DEUTERONOMY 10:20 - Edisana ñwed Abasi Ibom

²⁰ Bak Jehovah Abasi fo; nam ŋkpɔ esie, nyuŋ yire ye enye, nyuŋ tomo enyiŋ esie.

DEUTERONOMY 10:20 ပူးပေါင်းရင်းမြစ်များ

2 NDIDEM 18:6

Ndien enye eyire ye Jehovah, inyuŋ itreke nditiene enye, edi onim mbet esie oro Jehovah eketemede Moses.

ŊWED MME PSALM 63:11

Edi edidem eyedara Abasi: kpukpru owo eke etomode enye eyebure: koro eyesiri mme osu-nsu inua.

EXODUS 20:7

Kumen enyiŋ Jehovah Abasi fo utomo ke se midige akpanikɔ: koro Jehovah midiyakke otomo enyiŋ esie ke se midige akpanikɔ, ɔbɔhɔ.

ECCLESIASTES 12:13

Yak nnyin ikop utit ofuri ŋkpɔ emi: bak Abasi, nyuŋ nim mbet esie: koro emi edi eke kpukpru owo.

ISAIAH 45:23

Mmotomo idem mi, ikɔ ɔmɔwɔrɔ mi ke inua edinen, idinyuŋ ifiakke, nte kpukpru edɔŋ eyetɔŋɔ enɔ mi, kpukpru edeme eyenyuŋ etomo.

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

MATTHEW 4:10

Ekem Jesus ɔdɔhɔ enye ete, Daha Mi ke usuŋ, Satan: koro ema ewet ete, Tuak ibuot nɔ Jehovah Abasi fo, nyuŋ nam ŋkpɔ nɔ Enye ikpɔŋ-ikpɔŋ.

LUKE 4:8

Edi Jesus ɔbɔrɔ enye ete, Ema ewet ete, Tuak ibuot nɔ Jehovah Abasi fo, nyun nam ŋkpɔ nɔ Enye ikpɔŋ-ikpɔŋ.

UTOM MME APOSTLE 11:23

ndien ke adaŋemi enye akade onyuŋ okutde mfɔn Abasi, enye adat esit; onyuŋ ekpe ye mmɔ kpukpru ete mmɔ eda iwukesit ediana ye Ɔbɔŋ:

ŊWED MBON ROME 12:9

Eyak ima okusaŋa ke mbubik. Esua se idiɔkde; eyire se ifɔnde.

DEUTERONOMY 11:22

Koro edieke mbufo edikpemede kpukpru mme ewuhɔ emi ami ŋwukde mbufo, enyuŋ enim mmɔ, enyuŋ ema Jehovah Abasi mbufo, enyuŋ esaŋa ke kpukpru usuŋ esie, enyuŋ eyire ye enye;

DEUTERONOMY 13:4

Mbufo etiene Jehovah Abasi mbufo, enyuŋ ebak enye, enyuŋ enim mbet esie, enyuŋ ekop uyo esie, enyuŋ enam ŋkpɔ esie, enyuŋ eyire ye enye.

DEUTERONOMY 30:20

man afo ama Jehovah Abasi fo onyuŋ okop uyo esie, onyuŋ eyire ye enye: koro enye edide uwem fo, ye uniɔŋ mme usen fo: man afo oduŋ ke isɔŋ emi Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ mmɔ.

DEUTERONOMY 4:4

Edi kpukpru mbufo emi ekeyirede ye Jehovah Abasi mbufo ededu uwem tutu osim mfin emi.

DEUTERONOMY 5:11

Kumen enyiŋ Jehovah Abasi fo utomo ke se midige akpanikɔ: koro Jehovah midiyakke otomo enyiŋ esie ke se midige akpanikɔ, ɔbɔhɔ.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

DEUTERONOMY 6:13

Bak Jehovah Abasi fo, nyuŋ nam ŋkpɔ esie, nyuŋ tomo enyiŋ esie.

JOSHUA 23:7

man mbufo ekuduk ke otu mme idut emi, kpa mme mmɔ emi esuhɔde ke otu mbufo, ekunyuŋ ekot enyiŋ mme abasi mmɔ, ekunyuŋ enam owo otomo (mmɔ), ekunyuŋ enam ŋkpɔ mmɔ,

JOSHUA 23:8

ekunyuŋ enuhɔ enɔ mmɔ: edi mbufo eyire ye Jehovah Abasi mbufo, kpa nte ŋkanamde tutu osim mfin emi;

1 SAMUEL 7:3

Ndien Samuel ɔdɔhɔ ofuri ufɔk Israel, ete, Edieke mbufo ekabarede etiene Jehovah ke ofuri esit mbufo, esioŋe ndien isen abasi mme Ashtaroth ke otu mbufo efep, enyuŋ ewuk esit mbufo etiene Jehovah, enyuŋ enam ŋkpɔ enɔ enye ikpɔŋ-ikpɔŋ: ndien enye eyenyaŋa mbufo osio mme Philistine ke ubɔk.