpukpru mme idut emi ŋkebinde mmɔ nsin do, ke iyaresit mi, ye ke ifuresit mi, ye ke akwa ikpahesit, mbon; ndien nda mmɔ mfiak ke ɔtɔ emi, nnyuŋ nyak mmɔ eduŋ ke ifure.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

EZEKIEL 28:26

Ndien mmɔ eyeduŋ ke esit ke ifure, enyuŋ ebɔp ufɔk, enyuŋ etɔ iŋwaŋ-vine, enyuŋ eduŋ ke ifure, ke ini ndinamde ikpe ye kpukpru mmɔ eke etode ke ŋkan-ŋkuk ese mmɔ ke ndek; ndien mmɔ eyefiɔk ete ke ami ndi Jehovah Abasi mmɔ.

EZEKIEL 34:25

Nyenyuŋ nnam ediomi emem nnɔ mmɔ, nnyuŋ nnam mme idiɔk unam etre ke isɔŋ: ndien mmɔ eyeduŋ ke wilderness ke ifure, enyuŋ ede idap ke akai.

EZEKIEL 34:28

Ndien mmɔ ididige aba se mme idut ebumede, mme unam ikɔt idinyuŋ itaha aba mmɔ; ndien mmɔ eyeduŋ ke ifure, baba ŋkpɔ kiet idinyuŋ inamke mmɔ ndik.

EZEKIEL 38:11

Nyedɔk ke isɔŋ obio iŋwaŋ; nyesim mmɔ eke etiede ke ifure, emi eduŋde ke ndueidem, kpukpru mmɔ eduŋ enana ibibene, eto usuŋ ye itim inyuŋ iduhe,

EZEKIEL 38:8

Ke ediwak usen ema ebe eyenim fi ke etubom: ke utit mme isua oro afo eyesim idut emi ekesiode enye efep ke ubɔk ofut efiak edi, emi eketaŋde ke ediwak mme idut ebon, ke enyɔŋ obot Israel, emi ekedide nditaha kpukpru ini: edi esioŋo mmɔ ke mme idut efep, kpukpru mmɔ enyuŋ eduŋ ke ifure.

DEUTERONOMY 11:31

Koro mbufo eyebe Jordan ekeduk, man eda isɔŋ emi Jehovah Abasi mbufo ɔnɔde mbufo, mbufo eyenyuŋ eda enye enyuŋ eduŋ ke esit.

DEUTERONOMY 3:27

Dɔk ke ibuot Pisgah, nyuŋ menere enyin fo se nnasia, ye edere, ye usuk, ye ufien nyuŋ da enyin-enyin se enye: koro mudubehe Jordan emi.

DEUTERONOMY 33:12

Enye ɔdɔhɔ abaŋa Benjamin, ete, Eyen ima Jehovah eyeduŋ ke ifure ye enye; Enye ofuk enye kpukpru ini, enye onyuŋ oduŋ ke ufɔt afara Esie.

DEUTERONOMY 33:28

Ndien Israel oduŋ ke ifure ikpɔŋ ke idem esie, idim Jacob oduŋ ke isɔŋ ibokpot ye wine; enyɔŋ esie onyuŋ ɔtɔi mbara.

DEUTERONOMY 4:22

koro ami mmɔŋ ndikpa ke isɔŋ emi, ndibehe Jordan; edi mbufo eyebe ekeda eti isɔŋ oro enyene.

DEUTERONOMY 9:1

O ISRAEL kop: afo ɔmɔŋ edibe Jordan mfin emi okoduk, man ada mme idut emi ekponide enyuŋ esɔŋde ekan fi, enyene, ikpɔ obio emi enyenede ŋkokoŋo ibibene.

JOSHUA 11:23

Ntem ke Joshua ada ofuri edem oro, ekem ke kpukpru se Jehovah ɔkɔdɔhɔde Moses; ndien Joshua ada enye ɔnɔ Israel ke udeme, nte mbak mmɔ ye esien mmɔ edide: ndien isɔŋ ɔduɔk odudu ekɔŋ.

JOSHUA 14:1

NDIEN mme mmɔ emi ke nditɔ Israel ekeda ke udeme ki isɔŋ Canaan, emi Eleazar oku, ye Joshua eyen Nun, ye mme etubom mme ete mme esien nditɔ Israel edemede enɔ mmɔ.

JOSHUA 3:17

Ndien mme oku emi ebiomde ekebe ediomi Jehovah, esɔŋɔ eda ke edisat isɔŋ ke ufɔt Jordan; ndien ofuri Israel esaŋa ke edisat isɔŋ ebe, tutu kpukpru owo ebe Jordan ema.

JOSHUA 4:12

Ndien Reuben, ye nditɔ Gad, ye ibio esien Manasseh, ebɔbɔ mbɔbɔ ekɔŋ ebe nditɔ Israel iso, nte emi Moses ɔkɔdɔhɔde mmɔ:

1 SAMUEL 7:12

Ndien Samuel ada itiat owuk ke ufɔt Mizpah ye Shen, ndien osio enye enyiŋ Eben-ezer (itiat uŋwam), ete, Jehovah amanyaŋa nnyin tutu osim emi.