DEUTERONOMY 1:17 - Edisana ñwed Abasi Ibom

¹⁷ Mbufo ekuteŋe owo enyin ke ikpe: ekop uyo ekpri owo, kpa nte uyo akamba owo; mbufo ekubak iso owo; koro ikpe edide eke Abasi: ndien mbufo eda ikɔ eke ɔsɔŋde akan mbufo, esɔk mi man ŋkop enye.

DEUTERONOMY 1:17 ပူးပေါင်းရင်းမြစ်များ

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

2 SAMUEL 14:14

Koro nnyin inyenede ndikpa, inyuŋ ibiet mmɔŋ eke eduɔkde ke isɔŋ eke midikohi; Abasi inyuŋ imenke ukpɔŋ ifep: edi ekere ekikere ete ikubin owo esie eke ekebinde, ifep.

2 CHRONICLES 19:5

Enye onyuŋ onim mme ebiereikpe ke isɔŋ ke kpukpru obio Judah eke enyenede ibibene, ke obio, ke obio,

2 CHRONICLES 19:6

onyuŋ ɔdɔhɔ mme ebierikpe, ete, Mbufo etiŋ enyin ke se mbufo enamde: koro midige owo ke mbufo ekpe enɔ, edi ekpe enɔ Jehovah, ndien enye odu ye mbufo ke ikɔ ikpe.

ŊWED JOB 31:34

Koro mfehede ererimbot, koro nsahi mme esien onyuŋ anamde mi ndikhe, ndien ndop uyo, ndien ntoho ke inua-otop ŋwɔrɔ.

ŊWED MME PSALM 82:2

Adaŋa didie ke mbufo edikpe ukwaŋ-ukwaŋ, enyuŋ eteŋe mme idiɔk owo enyin? [Selah.]

EXODUS 18:18

Afo udutreke ndikpa mba, kpa afo ye mme mmɔ emi edude ye afo: koro ŋkpɔ emi odobide akan fi; afo ukwe nte anamde enye ke idem fo ikpɔŋ.

EXODUS 18:22

Ndien yak mmɔ ekpe ikpe mbio emi kpukpru ini: ndien ama ekem, mmɔ eyeda kpukpru ikɔ eke ekponde etiene fi, edi yak mmɔ ekpe kpukpru ikɔ eke ekpride: ntem ke edifere fi, ndien mmɔ eyetiene fi ebiom.

EXODUS 18:26

Ndien mmɔ ekpe ikpe kpukpru owo kpukpru ini: eda ikɔ eke esɔŋde etiene Moses, edi mmɔ ke idem mmɔ ebiere kpukpru ikɔ eke ekpride.

MME ŊKE 18:5

Nditeŋe idiɔk owo enyin ifɔnke: ifɔnke ndifik eti owo ke ikpe.

MME ŊKE 24:23

Mme mmɔ emi enyuŋ enyene mbon eti ibuot.

MME ŊKE 28:21

Uteŋe-enyin ifɔnke: koro owo eyedue abaŋa udia.

MME ŊKE 29:25

Uteŋe owo ɔkɔk afia onim: edi eda owo eke ɔbuɔtde idem esie ye Jehovah emenere enye enim ke enyɔŋ.

JEREMIAH 1:17

Afo, ndien, bɔbɔ mbɔbɔ ke isin fo, nyuŋ daha da, nyuŋ nam kpukpru se ami nditemede fi tiŋ nɔ mmɔ: kuyak esit ɔduɔ fi ubaŋa mmɔ, mbak ami ndinam esit ɔduɔ fi ke iso mmɔ.

LEVITICUS 19:15

Mbufo ekunam se minenke ke ikpe: kuteŋe ubuene enyin, kunyuŋ ukpono iso akamba owo: edi kpe ikpe mbɔhiduŋ fo nte enende.

MALACHI 2:9

Ndien ami ŋko mmonyuŋ nnim mbufo ke se kpukpru owo esede ke ndek ye ke mbukpo, kpa nte mbufo minimke ido mi, edi eteŋe owo enyin ke ewuhɔ.

MATTHEW 22:16

Ndien mmɔ esio mbet mmɔ ye mme Herodian edɔŋ ke ɔtɔ Esie, ete, Andikpep, nnyin imɔfiɔk ite Afo edi akpanikɔ, onyuŋ ekpep owo usuŋ Abasi ke akpanikɔ, unyuŋ ukereke owo; koro Afo uteŋeke owo enyin.

MARK 12:14

Ke ini mmɔ edide, edɔhɔ Enye ete, Andikpep, nnyin imɔfiɔk ite Afo edi akpanikɔ, unyuŋ ukereke owo; koro Afo uteŋeke owo enyin, edi ekpep owo usuŋ Abasi ke akpanikɔ. Nte enen ndinɔ Caesar utomo, mme inenke? Nte nnyin inɔ, mme ikunɔ?

LUKE 20:21

Mmɔ oro enyuŋ ebup Enye ete, Andikpep, nnyin imɔfiɔk ite Afo etiŋ onyuŋ ekpep owo ŋkpɔ ke ido eke enende, unyuŋ uteŋeke owo enyin, edi eteme owo usuŋ Abasi ke akpanikɔ;

ŊWED MBON ROME 2:11

Koro Abasi miteŋeke owo enyin.

ŊWED MBON EPHESUS 6:9

Ndien mbufo mme ete, enam kpa ntem ye mmɔ, enyuŋ etre nditiŋ ikɔ ndikhe; sia efiɔkde ete, Ete mmɔ ye eke mbufo odu ke heaven; Enye inyuŋ iteŋeke owo enyin.

DEUTERONOMY 10:17

Koro Jehovah mbufo edide Abasi mme abasi, ye ɔbɔŋ mme mbɔŋ, Abasi emi edide ata akwa, ye ɔkpɔsɔŋ, ye akpakop, emi miteŋeke owo baba kiet enyin, minyuŋ ibɔhɔ enɔ:

DEUTERONOMY 16:19

Kuyut ikpe; kuteŋe owo enyin, kunyuŋ ubɔ enɔ: koro enɔ editibide mme enyene ibuot owo enyin, onyuŋ akwaŋde ikɔ owo eke enende.

DEUTERONOMY 24:17

Kuyut ikpe esen owo, mme eke eyen-akpa; kunyuŋ uda ɔfɔŋidem ebe-akpa ke ubiɔŋ:

DEUTERONOMY 25:1

KE adaŋemi ikɔ ediwɔrɔde ke otu owo, ndien mmɔ edi ikpe, man ekpe ikpe mmɔ yak ikpe asana owo eke enende, onyuŋ otip owo eke eduede.

ŊWED MBON COLOSSAE 3:25

Koro owo eke anamde se idiɔkde eyebɔ utip idiɔk ŋkpɔ oro enye akanamde; Abasi iteŋeke owo enyin.

1 ŊWED THESSALONICA 2:4

edi nte Abasi okodomode nyin ɔfiɔk, ete nyin imodot nte Imɔ ikpayakde gospel isin nnyin ke ubɔk, ntem ke nnyin itiŋ; itiŋke man inem owo esit, edi ndinem Abasi emi odomode esit nnyin ese.

JAMES 2:9

edi edieke mbufo eteŋede owo enyin, mbufo enam idiɔk-ŋkpɔ, ibet onyuŋ obiom mbufo ikpe, ete emebiat ibet.

1 PETER 1:17

Ndien edieke mbufo esemede ekot Enye nte Ete, emi miteŋeke owo enyin, edi ebierede ikɔ ɔnɔ owo nte erinam esie edide, edu uwem ke ndik ke ini ndaŋ mbufo mi;

1 SAMUEL 16:7

Edi Jehovah ɔdɔhɔ Samuel, ete, Kuse enye iso, kunyuŋ use nte enye okoŋde idaha; koro mmesin enye: koro (mmensehe) nte owo esede; koro owo esede enyin, edi Jehovah ese esit.

1 SAMUEL 2:25

Edieke owo eduede ye owo, Abasi eyekpe ikpe esie; edi edieke owo eduede ye Jehovah, anie edikpe ubɔk inɔ enye? Edi mmɔ ikopke uyo ete mmɔ, koro Jehovah amade ndiwot mmɔ.