DEUTERONOMY 1:11 - Edisana ñwed Abasi Ibom

¹¹ Jehovah Abasi mme ete mbufo akpakam ɔkɔrɔ mbufo utim ikotɔsin ewak ekan adaŋa nte mbufo edide, onyuŋ ɔdiɔŋ mbufo, kpa nte enye ɔkɔdɔhɔde mbufo.

DEUTERONOMY 1:11 ပူးပေါင်းရင်းမြစ်များ

GENESIS 15:5

Ndien enye ada enye ɔwɔrɔ ke edem esa, ete, Nam se enyɔŋ ko, nyuŋ bat ntantafiɔŋ, edieke afo ekemede ndibat mmɔ: onyuŋ ɔdɔhɔ enye ete, Ntem ke ubon fo editie.

GENESIS 22:17

eyen fo kierakiet; nte nyediɔŋ fi akamba, nyenyuŋ nnam ubon fo ewak eti-eti nte ntantafiɔŋ enyɔŋ, ye nte ntan emi odude ke mben inyaŋ; ubon fo eyenyuŋ enyene enyin-usuŋ mme asua mmɔ:

GENESIS 26:4

nyenyuŋ nnam ubon fo ɔtɔt nte ntantafiɔŋ ke enyɔŋ, nnyuŋ nnɔ ubon fo mme idut emi kpukpru: ndien ofuri ekondo eyekut mfɔn

GENESIS 49:25

Itiat Israel. Oto Abasi usɔ, emi edinyaŋade fi; oto El Shaddai, emi edidiɔŋde fi, nti ŋkpɔ heaven ke enyɔŋ, nti ŋkpɔ ntuŋɔ emi anade ke idak, nti ŋkpɔ eba ye idibi.

2 SAMUEL 24:3

Ndien Joab ɔdɔhɔ edidem, ete, Mbio-obio edi se ededi, yak Jehovah Abasi fo akam ada efen ɔkɔrɔ utim ikoduop, yak enyin ɔbɔŋ mi edidem enyuŋ ekut: edi ɔbɔŋ mi edidem anam didie ama ŋkpɔ emi?

1 CHRONICLES 21:3

Ndien Joab ɔdɔhɔ, ete, Yak Jehovah adian ɔnɔ ikɔt esie utim ikikie akan adaŋa nte mmɔ edide: ɔbɔŋ mi edidem, nte kpukpru mmɔ itiehe nte ikɔt ɔbɔŋ mi? Nsinam ɔbɔŋ mi oyomde ŋkpɔ emi? Nsinam enye oyomde ndikabare ndi ntak isop nnɔ Israel?

ŊWED MME PSALM 115:14

Yak Jehovah anam mbufo etɔt, kpa mbufo ye nditɔ mbufo.

EXODUS 32:13

Ti Abraham, ye Isaac, ye Israel, ikɔt fo emi afo ɔkɔŋwɔŋɔde ma idem fo ɔnɔ mmɔ, okonyuŋ ɔdɔhɔde mmɔ ete, Nyenam ubon mbufo ewak nte ntantafiɔŋ enyɔŋ; nyenyuŋ nda ofuri isɔŋ emi ŋkɔdɔhɔde mbaŋa, nnɔ ubon mbufo, ndien mmɔ eyeda enye enyene ke nsinsi.

EZEKIEL 16:7

Ŋkanam fi ɔtɔt tɔsin tɔsin nte se itibede ke isɔŋ, ndien afo awak onyuŋ okpon, onyuŋ ɔwɔrɔ ediye eti-eti: eba fo eduɔŋɔ, idet fo onyuŋ ɔkɔri, ndien afo ama edi iferi ye ikpikpu.

NUMBERS 22:12

Ndien Abasi ɔdɔhɔ Balaam, ete, Kuka ye mmɔ; kusuŋi mmɔ oro: koro ɔfɔfɔn ɔnɔ mmɔ.

NUMBERS 6:27

Ntem ke edida enyiŋ mi edori nditɔ Israel ke idem, ndien ami nyefɔn ye mmɔ.

DEUTERONOMY 1:10

Jehovah Abasi mbufo ama anam mbufo etɔt, ndien, sese, mfin emi mbufo emewak nte ntantafiɔŋ ke ikpa-enyɔŋ.

DEUTERONOMY 1:12

Ami ke idem mi ikpɔŋ ndikeme didie ndibiom afanikɔŋ mbufo, ye mbiomo mbufo, ye utɔk mbufo?

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 10:22

Mme usɔ, owo ata ye duop esuhɔde ke Egypt; ndien ke emi Jehovah Abasi fo ama anam fi awak nte ntantafiɔŋ enyɔŋ.

DEUTERONOMY 28:62

Ndien mbufo eyesuk owo esisit eti-eti, emi mbufo ekewakde nte ntanta-ɔfiɔŋ ke enyɔŋ; koro afo mukonyimeke ndikop uyo Jehovah Abasi fo.