DEUTERONOMY 10:8 - Edisana ñwed Abasi Ibom

⁸ Ke ini oro Jehovah adianare esien Levi, ete ebiom ekebe ediomi Jehovah, enyuŋ eda ke iso Jehovah, ndinam ŋkpɔ esie, nnyuŋ nda enyiŋ esie ndiɔŋ, tutu osim mfin emi.

DEUTERONOMY 10:8 ပူးပေါင်းရင်းမြစ်များ

1 NDIDEM 8:6

Ndien mme oku emen ekebe ediomi Jehovah esin ke ebiet esie, ke ubet-etak ufɔk, kpa ata edisana ubet, ke idak mba mme cherubim.

1 CHRONICLES 15:2

Ndien David ɔdɔhɔ, ete, Owo okubiom ekebe Abasi, ke mibɔhɔke mme Levite: koro mmɔ ke Jehovah ekemek ndibiom ekebe Abasi, ndinyuŋ nnam ŋkpɔ esie ke nsinsi.

1 CHRONICLES 15:26

Edikem adaŋemi Abasi aŋwamde mme Levite oro ebiomde ekebe ediomi Jehovah, mmɔ ewa enaŋ itiaba, ye okukim erɔŋ itiaba.

1 CHRONICLES 23:13

ndien ekedianare Aaron, man enye ye nditɔ esie ŋko ke nsinsi ekpenam ata edisana ŋkpɔ esana, enyuŋ efɔp uwa enɔ Jehovah, enyuŋ enam ŋkpɔ esie, enyuŋ eda enyiŋ esie ediɔŋ owo ke nsinsi.

1 CHRONICLES 23:26

mme Levite ŋko inyeneke aba ndibiom efe iduŋ, ye kpukpru ŋkpɔ unam utom esie.

2 CHRONICLES 29:11

Mbufo, nditɔ mi, ndien, ekunam nditi-nditi: koro Jehovah emekde mbufo, ete eda imɔ ke iso, enyuŋ enam ŋkpɔ imɔ, enyuŋ edi mme asaŋutom imɔ, ye mme ɔfɔp-uwa imɔ.

2 CHRONICLES 30:27

Ndien mme oku mme Levite edaha ke enyɔŋ ekediɔŋ kpukpru owo: ndien ekop uyo mmɔ, mkpe-ubɔk mmɔ onyuŋ osim ke edisana iduŋ esie ke enyɔŋ.

ŊWED MME PSALM 134:1

SESE, mbufo kpukpru ikɔt Jehovah, emi edade ke ufɔk Jehovah ke okoneyo, etoro Jehovah.

ŊWED MME PSALM 134:2

Mbufo emenere ubɔk mbufo ke edisana ebiet, enyuŋ ekɔm Jehovah.

ŊWED MME PSALM 135:2

emi edade ke ufɔk Jehovah, ke okure ufɔk Abasi nnyin.

JEREMIAH 15:19

Mmɔdo ntem ke Jehovah ɔdɔhɔ, ete, Edieke afo afiakde edi, nyeda fi mfiak ndien, afo eyeda ke iso mi: ndien edieke afo osiode ŋkpɔ-uto ke ŋkpɔ ndek efep, afo eyekabare nte inua mi. Mmɔ eyefiak etiene fi; edi afo udufiakke utiene mmɔ.

EZEKIEL 44:11

Ndien mmɔ eyedi mme anam-ŋkpɔ ke edisana ebiet mi, enam utom ukpeme ke inua-otop ufɔk, enyuŋ enam ŋkpɔ ufɔk: mmɔ eyeyɔk edifɔp uwa ye uwa emen enɔ mbio-obio; mmɔ eyenyuŋ eda ke iso mmɔ edinam ŋkpɔ enɔ mmɔ.

EZEKIEL 44:15

Edi mme oku, mme Levite, nditɔ Zadok, emi esaŋade utom edisana ebiet mi, ke adaŋemi nditɔ Israel ekpɔŋde mi ediyo, mmɔ eyesaŋa ekpere mi, ndinam ŋkpɔ nnɔ mi, enyuŋ eda ke iso mi edida ikpɔŋ ye iyip esɔk mi: Ɔbɔŋ Jehovah ɔdɔhɔ.

LEVITICUS 8:9

Ndien enye ada mitre ayara enye ke ibuot; onyuŋ ada ubak gold, kpa edisana anyanya oro, adian ke mitre ke ɔkpɔ-iso esie; nte emi Jehovah okowukde Moses.

LEVITICUS 9:22

Ndien Aaron emenere ubɔk esie ese kpukpru owo, onyuŋ ɔdiɔŋ mmɔ; ndien enye oto ndiwa uwa idiɔk ido, ye edifɔp uwa ye uwa emem, ɔsuhɔre.

NUMBERS 3:31

Ndien se mmɔ edikpemede edi ekebe, ye okpokoro, ye uwuk-utuenikaŋ, ye mme itie uwa, ye ŋkpoduoho edisana ebiet eke edade enam ŋkpɔ ke esit, ye ukara, ye kpukpru se enamde ke esit.

NUMBERS 3:6

ete, Da esien Levi di ken, nyuŋ nim mmɔ ke iso Aaron oku, man enam ŋkpɔ enɔ enye.

NUMBERS 4:15

Ndien ama ekem, ke adaŋemi Aaron ye nditɔ esie efukde edisana ebiet, ye kpukpru ŋkpɔ unam-utom edisana ebiet ema, ke ini ewuhɔrede nna; yak nditɔ Kohath edi ndien edibiom: edi ekuktuk edisana ŋkpɔ baba kiet, mbak mmɔ edikpa. Mme mmɔ emi edi mbiomo nditɔ Kohath ke efe esop.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

UTOM MME APOSTLE 13:2

Edi nte mmɔ enamde ŋkpɔ enɔ Ɔbɔŋ, enyuŋ etrede udia, Edisana Spirit ɔdɔhɔ mmɔ ete, Edianare Barnabas ye Saul enɔ Mi, man mmɔ enam utom oro ŋkokotde mmɔ nnɔ.

ŊWED MBON ROME 1:1

PAUL, owo Jesus Christ, emi Abasi okokotde ete edidi apostle, onyuŋ adianarede onim ɔnɔ gospel Esie

ŊWED MBON ROME 12:7

onyuŋ edieke enɔde nnyin erinam ŋkpɔ nnɔ owo, yak nnyin itiŋ enyin inam; yak owo eke edide andikpep etiŋ enyin ekpep;

2 ŊWED CORINTH 6:17

Mmɔdo, Jehovah ɔnɔ uyo ete, Ewɔŋɔ ke otu mmɔ, enyuŋ edianare eda. Ekunyuŋ etuk ŋkpɔ ndek baba kiet; Ndien nyedara mbufo,

ŊWED MBON GALATIA 1:15

Edi ke adaŋemi Abasi, emi akadianarede mi onim toto ke idibi eka mi, onyuŋ okotde mi ke mfɔn Esie,

DEUTERONOMY 17:12

Ndien ama edi owo eke edinamde ŋkpɔ isa-isa, minyuŋ ikopke uyo oku eke adade do ndinam ŋkpɔ Jehovah Abasi fo, ye uyo ebierikpe oro, idem owo oro enyene ndikpa: ke ntre ke afo edisio idiɔk ido ke Israel efep.

DEUTERONOMY 18:5

Koro Jehovah Abasi fo ama emek enye osio ke ofuri mme esien fo, ndida nnam ŋkpɔ ke enyiŋ Jehovah, enye ye nditɔ-iren esie ke nsinsi.

DEUTERONOMY 21:3

Ndien ama ekem, obio eke ekperede owo oro akpade afai, kpa mbiowo obio oro eyeda abak unam enaŋ, eke owo mikadaha enye inam ŋkpɔ, eke mika-inyuŋ idudike ke ɔkpɔnɔ;

DEUTERONOMY 21:5

ndien yak mme oku, nditɔ Levi, esaŋa ekpere: koro Jehovah Abasi fo ama emek mmɔ ndinam ŋkpɔ esie, nnyuŋ nda enyiŋ Jehovah ndiɔŋ owo; ndien kpukpru ikpe ye kpukpru ufene eyenyuŋ esaŋa ke uyo mmɔ:

DEUTERONOMY 31:9

Ndien Moses ewet ŋwed mbet emi, onyuŋ emen enye ɔnɔ mme oku, nditɔ Levi, emi ebiomde ekebe ediomi Jehovah, onyuŋ ɔnɔ kpukpru mbiowo Israel.