DEUTERONOMY 10:17 - Edisana ñwed Abasi Ibom

¹⁷ Koro Jehovah mbufo edide Abasi mme abasi, ye ɔbɔŋ mme mbɔŋ, Abasi emi edide ata akwa, ye ɔkpɔsɔŋ, ye akpakop, emi miteŋeke owo baba kiet enyin, minyuŋ ibɔhɔ enɔ:

DEUTERONOMY 10:17 ပူးပေါင်းရင်းမြစ်များ

2 CHRONICLES 19:7

Eyak ndik Jehovah odoro mbufo, ndien; ekpeme idem enyuŋ enam: koro baba mme ukwaŋ-ŋkpɔ miduhe ye Jehovah Abasi nnyin, baba uteŋe-enyin, baba erida enɔ.

NEHEMIAH 1:5

Ndien ndɔhɔ nte, Mbɔk, Jehovah Abasi enyɔŋ, akamba Abasi emi enyenede uteŋe, emi onimde ediomi ye ima ɔnɔ mmɔ emi emade enye, enyuŋ enimde mbet esie:

NEHEMIAH 4:14

Ndien ŋkut, nnyun ndaha ke enyɔŋ, nnyuŋ ndɔhɔ mbɔŋ, ye mme ebiere-ikpe, ye kpukpru mmɔ efen, nte, Mbufo ekufehe mmɔ: mbufo eti Ɔbɔŋ emi okponde, onyuŋ enyenede uteŋe, ndien eŋwana ekɔŋ enɔ nditɔ-ete mbufo, ye nditɔ-iren mbufo, ye nditɔ-iban mbufo, ye iban mbufo, ye mme ufɔk mbufo.

NEHEMIAH 9:32

Mbɔk, ndien, O Abasi nnyin, akwa, ye ɔkpɔsɔŋ Abasi emi enyenede ndik, onyuŋ onimde ediomi ye ima, kuse ofuri ukut emi nnyin, ye ndidem nnyin, ye mbɔŋ nnyin, ye mme oku nnyin, ye mme prophet nnyin, ye mme ete nnyin, ye ofuri ikɔt fo ekekutde, toto ke eyo edidem Assyria, tutu osim mfin emi, ke ekpri ŋkpɔ.

ŊWED JOB 34:19

Man ɔdɔhɔ enye emi miteŋeke mbɔŋ enyin, minyuŋ isehe mbon inyene ikan ubuene: koro edi ubɔk esie akanam kpukpru.

ŊWED MME PSALM 99:3

Mmɔ eyetoro akwa enyiŋ ndik fo: enye edi edisana.

EXODUS 23:8

Kunyuŋ ubɔ enɔ: koro enɔ otibide mme okut-usuŋ enyin, onyuŋ ɔyurɔde ikɔ ndinen owo.

ISAIAH 37:16

O Jehovah mme udim, Abasi Israel, emi oduŋde ke otu mme cherubim, edi afo ke idem fo ikpɔŋ-ikpɔŋ edi Abasi kpukpru mme idut ererimbot: edi afo akanam enyɔŋ ye isɔŋ.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

JEREMIAH 20:11

Ndien Jehovah odu ye ami nte owo uko eke enyenede ndik: mmɔdo mmɔ eke ekɔbɔde mi eyeduɔŋɔ, idinyuŋ ikanke: but eyenam mmɔ eti-eti, koro mmɔ mikekwe unen: ke edi nsinsi o-but, owo idifreke enye.

JEREMIAH 32:18

emi anamde ima ye mme tɔsin owo, onyuŋ osiode usiene idiɔk ido mme ete esin ke ikpanesit nditɔ mmɔ eke etienede mmɔ edem; Akwa ye Ɔkpɔsɔŋ Abasi Jehovah mme udim edi enyiŋ esie:

DANIEL 11:36

Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.

DANIEL 2:45

koro afo okokutde ete ke esiak itiat ke akamba obot esio, edi idige ubɔk owo anam, ndien enye anuak ukwak, ye okpoho, ye mbat-eso, ye silver, ye gold, Akwa Abasi asian edidem se ididide ke ini iso: ndien ndap oro enyene iwuk, idinyuŋ itreke ndiwɔrɔ ntem.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

MARK 12:14

Ke ini mmɔ edide, edɔhɔ Enye ete, Andikpep, nnyin imɔfiɔk ite Afo edi akpanikɔ, unyuŋ ukereke owo; koro Afo uteŋeke owo enyin, edi ekpep owo usuŋ Abasi ke akpanikɔ. Nte enen ndinɔ Caesar utomo, mme inenke? Nte nnyin inɔ, mme ikunɔ?

UTOM MME APOSTLE 10:34

Ndien Peter atat inua esie ete,

ŊWED MBON ROME 2:11

Koro Abasi miteŋeke owo enyin.

ŊWED MBON GALATIA 2:6

Edi mmɔ oro ebatde ke ikpɔ owo (mmɔ edi se ededi, ibeheke mi do; Abasi iteŋeke owo enyin)—mme ɔwɔrɔ-etop oro ikɔrɔke mi baba obufa item kiet;

ŊWED MBON EPHESUS 6:9

Ndien mbufo mme ete, enam kpa ntem ye mmɔ, enyuŋ etre nditiŋ ikɔ ndikhe; sia efiɔkde ete, Ete mmɔ ye eke mbufo odu ke heaven; Enye inyuŋ iteŋeke owo enyin.

DEUTERONOMY 1:17

Mbufo ekuteŋe owo enyin ke ikpe: ekop uyo ekpri owo, kpa nte uyo akamba owo; mbufo ekubak iso owo; koro ikpe edide eke Abasi: ndien mbufo eda ikɔ eke ɔsɔŋde akan mbufo, esɔk mi man ŋkop enye.

DEUTERONOMY 16:19

Kuyut ikpe; kuteŋe owo enyin, kunyuŋ ubɔ enɔ: koro enɔ editibide mme enyene ibuot owo enyin, onyuŋ akwaŋde ikɔ owo eke enende.

DEUTERONOMY 24:17

Kuyut ikpe esen owo, mme eke eyen-akpa; kunyuŋ uda ɔfɔŋidem ebe-akpa ke ubiɔŋ:

DEUTERONOMY 27:25

Ɔdɔdiɔk ɔnɔ owo eke ɔbɔde okuk aka okowot owo eke miduehe isop. Ndien yak kpukpru owo edɔhɔ ete, Amen.

DEUTERONOMY 7:21

Kudikhe ke iso mmɔ: koro Jehovah Abasi fo odude ke otu fo, akwa Abasi ye Abasi uteŋe.

ŊWED MBON COLOSSAE 3:25

Koro owo eke anamde se idiɔkde eyebɔ utip idiɔk ŋkpɔ oro enye akanamde; Abasi iteŋeke owo enyin.

1ŊWED TIMOTHY 6:15

emi Abasi ediyararede ke edikem ini; kpa Enye emi edide Andikara, emi enyenede itoro onyuŋ ikpɔŋ-ikpɔŋ adade ubɔŋ, onyuŋ edide Edidem mme edidem ye Ɔbɔŋ mme ɔbɔŋ;

JOSHUA 22:22

Abasi, Abasi Jehovah, Abasi, Abasi Jehovah ɔfiɔk, Israel eyenyuŋ efiɔk: ama edi nsɔŋ-ibuot, mme idiɔk ido ye Jehovah (kunyaŋa nnyin mfin emi),

1 PETER 1:17

Ndien edieke mbufo esemede ekot Enye nte Ete, emi miteŋeke owo enyin, edi ebierede ikɔ ɔnɔ owo nte erinam esie edide, edu uwem ke ndik ke ini ndaŋ mbufo mi;

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 19:16

Enye onyuŋ enyene enyiŋ emi ewetde ke ɔfɔŋ-idem Esie ye ke ifuhi Esie ete, EDIDEM NDIDEM YE ƆBƆŊ MBƆŊ.