DEUTERONOMY 1:37 - Edisana ñwed Abasi Ibom

³⁷ Jehovah onyuŋ ayat esit ye ami ŋko abaŋa mbufo, ete Afo ŋko ududukke do:

DEUTERONOMY 1:37 ပူးပေါင်းရင်းမြစ်များ

NUMBERS 20:12

Ndien Jehovah ɔdɔhɔ Moses ye Aaron, ete, Koro mbufo mikenimke uyo mi ke akpanikɔ, inyuŋ ikpono mi ke iso nditɔ Israel, mmɔdo mbufo mididaha mme mmɔ emi iduk ke isɔŋ emi nnɔde mmɔ.

NUMBERS 27:18

Ndien Jehovah ɔdɔhɔ Moses ete, Da Joshua eyen Nun ke idem fo, owo emi spirit odude enye ke esit, nyuŋ da ubɔk fo dori enye ke idem;

DEUTERONOMY 3:27

Dɔk ke ibuot Pisgah, nyuŋ menere enyin fo se nnasia, ye edere, ye usuk, ye ufien nyuŋ da enyin-enyin se enye: koro mudubehe Jordan emi.

DEUTERONOMY 3:28

Nyuŋ teme Joshua, nyuŋ sɔŋ enye esit, nyuŋ sɔŋ enye idem: koro edi enye edibe mbon emi iso, onyuŋ edi enye edida isɔŋ emi afo edikutde edeme ɔnɔ mmɔ.

DEUTERONOMY 31:2

Ndien enye ɔdɔhɔ mmɔ, ete, Ami mmosim isua ikie ye edip mfin emi; ŋkemeke aba ndiwɔrɔ nnyuŋ nduk: Jehovah omonyuŋ ɔdɔhɔ mi, ete, Afo udubehe Jordan emi.

DEUTERONOMY 32:52

Koro afo eyekut isɔŋ oro ko; edi udukaha do ukoduk ke isɔŋ emi ami nnɔde nditɔ Israel.

DEUTERONOMY 34:4

Ndien Jehovah ɔdɔhɔ enye, ete, Emi edi isɔŋ emi ŋkɔŋwɔŋɔde nnɔ Abraham, ye Isaac, ye Jacob, nte, Nyeda enye nnɔ ubon fo: mmayak fi okut ke enyin, edi udubehe uka do.

DEUTERONOMY 4:21

Ndien ŋko Jehovah akayat esit ye ami abaŋa mbufo, onyuŋ ɔŋwɔŋɔ ete, Ami ndibehe Jordan emi, ndinyuŋ ndukke ke eti isɔŋ, emi Jehovah Abasi fo ɔnɔde fi ke udeme:

DEUTERONOMY 4:22

koro ami mmɔŋ ndikpa ke isɔŋ emi, ndibehe Jordan; edi mbufo eyebe ekeda eti isɔŋ oro enyene.