DEUTERONOMY 11:9 - Edisana ñwed Abasi Ibom

⁹ man mme usen mbufo enyuŋ ebigi ke isɔŋ emi Jehovah ɔkɔŋwɔŋɔde ɔnɔ mme ete mbufo, ete inɔ mmɔ ye nditɔ mmɔ, kpa isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 11:9 ပူးပေါင်းရင်းမြစ်များ

EXODUS 20:12

Kpono usɔ ye uka; kpaŋ usen fo ekpebige ke isɔŋ emi Jehovah Abasi fo ɔnɔde fi.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

MME ŊKE 10:27

Uteŋe Jehovah eyenam usen owo ewak; edi eyemuhɔ isua mme idiɔk owo.

MME ŊKE 3:16

Anyan usen odu enye ke ubɔk nnasia; inyene ye ubɔn edu enye ke ufien.

MME ŊKE 3:2

Koro eyekɔrɔ anyan usen, ye isua uwem, ye ifure enɔ fi.

MME ŊKE 9:11

Koro oto mi usen fo eyewak, eyenyuŋ edian isua uwem enɔ fi.

EZEKIEL 20:6

Ke usen oro ke ŋkemenere ubɔk mi nnɔ mmɔ, nte, Nyesioŋo mmɔ ke isɔŋ Egypt, nda nduk ke isɔŋ emi ŋkeyepde nnɔ mmɔ, emi ɔfiɔrɔde mmɔŋ eba ye aran-ɔkwɔk; enye eyekan kpukpru mme idut.

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 11:10

Koro isɔŋ emi afo akade do ndida enye nnyene, mibietke isɔŋ Egypt, emi afo okotode ke esit, emi afo ɔkɔtɔde mkpasip fo, onyuŋ adade ukot fo ɔnɔ enye mmɔŋ, nte ebresien:

DEUTERONOMY 11:21

man usen mbufo, ye usen nditɔ mbufo ekpebigi ke isɔŋ emi Jehovah ɔkɔŋwɔŋɔde ɔnɔ mme ete mbufo, ete iyenɔ mmɔ, adaŋa ini nte enyɔŋ ofukde isɔŋ.

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

DEUTERONOMY 5:16

Kpono usɔ ye uka, kpa nte Abasi fo okowukde fi; man usen fo ebigi, man onyuŋ ɔfɔn fi, ke isɔŋ emi Jehovah Abasi fo ɔnɔde fi.

DEUTERONOMY 5:33

Mbufo esaŋa ke kpukpru usuŋ emi Jehovah Abasi mbufo okowukde mbufo, man edu uwem, man onyuŋ ɔfɔn mbufo, man mme usen mbufo enyuŋ ebigi ke isɔŋ emi mbufo edidade enyene.

DEUTERONOMY 6:18

Nyuŋ nam se inende inyuŋ ifɔnde ke iso Jehovah: man ɔfɔn ye afo, man afo onyuŋ oduk ekenyene eti isɔŋ emi Jehovah ɔkɔŋwɔŋɔde ɔnɔ mme usɔ.

DEUTERONOMY 6:2

man afo abak Jehovah Abasi fo, onyuŋ ekpeme kpukpru mme ewuhɔ esie, ye mbet esie, emi ami ntemede fi, afo, ye eyen fo, ye eyeyen fo, ofuri ini uwem fo; man mme usen fo enyuŋ ebigi.

DEUTERONOMY 6:3

O Israel, kop ndien, nyuŋ tiŋ enyin ndinam: man ɔfɔn fi, man mbufo enyuŋ etɔt eti-eti, ke isɔŋ emi ɔfiɔrɔde mmɔŋ-eba ye aran-ɔkwɔk, kpa nte Jehovah Abasi mme usɔ ɔkɔŋwɔŋɔde ɔnɔ fi.

DEUTERONOMY 8:7

Koro Jehovah Abasi fo ke ada fi aka ndiduk ke eti isɔŋ, isɔŋ akpa, ye eke idim, ye edituŋɔ obube emi etode ke mme itihere ye ke ikpɔ obot:

DEUTERONOMY 9:5

Idige eti ido fo, inyuŋ idige eti esit fo esin fi oduk aka akada isɔŋ mmɔ: koro edi idiɔk ido mme idut emi esin Jehovah Abasi fo osio mmɔ ke iso fo efep, man enye onyuŋ anam ikɔ esie osu nte Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob.