DEUTERONOMY 10:16 - Edisana ñwed Abasi Ibom

¹⁶ Mbufo enim ndien esit mbufo mbobi, ekunyuŋ etun aba itun.

DEUTERONOMY 10:16 ပူးပေါင်းရင်းမြစ်များ

GENESIS 17:11

Mbufo enyuŋ esibe edut mbufo efep; ndien emi eyedi idiɔŋɔ ediomi ke ufɔt mi ye mbufo.

2 CHRONICLES 30:8

Mbufo ekusɔŋ, ndien, obot-itɔŋ mbufo, nte mme ete mbufo, edi esuk idem enɔ Jehovah, enyuŋ edi ke edisana ebiet esie, emi enye anamde asana ke nsinsi: enyuŋ enam ŋkpɔ Jehovah Abasi mbufo, man ikaŋ iyaresit esie ɔwɔŋɔre ɔkpɔŋ mbufo.

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

JEREMIAH 4:4

O mbio Judah, ye mme andiduŋ Jerusalem, mbufo ena mbobi enɔ Jehovah, enyuŋ esibe esit mbufo edut efep: mbak ifiopesit mi ediwɔrɔ nte ikaŋ, onyuŋ ata, ndien baba owo kiet eke onimede iduhe, abaŋa mme idiɔk ido mbufo.

EZEKIEL 44:7

koro mbufo emade mbon idut emi minaŋa mbobi ke esit, minyuŋ inaŋa mbobi ke obukidem, eduk, man mmɔ edu ke edisana ebiet mi, enyuŋ esabare ufɔk mi, ke adaŋemi mbufo edade uyo mi, ye ikpɔŋ, ye iyip edisɔk; ndien mmɔ ebiat ediomi mi, oto ke kpukpru mbubiam mbufo.

LEVITICUS 26:41

ye nte ami ŋko ŋkasaŋade ke ndusuara ye mmɔ, ŋkonyuŋ nda mmɔ nsin ke isɔŋ mme asua mmɔ; edieke edut esit mmɔ ɔsuhɔde ndien mmɔ enyuŋ enem esit ke ufen ukwaŋ-ŋkpɔ mmɔ:

DEUTERONOMY 30:6

Ndien Jehovah Abasi fo eyenim esit fo mbobi, ye esit nditɔ fo, man afo ama Jehovah Abasi fo ke ofuri esit fo, ye ke ofuri ukpɔŋ fo, man afo odu uwem.

DEUTERONOMY 31:27

Koro ami mmɔfiɔk nsɔŋ-ibuot fo, ye itun fo: kam sese, ke ami ndodu uwem ye mbufo mfin emi, mbufo esɔŋ ibuot ye Jehovah: ŋwaŋwa ediso adaŋemi ndikpade!

DEUTERONOMY 9:13

Ndien Jehovah ɔdɔhɔ mi, ete, Mmokut mbio emi, ndien, sese, mmɔ edi mbon nsɔŋ-ibuot:

DEUTERONOMY 9:6

Fiɔk, ndien, ete idige eti ido fo esin Jehovah Abasi fo ɔnɔ fi eti isɔŋ emi enyene; koro mbufo edide mbon nsɔŋ-ibuot.

ŊWED MBON COLOSSAE 2:11

Ke Enye ke ekenyuŋ enim mbufo mbobi eke midaha ubɔk owo inim, kpa mbobi eke edide erisio idiɔk udɔŋ obukidem mfep, kpa mbobi eke Christ onimde;