DEUTERONOMY 11:16 - Edisana ñwed Abasi Ibom

¹⁶ Mbufo ekpeme idem, mbak esit edibiaŋa mbufo, mbufo edinyuŋ ekabare enam ido mme abasi eŋwen, enyuŋ enuhɔ enɔ mmɔ;

DEUTERONOMY 11:16 ပူးပေါင်းရင်းမြစ်များ

1 NDIDEM 8:35

Adaŋemi enyɔŋ esirede, edim minyuŋ idepke, koro mmɔ edidue fi: ndien mmɔ ema ebɔŋ akam ese ebiet emi, enyuŋ etoro enyiŋ fo, enyuŋ ekpɔŋ mme idiɔk ido mmɔ efiak edem, koro afo ɔtuhɔde mmɔ:

ŊWED JOB 31:27

Ndien etap esit mi ke ndibe, nnyuŋ ntem ubɔk mi ke inua mi:

ISAIAH 44:20

Enye adia ntɔŋ: esit abiaŋa anam enye awaha, ndien enye ikemeke ndinyaŋa ukpɔŋ esiemɔ, idinyuŋ idɔhɔke, ite, Nte nsu iduhe mi ke ubɔk nnasia?

LUKE 21:34

Edi ekpeme idem mbufo, mbak uyuhɔ udia ye mmin ye ekikere uwem emi edinam esit mbufo odobi, ndien usen oro edibuat mbufo nte ekpɔ;

LUKE 21:36

Edi mbufo etaba idap kpukpru ini, enyuŋ ekpe ubɔk, man mbufo ekpekeme ndibɔhɔ kpukpru ŋkpɔ oro ediwɔrɔde, nnyuŋ nda ke iso Eyen Owo.

LUKE 21:8

Edi Enye ɔdɔhɔ ete, Ekpeme mbak edinam mbufo ewaha ekpɔŋ usuŋ: koro ediwak owo eyedi ke enyiŋ Mi, ete, Ami ndi Enye: ŋko, Ini ke ekpere. Ekutiene mmɔ.

DEUTERONOMY 12:30

kpeme idem fo, mbak afia edimum fi esin fi aka eketiene mmɔ, ke ema esobo mmɔ ema ke iso fo efep; mbak afo edinyuŋ obup abaŋa mme abasi mmɔ, ete, Ewe usuŋ ke mme idut emi ekenam ŋkpɔ mme abasi mmɔ? ami nyenam kpa ntre ŋko ke idem mi.

DEUTERONOMY 13:3

kukop mme ikɔ prophet oro, mme eke adaba ndap oro: koro Jehovah Abasi mbufo ododomo mbufo, ete ifiɔk mme mbufo emema Jehovah Abasi mbufo ke ofuri esit mbufo, ye ke ofuri ukpɔŋ mbufo.

DEUTERONOMY 17:3

eke onyuŋ akade okonim ido mme abasi efen, onyuŋ ɔnuhɔ ɔnɔ mmɔ, edide utin, onyuŋ edide ɔfiɔŋ mme eke udim enyɔŋ ekededi, eke ami ŋkpande;

DEUTERONOMY 28:14

kunyuŋ ufep idem ke baba ikɔ kiet eke ami ntemede mbufo mfin emi, uwaha uka ke nnasia, mme ke ufien ŋketiene mme abasi efen nnam ŋkpɔ mmɔ.

DEUTERONOMY 29:17

mbufo ema enyuŋ ekut mbubiam ŋkpɔ mmɔ, ye mbiet ŋkpɔ mmɔ, kpa eke eto itiat, ye eke silver, ye gold, emi edude ke otu mmɔ:

DEUTERONOMY 29:18

mbak eren-owo, mme ŋwan, mme ufɔk, mme esien edidu ke otu mbufo, emi esit esie akabarede mfin emi ɔkpɔŋ Jehovah Abasi nnyin, onyuŋ aka akanam ŋkpɔ mme abasi mme idut emi; mbak oruŋ eke oŋwumde ibɔk ubio ye ndot-ndot ŋkpɔ, edidu ke otu mbufo;

DEUTERONOMY 30:17

Edi esit fo amakabare, afo munyuŋ ukopde, edi ayak enuk fi efep aka akatuak ibuot ɔnɔ mme abasi efen, onyuŋ anam ŋkpɔ mmɔ;

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

DEUTERONOMY 4:23

Mbufo ekpeme idem, mbak edifre ediomi Jehovah Abasi mbufo, emi enye okodiomide ye mbufo, ndien eka ekenam edisɔi mbiet ŋkpɔ ekededi ke idem mbufo, emi Jehovah Abasi fo akpande fi.

DEUTERONOMY 4:9

Edi kpeme idem fo, nyuŋ tim kpeme ukpɔŋ fo, man afo okufre ŋkpɔ emi enyin fo ekekutde, man mmɔ ekunyuŋ ewɔrɔ ke esit fo, ofuri ini uwem fo: ndien da mmɔ kpep nditɔ fo, ye nditɔ nditɔ fo:

DEUTERONOMY 5:7

Kunyene Abasi efen ukɔrɔ ye ami.

DEUTERONOMY 8:19

Ndien ama ekem, edieke afo edifrede Jehovah Abasi fo, edinyuŋ etienede mme abasi eŋwen, onyuŋ anamde ido mmɔ, onyuŋ ɔnuhɔde ɔnɔ mmɔ, mmɔdɔhɔ mbaŋa mbufo mfin emi, nte ke edisobo mbufo tak-tak.

MME HEBREW 12:15

Etim ese mbak owo ekededi editaba mfɔn Abasi; mbak oruŋ eke edide ndot-ndot editibe otimere mbufo, onyuŋ asabare ediwak owo ke otu mbufo;

MME HEBREW 2:1

MMƆDO ikpotim ikpaŋ utɔŋ ikan inɔ mme ŋkpɔ emi ikokopde, mbak nnyin idifiɔrɔ ikpɔŋ mmɔ.

MME HEBREW 3:12

Nditɔ-ete, ekpeme mbak ndusuk idiɔk esit unana mbuɔtidem edidu owo mbufo kiet ke idem, ke eriwɔŋɔre ŋkpɔŋ Abasi uwem:

MME HEBREW 4:1

MMƆDO sia uŋwɔŋɔ eriduk ke nduɔk-odudu Esie ɔsuhɔde, eyak nnyin ifehe ndik, mbak owo mbufo ekededi editie nte ŋkpɔ eke enye atabade nduɔk-odudu oro.

JAMES 1:26

Edieke owo abatde idem ke owo Abasi, minyuŋ imumke edeme esie ikama, edi abiaŋade esit esie, erinim eke enye onimde ido Abasi ɔwɔrɔ ikpikpu.

1 JOHN 5:21

Ŋkpri nditɔ mi, ekpeme idem ke ndem.

ERIYARARE 12:9

Ndien esio akwa dragon eduɔk ke isɔŋ, kpa akani urukikɔt oro ekotde enye ete, andidori ikɔt Abasi ikɔ ye Satan, andibiaŋa ofuri ererimbot; esio enye eduɔk ke isɔŋ, enyuŋ esioŋo mme angel esie eduɔŋɔ ye enye.

ERIYARARE 13:14

Enye onyuŋ ada idiɔŋɔ, emi enɔde enye ndinam ke iso unam oro, abiaŋa mme andiduŋ ke isɔŋ; onyuŋ ɔnɔ mme andiduŋ ke isɔŋ uyo, ete, mmɔ enam mbiet unam oro enyenede nde ofut ke idem, edi osuk odude uwem.

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.

1 SAMUEL 12:20

Ndien Samuel ɔdɔhɔ kpukpru owo, ete, Mbufo ekudikhe: mbufo emenam kpukpru idiɔk-ŋkpɔ emi: edi ekuwaha ekpɔŋ Jehovah, edi enam ŋkpɔ Jehovah ke ofuri esit mbufo; ekunyuŋ ewaha:

1 SAMUEL 12:21

koro ekpebinede ikpikpu ŋkpɔ eke midoroke minyuŋ inyaŋake; koro mmɔ edide ikpikpu ŋkpɔ.