DANIEL 9:7 - Edisana ñwed Abasi Ibom

⁷ O Ɔbɔŋ, edinen ido enyene fi, edi but iso enyene nnyin kpa nte mfin emi, enyene mbio Judah, ye mme andiduŋ Jerusalem, ye ofuri Israel mkpet-mkpet ye nsan-nsan, ke kpukpru mme idut eke afo ekebinde mmɔ eka do, ebaŋa mme idiɔk ido emi ekenamde ye afo.

DANIEL 9:7 ပူးပေါင်းရင်းမြစ်များ

EZRA 9:13

Ndien emi kpukpru ŋkpɔ emi ema enam nnyin, ebaŋa mme idiɔk ido nnyin, ye akwa isop nnyin: koro afo, O Abasi nnyin, ama osuk ubɔk akan mme ukwaŋ-ŋkpɔ nnyin, ama onyuŋ ɔnɔ nnyin oruk ubɔhɔ emi;

EZRA 9:15

O Jehovah Abasi Israel, afo emenen: koro nnyin emi ibɔhɔde imesuhɔ, nte edide mfin emi: sese, nnyin imedu ke iso fo ke isop nnyin: koro ŋkpɔ emi miyakke baba owo kiet ekeme ndida fi ke iso.

NEHEMIAH 9:33

Edi afo emenen ke kpukpru se ama okosim nnyin; koro afo akanamde akpanikɔ; edi nnyin imɔdiɔk:

ŊWED MME PSALM 119:137

O Jehovah, afo anam edinen, mme ikpe fo enyuŋ enen.

ŊWED MME PSALM 44:15

Esuene mi ana mi ke iso ke ofuri usen, but onyuŋ ofuk mi iso.

ŊWED MME PSALM 51:14

Biomore mi iyip ke idem fep. O Abasi, Abasi erinyaŋa mi: edeme mi eyetaŋa edinen ido fo.

ŊWED MME PSALM 51:4

Mmedue fi, kpa fi ikpɔŋ, mmonyuŋ nnam idiɔk ke iso fo: man afo enen ke ikɔ fo, onyuŋ edi edisana ke ini afo ekpede ikpe.

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ISAIAH 45:16

But ye esuene ŋko eyenam mmɔ kpukpru: mmɔ eke esɔide mbiet ŋkpɔ eduk ke esuene ini kiet.

JEREMIAH 12:1

O JEHOVAH, afo enenen: koro nyekpe ikpe ye afo: yak ndɔhɔ ye afo mbaŋa ikpe: mme idiɔk owo enam didie ekut unen ke usuŋ mmɔ? Kpukpru mbon nsu enam didie etie ke ifure?

JEREMIAH 23:6

Ke eyo esie ke edinyaŋa Judah, Israel eyenyuŋ oduŋ ke ifure: ndien emi edi enyiŋ eke edisiode enye, JEHOVAH EDINEN IDO NNYIN.

JEREMIAH 24:9

nyeda mmɔ nnɔ ndutuhɔ ye idiɔk-ŋkpɔ ke kpukpru mme idut ererimbot, ke kpukpru ebiet eke ndibinde mmɔ nsin do.

JEREMIAH 3:25

Nnyin isuhɔre ina ke but nnyin, esuene nnyin onyuŋ ofuk nnyin: koro nnyin inamde idiɔk ye Jehovah Abasi nnyin, kpa nnyin ye mme ete nnyin, toto ke ini uyen nnyin, tutu osim mfin emi, nnyin inyuŋ ikopke uyo Jehovah Abasi nnyin.”

JEREMIAH 32:32

mbaŋa ofuri idiɔk ido nditɔ Israel, ye eke nditɔ Judah, emi mmɔ enamde ndiyat mi esit, mmɔ ye ndidem mmɔ, ye ikpɔ owo mmɔ, ye mme oku mmɔ, ye mme prophet mmɔ, ye mbio Judah, ye mme andiduŋ Jerusalem.

JEREMIAH 33:16

Ke mme usen oro ke edinyaŋa Judah, Jerusalem eyenyuŋ oduŋ ke ifure; ndien emi edi se edikotde enye, JEHOVAH ETI IDO NNYIN.

JEREMIAH 4:17

Kpa nte mme ekpeme-iŋwaŋ, kpa ntre ke mmɔ edikan enye ekuk: koro enye ama ɔsɔŋ ibuot ye ami; Jehovah ɔdɔhɔ.

JEREMIAH 7:19

Nte idige idem-mmɔ? ndien oto do mmɔ eda but ke iso.

EZEKIEL 16:63

man afo eti onyuŋ okut but, okunyuŋ ekeme ndikubɔre inua abaŋa esuene fo, ke ini ami ndidahadedo nnɔ fi ke kpukpru se afo anamde. Emi edi uyo Ɔbɔŋ Jehovah.

EZEKIEL 36:31

Ndien mbufo eyeti mme idiɔk usuŋ mbufo, ye ido mbufo eke midige nti, ndien esua idem mbufo ke iso idem mbufo ebaŋa mme idiɔk ido mbufo ye mbubiam mbufo.

EZEKIEL 5:10

Mmɔdo mme ete eyeta nditɔ ke ufɔt fo, nditɔ eyenyuŋ eta mme ete mmɔ; nyenyuŋ ŋkpe ikpe ke otu mbufo, nnyuŋ ŋkpɔri ofuri nsuhɔ fo mfep nsin ke kpukpru mme ofum.

EZEKIEL 6:12

owo eke oyomde usuŋ eyekpa ke idiɔk udɔŋɔ; owo eke ekperede eyenyuŋ ɔduɔ ke ofut: ndien owo eke ɔsuhɔde, eke owo enyuŋ ekande enye ekuk, eyekpa biɔŋ: ntem ke ami ndima iyaresit mi ke idem mmɔ.

DANIEL 9:14

Ndien Jehovah etie ekpeme idiɔk-ŋkpɔ oro, onyuŋ ada enye etiene nnyin: koro Jehovah Abasi nnyin enende ke kpukpru erinam emi enye anamde: ndien nnyin ikokopke uyo esie.

DANIEL 9:18

O Abasi mi, kpaŋ utɔŋ fo, nyuŋ kop; tat enyin fo, nyuŋ se ŋwure nnyin, ye obio emi ekerede enyiŋ fo: koro nnyin minimke mkpe-ubɔk nnyin ke iso fo, ibaŋa nti ido idem nnyin, edi ibaŋa ediwak mbɔm fo.

DANIEL 9:8

O Ɔbɔŋ, but iso edi eke nnyin, ye eke ndidem nnyin, ye eke mbɔŋ nnyin, ye eke mme ete nnyin, koro nnyin imanam idiɔk ye afo.

AMOS 9:9

Jehovah ɔdɔhɔ. Koro, sese, ami nyewuk, nyenyuŋ nsak ufɔk Israel nsin ke otu kpukpru mme idut, kpa nte emi esakde (ŋkpɔ) ke usak-ŋkpɔ, ndien baba ŋkeŋe kiet ididuɔhɔ ke isɔŋ.

ŊWED MBON ROME 6:21

Nso mfri ke mbufo ekokut adaŋoro ke ŋkpɔ eke enamde mbufo but idahemi? koro utit mme ŋkpɔ oro edide mkpa.

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

DEUTERONOMY 4:27

Ndien Jehovah eyesuan mbufo ke otu mme idut, ndien mbufo eyesuhɔ esisit ke otu mme idut emi Jehovah adade mbufo aka do.