DEUTERONOMY 10:19 - Edisana ñwed Abasi Ibom

¹⁹ Mbufo ema ndien esen owo: koro mbufo ekedide isen ke isɔŋ Egypt.

DEUTERONOMY 10:19 ပူးပေါင်းရင်းမြစ်များ

EXODUS 22:21

Kufik esen owo, kunyuŋ utuk enye: koro mbufo ekedide isen owo ke isɔŋ Egypt.

EZEKIEL 47:22

Ndien ama ekem mbufo esin afia ebahare enye enɔ idem-mbufo ke udeme, ye isen owo eke eduŋde ke otu mbufo, eke ebonde nditɔ ke otu mbufo: mbufo ebat mmɔ nte mme amana ke otu nditɔ Israel: yak mmɔ eda udeme ke afia ye mbufo ke otu mme esien Israel.

EZEKIEL 47:23

Ndien ama ekem, ke esien eke esen owo oro oduŋde ke esit, do ke mbufo edinɔ enye udeme esie: uyo Ɔbɔŋ Jehovah edi emi.

LUKE 17:18

Nte owo baba kiet iduhe ndifiak nditoro Abasi, ke mibɔhɔke esen owo emi?

LUKE 6:35

Edi ema mme asua mbufo, enyuŋ enam ufɔn enɔ mmɔ, enyuŋ ebuɔt, ekudori-enyin ndifiak mbɔ; ndien utip mbufo eyekpon: mbufo eyenyuŋ edi nditɔ Andikoŋ-ŋkan: koro Enye ɔfɔnde ido kpa ye mmɔ eke mikɔmke Enye ye mme idiɔk owo.

ŊWED MBON GALATIA 6:10

Mmɔdo ndien, adaŋa nte ikutde ifet, eyak nnyin ifɔn ido ye kpukpru owo, akpan-akpan ye mmɔ emi etode ke ufɔk mme andinim ke akpanikɔ.

DEUTERONOMY 23:7

Kusua eyen Edom: koro enye edide eyen-usɔ; kusua eyen Egypt: koro afo ekededi esen ke isɔŋ mmɔ.

DEUTERONOMY 23:8

Nditɔ eke emanade enɔ mmɔ eyekeme ndiduk ke esop Jehovah ke ɔyɔhɔ emana mmɔ ita.