DEUTERONOMY 1:7 - Edisana ñwed Abasi Ibom

⁷ mbufo ekabare edaŋa eka ke obot mme Amorite, ye ke ɔtɔ kpukpru mbɔhiduŋ mmɔ, ke itihere Jordan, ye ke ikpɔ obot, ye ke una-isɔŋ edem inyaŋ, ye ke edem usuk-usuk, ye ke mben inyaŋ, kpa isɔŋ mme Canaanite, ye Lebanon, tutu osim ke akwa akpa, akpa Euphrates.

DEUTERONOMY 1:7 ပူးပေါင်းရင်းမြစ်များ

GENESIS 12:9

Ndien Abram ɔwɔrɔ iduŋ aka usuk-usuk.

2 SAMUEL 8:3

David onyuŋ asuan Hadadezer eyen Rehob, edidem Zobah, ke ini enye akade nditɔŋɔ ntak nnim ubɔŋ esie ke edem Akpa (Euphrates).

1 CHRONICLES 18:3

David onyuŋ asuan Hadarezer edidem Zobah, tutu osim ke Hamath, ke ini enye akade ndisɔŋɔ ubɔŋ esie ke edem akpa Euphrates.

1 CHRONICLES 27:29

Shitrai Sharonite kiet onyuŋ edi etubom mme enaŋ eke ebɔkde ke Sharon; Shaphat eyen Adlai onyuŋ edi etubom mme enaŋ ke mme itihere:

1 CHRONICLES 5:9

ndien enye oduŋ ke edem usiaha-utin, ɔtɔŋɔde ke akpa Euphrates tutu osim ebiet emi edukde wilderness; koro ufene mmɔ ewakde ke isɔŋ Gilead.

EXODUS 23:31

Nyenyuŋ nnim mme adaŋa fo, ɔtɔŋɔde ke Ididuot Inyaŋ tutu atuak ke Inyaŋ mme Philistine, onyuŋ ɔtɔŋɔde ke wilderness tutu osim ke Akpa: koro ndidade mme andiduŋ isɔŋ oro nsin fi ke ubɔk; ndien afo eyebin mmɔ ke iso fo efep.

AMOS 2:9

Ndien ami ŋkebin mme Amorite ke iso mmɔ mfep, emi idaha mmɔ okoŋde nte cedar, mmɔ enyuŋ esɔŋ nte ofriyo; ndien ŋkosobo mfri esie ke enyɔŋ, ye oruŋ ke idak.

NUMBERS 10:12

Ndien nditɔ Israel edaŋa isaŋ mmɔ ekpɔŋ wilderness a Sinai: ndien obubit enyɔŋ oro atuak ada ke wilderness a Paran.

DEUTERONOMY 1:19

Ekem nnyin idaŋa ke Horeb, isaŋa ibe ke ofuri akwa akpakop wilderness oro mbufo ekekutde ke usuŋ obot mme Amorite, kpa nte emi Jehovah Abasi nnyin okowukde nnyin; ndien nnyin idisim ke Kadesh-barnea.

DEUTERONOMY 11:11

edi isɔŋ emi mbufo ebede eka do ndida enye nnyene, edi isɔŋ obot ye itihere, emi ɔŋwɔŋde mmɔŋ edim emi otode ke enyɔŋ:

DEUTERONOMY 11:24

Kpukpru ebiet eke ikpat ukot mbufo edidigide ke esit, eyenyene mbufo: adaŋa mbufo eyetɔŋɔ ke wilderness, ye ke Lebanon, ye ke akpa, idem akpa Euphrates, tutu akatuak ke inyaŋ ke edem usop-utin.

JOSHUA 1:4

Adaŋa mbufo eyetɔŋɔ ke wilderness ye Lebanon emi akatuak akamba akpa, akpa Euphrates: ofuri isɔŋ mme Hittite, ada tutu okosim ke akamba inyaŋ ke edem usop-utin.

JOSHUA 10:40

Ntem ke Joshua akan ofuri edem ikpɔ obot, ye eke usuk, ye eke una-isɔŋ edem inyaŋ, ye eke mme usuhɔre, ye kpukpru mbɔŋ mmɔ: enye isuhɔke baba nsuhɔ kiet, edi osobo kpukpru se iduɔkde ibifik, kpa nte Jehovah Abasi Israel okowukde.

JOSHUA 24:15

ndien enam ŋkpɔ Jehovah. Edi mbufo mimaŋa ndinam ŋkpɔ Jehovah, emek ke idem mbufo ndien, mfin emi, enye eke mbufo edinamde ŋkpɔ esie: edide mme abasi emi mme ete mbufo, emi edude ke edem akpa oko, enamde ŋkpɔ enɔ mmɔ, onyuŋ edide mme abasi mme Amorite emi mbufo eduŋde ke isɔŋ mmɔ: edi ama edi ami ye ufɔk mi, nnyin iyenam ŋkpɔ Jehovah.

JOSHUA 9:1

EDIKEM adaŋemi kpukpru mbɔŋ eke edude ke edem Jordan emi, ke ikpɔ obot, ye ke una-isɔŋ edem inyaŋ, ye ke ofuri mben akwa inyaŋ, ekem ye Lebanon, kpa mme Hittite, ye mme Amorite, ye mme Canaanite, ye mme Perizzite, ye mme Hivite,

ERIYARARE 9:14

ɔdɔhɔ ɔyɔhɔ angel itiokiet oro enyenede ukorowo, ete, Kpɔhɔre mme angel inaŋ oro ekɔkɔbide enim ke akwa akpa Euphrates.