DEUTERONOMY 10:2 - Edisana ñwed Abasi Ibom

² Ndien nyeda itiat-ŋwed oro, ŋwet ikɔ ekedude ke akpa itiat-ŋwed oko afo okobomde; ndien men mmɔ sin ke ekebe.

DEUTERONOMY 10:2 ပူးပေါင်းရင်းမြစ်များ

1 NDIDEM 8:9

Baba ŋkpɔ kiet iduhe ke ekebe, ke mibɔhɔke itiat ŋwed iba ikpɔŋ, emi Moses ekesinde ke esit ke Horeb, ke adaŋoro Jehovah akanamde ediomi ye nditɔ Israel, ke ini mmɔ etode ke isɔŋ Egypt.

2 CHRONICLES 5:10

Baba ŋkpɔ kiet iduhe ke ekebe, ke mibɔhɔke itiat-ŋwed iba oro Moses ekesinde ke Horeb, ke ini Jehovah odiomide ediomi ye nditɔ Israel, adaŋemi mmɔ eketode ke Egypt.

EXODUS 32:19

Edikem adaŋemi enye asaŋade ekpere nna, enye okut eyen enaŋ oro ye unek; ndien esit ɔbumere Moses, ndien enye ayak itiat-ŋwed oro ke ubɔk esie ɔduɔk, onyuŋ anuak mmɔ ke usuhɔre obot.

EXODUS 34:1

NDIEN Jehovah ɔdɔhɔ Moses ete, Sɔi itiat ŋwed iba ke idem fo, ebiet eke akpa: ndien nyeda ikɔ emi ekedude ke akpa itiat-ŋwed emi afo okobomde, ŋwet nsin ke itiat-ŋwed oro.

EXODUS 40:20

Enye onyuŋ emen ŋkpɔ-ntiense esin ke ekebe, onyuŋ adian esaŋ ke ekebe, onyuŋ ada itie usio-isop okubi ke ekebe.

DEUTERONOMY 10:5

Ndien ŋkabare nto ke obot nsuhɔre, nnyuŋ nda itiat-ŋwed nsin ke ekebe oro ŋkanamde; mmɔ emenyuŋ esine do, kpa nte Jehovah eketemede mi.

DEUTERONOMY 4:13

Ndien enye asiak ediomi esie ɔnɔ mbufo, emi enye etemede mbufo ete enam, kpa ikɔ mboduop oro: enye onyuŋ ewet mmɔ esin ke itiat ŋwed iba.

MME HEBREW 9:4

emi enyenede ŋkpɔ ufɔp-incense o-gold, ye ekebe ediomi emi edade gold efuk ekanare ekuk, emi eso o-gold emi mana esinede ke esit,