DEUTERONOMY 1:8 - Edisana ñwed Abasi Ibom

⁸ Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 1:8 ပူးပေါင်းရင်းမြစ်များ

GENESIS 12:7

Ndien Jehovah ayarade idem esie ɔnɔ Abram ete, Nyemen isɔŋ emi nnɔ ubon fo; ndien enye anam itie uwa do ɔnɔ Jehovah emi akayararede idem esie ɔnɔ enye.

GENESIS 15:16

Ndien ke ɔyɔhɔ emana inaŋ mmɔ eyenyɔŋ ken: koro mme idiɔkŋkpɔ mme Amorite mika-iyɔhɔke kaŋa.

GENESIS 15:18

Ke usen oro Jehovah odiomi ediomi ye Abram, ete, Ndada isɔŋ emi nnɔ ubon fo, ɔtɔŋɔde ke akpa Egypt, tutu osim akamba akpa, akpa Euphrates:

NEHEMIAH 9:15

onyuŋ ɔnɔ mmɔ udia emi otode ke enyɔŋ ke ini ɔbiɔŋ mmɔ, onyuŋ osio mmɔŋ ke itiat ɔnɔ mmɔ ke ini nsat-itɔŋ mmɔ, onyuŋ ɔdɔhɔ mmɔ, ete eyeduk ekeda isɔŋ oro afo ɔkɔŋwɔŋɔde, ete iyenɔ mmɔ.

EXODUS 23:31

Nyenyuŋ nnim mme adaŋa fo, ɔtɔŋɔde ke Ididuot Inyaŋ tutu atuak ke Inyaŋ mme Philistine, onyuŋ ɔtɔŋɔde ke wilderness tutu osim ke Akpa: koro ndidade mme andiduŋ isɔŋ oro nsin fi ke ubɔk; ndien afo eyebin mmɔ ke iso fo efep.

EXODUS 33:1

EKEM Jehovah ɔdɔhɔ Moses, ete, Afo ye mbio emi afo akadade ke isɔŋ Egypt ɔwɔrɔ, daha ke ɔtɔ emi, dɔk ke isɔŋ oro ŋkɔŋwɔŋɔde nnɔ Abraham, ye Isaac, ye Jacob, nte ke nyeda enye nnɔ ubon fo:

JEREMIAH 32:22

onyuŋ ɔnɔ mmɔ isɔŋ emi afo ɔkɔŋwɔŋɔde ɔnɔ mme ete mmɔ, ete iyenɔ mmɔ, isɔŋ eke ɔfiɔrɔde mmɔŋeba ye aran-ɔkwɔk:

EZEKIEL 47:14

Ndien mbufo edeme enye eda, kpukpru owo ukem-ukem, isɔŋ emi ŋkemenerede ubɔk mi, nte ke nyeda enye nnɔ mme ete mbufo; ndien isɔŋ emi eyeduɔ ɔnɔ mbufo ke udeme.

NUMBERS 14:23

ke akpanikɔ mmɔ idikwe isɔŋ emi ŋkɔŋwɔŋde nnɔ mme ete mmɔ, baba owo eke osuŋide mi kiet idinyuŋ ikwe enye:

NUMBERS 32:11

Baba owo mmɔ kiet emi eketode ke Egypt, ɔtɔŋɔde ke owo isua edip, ye mmɔ eke ebede oro, idikwe isɔŋ emi ŋkɔŋwɔŋɔde nnɔ Abraham ye Isaac, ye Jacob: koro mmɔ mitimke isaŋa mi ke edem?

DEUTERONOMY 1:11

Jehovah Abasi mme ete mbufo akpakam ɔkɔrɔ mbufo utim ikotɔsin ewak ekan adaŋa nte mbufo edide, onyuŋ ɔdiɔŋ mbufo, kpa nte enye ɔkɔdɔhɔde mbufo.

DEUTERONOMY 1:35

Baba owo kiet ke otu mbon emi, kpa idiɔk emana emi, idikwe eti isɔŋ emi ŋkɔŋwɔŋɔde nte nyenɔ mme ete mbufo,

DEUTERONOMY 10:11

Ndien Jehovah ɔdɔhɔ mi, ete, Daha ke enyɔŋ, bem mmɔ emi iso ke usuŋ, man eduk eka ekenyene isɔŋ emi ŋkɔŋwɔŋɔde nnɔ mme ete mmɔ nte nda nnɔ mmɔ.

DEUTERONOMY 11:24

Kpukpru ebiet eke ikpat ukot mbufo edidigide ke esit, eyenyene mbufo: adaŋa mbufo eyetɔŋɔ ke wilderness, ye ke Lebanon, ye ke akpa, idem akpa Euphrates, tutu akatuak ke inyaŋ ke edem usop-utin.

DEUTERONOMY 11:9

man mme usen mbufo enyuŋ ebigi ke isɔŋ emi Jehovah ɔkɔŋwɔŋɔde ɔnɔ mme ete mbufo, ete inɔ mmɔ ye nditɔ mmɔ, kpa isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 2:29

kpa nte nditɔ Esau emi eduŋde ke Seir ekenamde ye ami; ye mme Moabite emi eduŋde ke Ar; tutu ŋkebe Jordan nduk ke isɔŋ emi Jehovah Abasi nnyin ɔnɔde nnyin.

DEUTERONOMY 26:15

Tie ke edisana iduŋ fo ke heaven tuk iso se, nyuŋ diɔŋ ikɔt fo Israel, ye isɔŋ emi afo ɔkɔnɔde nnyin, kpa nte afo ɔkɔwɔŋɔde ɔnɔ mme ete nnyin, kpa isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 26:3

Ndien ka ke ɔtɔ oku eke edidude ke ini oro, nyuŋ dɔhɔ enye ete, Ndɔhɔ nnɔ Jehovah Abasi fo mfin emi, nte, Mmoduk ke isɔŋ emi Jehovah ɔkɔŋwɔŋɔde ɔnɔ mme ete nnyin ete iyenɔ nnyin.

DEUTERONOMY 28:11

Ndien Jehovah eyenam fi awak ke nti ŋkpɔ, ke mfri idibi fo, ye ke mfri iŋwaŋ fo, ke isɔŋ emi Jehovah ɔkɔŋwɔŋɔde ɔnɔ mme usɔ, ete eyenɔ fi.

DEUTERONOMY 29:12

man afo oduk ediomi Jehovah Abasi fo, ye uŋwɔŋɔ esie, emi Jehovah Abasi fo anamde ye afo mfin emi:

DEUTERONOMY 30:20

man afo ama Jehovah Abasi fo onyuŋ okop uyo esie, onyuŋ eyire ye enye: koro enye edide uwem fo, ye uniɔŋ mme usen fo: man afo oduŋ ke isɔŋ emi Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ mmɔ.

DEUTERONOMY 31:7

Ndien Moses okot Joshua, onyuŋ ɔdɔhɔ enye ke iso ofuri Israel, ete, Sɔŋɔ idem, nyuŋ nyene esit: koro afo edisaŋade ye mbon emi aka isɔŋ emi Jehovah ɔkɔŋwɔŋɔde ɔnɔ mme ete mmɔ ete iyenɔ mmɔ; afo eyenyuŋ edeme enye ɔnɔ mmɔ.

DEUTERONOMY 34:4

Ndien Jehovah ɔdɔhɔ enye, ete, Emi edi isɔŋ emi ŋkɔŋwɔŋɔde nnɔ Abraham, ye Isaac, ye Jacob, nte, Nyeda enye nnɔ ubon fo: mmayak fi okut ke enyin, edi udubehe uka do.

DEUTERONOMY 4:1

O ISRAEL, mbufo ekop, ndien, mme ewuhɔ, ye mbet emi ŋkpepde mbufo nte enam, man mbufo edu uwem, enyuŋ eduk ekeda isɔŋ emi Jehovah Abasi mme ete mbufo ɔnɔde mbufo.

DEUTERONOMY 6:10

Ndien ama ekem ke Jehovah Abasi fo edidade fi oduk ke isɔŋ emi enye ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ fi ikpɔ ye nti obio, eke mikedige afo ɔbɔp,

DEUTERONOMY 7:12

Ndien ama ekem, koro mbufo edikpaŋde utɔŋ ke mme item emi, enyuŋ enimde, enyuŋ enamde mmɔ Jehovah Abasi fo eyeda ediomi ye ima emi enye ɔkɔŋwɔŋɔde ɔnɔ mme usɔ, ekpeme ɔnɔ fi:

DEUTERONOMY 7:13

ndien enye eyema fi, onyuŋ ɔdiɔŋ fi, onyuŋ anam fi ɔtɔt: onyuŋ ɔdiɔŋ mfri idibi fo, ye mfri isɔŋ fo, ye ibokpot fo, ye ɔbufa wine fo, ye aran fo, ye nditɔ enaŋ fo, ye nditɔ ŋkpri ufene fo, isɔŋ emi enye ɔkɔŋwɔŋɔde ɔnɔ mme usɔ, ete iyenɔ fi.

DEUTERONOMY 7:8

edi koro Jehovah amade mbufo, onyuŋ etiŋde enyin ke uŋwɔŋɔ emi enye ɔkɔŋwɔŋɔde ɔnɔ mme ete mbufo, esin Jehovah akada ɔkpɔsɔŋ ubɔk osioŋo mbufo efep, onyuŋ afak mbufo osio ke ubɔk ufin, ye ke ubɔk Pharaoh edidem Egypt.

DEUTERONOMY 8:1

MBUFO etiŋ enyin enim kpukpru mme ewuhɔ emi ami ŋwukde fi mfin emi, man mbufo edu uwem, enyuŋ etɔt, enyuŋ eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo.

DEUTERONOMY 9:5

Idige eti ido fo, inyuŋ idige eti esit fo esin fi oduk aka akada isɔŋ mmɔ: koro edi idiɔk ido mme idut emi esin Jehovah Abasi fo osio mmɔ ke iso fo efep, man enye onyuŋ anam ikɔ esie osu nte Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob.

MME HEBREW 6:13

Koro ke adaŋemi Abasi ɔkɔŋwɔŋɔde uŋwɔŋɔ ɔnɔ Abraham, sia Enye mikemeke nditomo se ikponde ikan Idem Esie,

MME HEBREW 6:14

Enye otomo Idem Esie, ete, Ke akpanikɔ nditreke tre ndidiɔŋ fi nnyuŋ nnam fi ɔtɔt.

JOSHUA 1:6

Sɔŋ ubɔk, nyuŋ sɔŋ esit: koro afo eyeda isɔŋ emi ŋkɔŋwɔŋɔde nnɔ mme ete mbio emi nte ke ndinɔ mmɔ, edeme ɔnɔ mmɔ.

JUDGES 2:1

EKEM angel Jehovah oto ke Gilgal ɔdɔk ke Bochim, ɔkɔdɔhɔ ete, Ŋkada mbufo ke Egypt ndɔk, ŋkonyuŋ nda mbufo nduk ke isɔŋ emi ŋkɔŋwɔŋɔde nnɔ mme usɔ: ndien ŋkɔdɔhɔ nte, Ndibiatke ediomi mi ye mbufo ke nsinsi;