DEUTERONOMY 10:12 - Edisana ñwed Abasi Ibom

¹² Nso ŋkpɔ ndien, O Israel, ke Jehovah Abasi fo oyom ye afo, ke mibɔhɔke eribak Jehovah Abasi fo, nnyuŋ nsaŋa ke kpukpru usuŋ esie, nnyuŋ mma enye, nnyuŋ nnam ŋkpɔ Jehovah Abasi fo, ke ofuri esit fo, ye ke ofuri ukpɔŋ fo,

DEUTERONOMY 10:12 ပူးပေါင်းရင်းမြစ်များ

1 NDIDEM 3:3

Ndien Solomon ama Jehovah, ke asaŋa ke item David ete esie: edi enye awa uwa, onyuŋ ɔfɔp incense, ke edikoŋ ebiet.

2 NDIDEM 10:31

Edi Jehu itimke ndisaŋa ke mbet Jehovah Abasi Israel ke ofuri esit esie: enye ikabakede ikpɔŋ idiɔk ido Jeroboam, emi akanamde Israel edue.

2 NDIDEM 18:3

Ndien enye anam se inende ke iso Jehovah, kpa nte David ete esie akanamde kpukpru.

2 NDIDEM 18:6

Ndien enye eyire ye Jehovah, inyuŋ itreke nditiene enye, edi onim mbet esie oro Jehovah eketemede Moses.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

2 CHRONICLES 15:12

Mmɔ enyuŋ eduk ke ediomi, ete mmimɔ iyeyom Jehovah Abasi mme ete mmimɔ, ke ofuri esit mmimɔ, ye ke ofuri ukpɔŋ mmimɔ;

ŊWED JOB 36:11

Edieke mmɔ ekopde, enyuŋ enamde, mmɔ ema uwem mmɔ ke ufɔn, ye mme isua mmɔ inem inem.

ŊWED MME PSALM 119:2

Ɔfɔfɔn ɔnɔ mmɔ eke enimde uyo esie, eke eyomde enye ke ofuri esit.

ŊWED MME PSALM 128:1

ƆFƆFƆN ɔnɔ kpukpru owo eke ebakde Jehovah; eke esaŋade ke usuŋ esie.

ŊWED MME PSALM 145:20

Jehovah ekpeme kpukpru mmɔ eke emade enye: onyuŋ osobo kpukpru mme idiɔk owo.

ŊWED MME PSALM 18:1

MMAMA fi, O Jehovah, odudu mi!

ŊWED MME PSALM 34:9

Mbufo, nti ikɔt Jehovah, ebak enye: koro mmɔ eke ebakde enye

ŊWED MME PSALM 81:13

Ikɔt mi ekpekam ekop uyo mi, Israel ekpekam enyuŋ esaŋa ke usuŋ mi!

ŊWED MME PSALM 81:14

Ŋkpawara ndinam mme asua mmɔ esuhɔre idem mmɔ, ŋkponyuŋ ŋkabare ubɔk mi nnam mme asua mmɔ.

EXODUS 23:25

Mbufo enyuŋ enam ŋkpɔ Jehovah Abasi mbufo, ndien enye eyediɔŋ udia mbufo, ye mmɔŋ mbufo: ndien nyesioŋo udɔŋɔ ke otu mbufo mfep.

ECCLESIASTES 12:13

Yak nnyin ikop utit ofuri ŋkpɔ emi: bak Abasi, nyuŋ nim mbet esie: koro emi edi eke kpukpru owo.

EZEKIEL 11:20

man mmɔ esaŋa ke mme ewuhɔ mi, enyuŋ enim mbet mi, enyuŋ enam mmɔ: ndien mmɔ eyekabare edi ikɔt mi, ami nyenyuŋ ndi Abasi mmɔ.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

ZEPHANIAH 3:9

Koro ke ini oro nyekabare edisana mkpɔk-inua nnɔ mme idut: man kpukpru mmɔ ekot enyiŋ Jehovah, man enam ŋkpɔ enɔ enye ke esit kiet.

MATTHEW 22:37

Jesus ɔdɔhɔ enye ete, Ma Jehovah Abasi fo ke ofuri esit fo, ye ke ofuri ukpɔŋ fo, ye ke ofuri ekikere fo.

LUKE 10:27

Enye ɔbɔrɔ ete, Ma Jehovah Abasi fo ke ofuri esit fo, ye ke ofuri ukpɔŋ fo, ye ke ofuri odudu fo, ye ke ofuri ekikere fo; nyuŋ ma mbɔhiduŋ fo nte idem fo.

LUKE 11:42

Edi eyedɔdiɔk ɔnɔ mbufo mme Pharisee, koro mbufo esiode ubak ikɔŋ ye etidot ye kpukpru oruk ikɔŋ udia kiet ke itie duop enɔ Abasi, enyuŋ ekaŋade edinen ikpe ye ima Abasi: mbufo ekpanam ŋkpɔ emi, ikponyuŋ itreke ndinam mmɔ eken.

UTOM MME APOSTLE 9:31

Ntre ke ufɔk Abasi ke ofuri Judaea ye Galilee ye Samaria okut ifure, onyuŋ ɔkɔri ke uwem Abasi; mbon Ufɔk Abasi enyuŋ esaŋa ke uteŋe Jehovah ye ke ndɔŋesit Edisana Spirit, enyuŋ etɔt eti-eti.

ŊWED MBON ROME 1:9

Koro Abasi, emi ndade spirit mi nnam ŋkpɔ nnɔ Enye ke gospel Eyen Esie, edi ntiense ɔnɔ mi, adaŋa nte mmendopke ndisiak enyiŋ mbufo ke akam mi kpukpru ini,

ŊWED MBON ROME 8:28

Edi imɔfiɔk ite kpukpru ŋkpɔ esaŋa ɔtɔ kiet enam ufɔn enɔ mmɔ eke emade Abasi, kpa mmɔ emi ekotde nte ekemde ye uduak Esie.

DEUTERONOMY 10:11

Ndien Jehovah ɔdɔhɔ mi, ete, Daha ke enyɔŋ, bem mmɔ emi iso ke usuŋ, man eduk eka ekenyene isɔŋ emi ŋkɔŋwɔŋɔde nnɔ mme ete mmɔ nte nda nnɔ mmɔ.

DEUTERONOMY 10:13

nnyuŋ nnim mbet Jehovah, ye mme ewuhɔ esie, emi ami ŋwukde fi mfin emi, man ɔfɔn fi?

DEUTERONOMY 11:1

MA ndien Jehovah Abasi fo, nyuŋ tiŋ enyin ke item esie ye mme ewuhɔ esie, ye mme item esie, ye mbet esie, kpukpru usen. Mbufo efiɔk ndien mfin emi:

DEUTERONOMY 11:13

Ndien ama ekem, edieke mbufo edikopde kpukpru mbet mi, emi ami mbetde mbufo mfin emi, enyuŋ ema Jehovah Abasi mbufo, enyuŋ enam ŋkpɔ esie ke ofuri esit mbufo ye ke ofuri ukpɔŋ mbufo,

DEUTERONOMY 26:16

Ke mfin emi ke Jehovah Abasi fo owuk fi ete anam mme ewuhɔ emi ye mme item emi: kpeme mmɔ, ndien, nyuŋ nam mmɔ ke ofuri esit fo, ye ke ofuri ukpɔŋ fo.

DEUTERONOMY 27:10

Kop ndien uyo Jehovah Abasi fo, nyuŋ nim mbet esie ye mme ewuhɔ esie emi ami ŋwukde fi mfin emi.

DEUTERONOMY 30:16

koro ami ŋwukde fi mfin emi, nte ama Jehovah Abasi fo, onyuŋ asaŋa ke usuŋ esie, onyuŋ onim mbet esie, ye mme ewuhɔ esie, ye mme item esie man afo odu uwem onyuŋ ɔtɔt: man Jehovah Abasi fo onyuŋ ɔdiɔŋ fi ke isɔŋ emi afo akade do ndida enye nnyene.

DEUTERONOMY 30:20

man afo ama Jehovah Abasi fo onyuŋ okop uyo esie, onyuŋ eyire ye enye: koro enye edide uwem fo, ye uniɔŋ mme usen fo: man afo oduŋ ke isɔŋ emi Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ mmɔ.

DEUTERONOMY 4:29

Ndien afo ama etie do oyom Jehovah Abasi fo, afo eyekut enye, edieke oyomde enye ke ofuri esit fo, ye ke ofuri ukpɔŋ fo.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

DEUTERONOMY 5:33

Mbufo esaŋa ke kpukpru usuŋ emi Jehovah Abasi mbufo okowukde mbufo, man edu uwem, man onyuŋ ɔfɔn mbufo, man mme usen mbufo enyuŋ ebigi ke isɔŋ emi mbufo edidade enyene.

DEUTERONOMY 6:13

Bak Jehovah Abasi fo, nyuŋ nam ŋkpɔ esie, nyuŋ tomo enyiŋ esie.

DEUTERONOMY 6:2

man afo abak Jehovah Abasi fo, onyuŋ ekpeme kpukpru mme ewuhɔ esie, ye mbet esie, emi ami ntemede fi, afo, ye eyen fo, ye eyeyen fo, ofuri ini uwem fo; man mme usen fo enyuŋ ebigi.

DEUTERONOMY 6:24

Jehovah onyuŋ eteme nnyin ndinim kpukpru mme ewuhɔ esie, man nnyin ibak Jehovah Abasi nnyin, man ɔfɔn ye nnyin kpukpru ini, man enye onim nnyin ke uwem, kpa nte edide mfin emi.

DEUTERONOMY 6:5

ma ndien Abasi fo ke ofuri esit fo, ye ke ofuri ukpɔŋ fo, ye ke ofuri odudu fo.

1ŊWED TIMOTHY 1:5

Edi mma nnɔ uyo emi, man oto do mmɔ enyene ima eke otode ke edisana esit, ye esit eke midiɔŋɔke idiɔk ke idem esie, ye ata mbuɔtidem.

MME HEBREW 12:28

Mmɔdo sia nnyin inyenede Obio Ubɔŋ eke ŋkpɔ mikemeke ndinyeŋe, yak nnyin inyene esit ekɔm, inyuŋ ida emi inɔ Abasi, utom eke enemde Enye esit ke ukpono ye uteŋe.

JOSHUA 22:5

Edi mbufo ekpeme ndinim mbet ye mme ewuhɔ emi Moses owo Jehovah eketemede mbufo, enyuŋ ema Jehovah Abasi mbufo, enyuŋ esaŋa ke kpukpru usuŋ esie, enyuŋ etim enim mbet esie, enyuŋ eyire ye enye, enyuŋ enam ŋkpɔ esie ke ofuri esit mbufo, ye ke ofuri ukpɔŋ mbufo.

JOSHUA 24:14

Mbufo ebak Jehovah, ndien, enyuŋ enam ŋkpɔ esie ke esit kiet, ye ke akpanikɔ: enyuŋ emen mme abasi emi mme ete mbufo ekenamde ŋkpɔ mmɔ ke edem akpa oko, ye ke Egypt, eduɔk;

1 JOHN 2:15

Ekuma ererimbot, ye se idude ke ererimbot. Edieke owo ekededi amade ererimbot, ima Ete iduhe enye ke esit.

1 JOHN 5:5

Anie owo edi andikan ererimbot, ke mibɔhɔke enye emi onimde ke akpanikɔ ete, Jesus edi Eyen Abasi?

1 SAMUEL 12:20

Ndien Samuel ɔdɔhɔ kpukpru owo, ete, Mbufo ekudikhe: mbufo emenam kpukpru idiɔk-ŋkpɔ emi: edi ekuwaha ekpɔŋ Jehovah, edi enam ŋkpɔ Jehovah ke ofuri esit mbufo; ekunyuŋ ewaha: