DANIEL 9:3 - Edisana ñwed Abasi Ibom

³ Ndien ŋwuk iso mi nse Ɔbɔŋ Abasi, nnyuŋ nyom mkpe-ubɔk, ye eseme, ye utre-udia, ye ɔfɔŋ-ikpo, ye ntɔŋ:

DANIEL 9:3 ပူးပေါင်းရင်းမြစ်များ

2 SAMUEL 12:16

Ndien David ekpe Abasi ubɔk ɔnɔ eyen oro; David onyuŋ etre udia ŋko, onyuŋ oduk, ɔsuhɔre ana ke isɔŋ ke ofuri okoneyo.

EZRA 10:6

Ekem Ezra adaha ke enyɔŋ ke iso ufɔk Abasi, aka okoduk ke ubet Jehohanan eyen Eliashib: ndien enye aka do, idiaha ŋkpɔ, inyuŋ iŋwɔŋke mmɔŋ: koro enye atuade mme idiɔk ido mbon ntaŋ-mfep.

EZRA 8:21

Ndien ŋkwɔrɔ utre-udia do ke mben akpa Ahava, man nnyin ituk idem nnyin ke iso Abasi nnyin, inyuŋ ibeŋe enye edinen usuŋ inɔ idem nnyin, ye nditɔ-wɔŋ nnyin, ye kpukpru inyene nnyin.

EZRA 9:5

Ekem ke ini uwa mbubreyo, ndaha ke itie mfuhɔ mi; ndien adaŋa emi ŋwaide edisine-ŋkpɔ mi ye ekura mi, ami ntɔŋɔ edɔŋ, nnyuŋ mmenere ubɔk nse Jehovah Abasi mi, nnyuŋ ndɔhɔ nte,

NEHEMIAH 9:1

EKEM ke ɔyɔhɔ usen edip ye inaŋ ke ɔfiɔŋ emi, nditɔ Israel esop idem etre udia, esine ɔfɔŋ-ikpo, ntan onyuŋ odoro mmɔ ke idem.

ESTHER 4:16

Ka kobon kpukpru mme Jew emi edude ke Shushan, mbufo enyuŋ etre udia ebaŋa mi, ekunyuŋ edia ŋkpɔ, ekunyuŋ eŋwɔŋ ke usen ita, ke okoneyo, ye ke uwemeyo, ami ye nditɔ-iban mi ŋko iyetre udia kpa ntre; ndien ntem ke ndiduk ke ɔtɔ edidem, eke misaŋake ke ewuhɔ; ndien mma ŋkpa yak ŋkpa.

ŊWED JOB 42:6

Mmɔdo nsuade idem mi, nnyuŋ ntiede ke obu ye ntɔŋ ntua mkpɔfiɔk.

ŊWED MME PSALM 35:13

Edi ama edi ami, ke ini mmɔ edɔŋɔde, nsine ɔfɔŋ-ikpo: nsuk ukpɔŋ mi ke utre-udia; ndien mkpe-ubɔk mi eyefiak oduk mi ke ikpanesit.

ISAIAH 22:12

Ndien ke usen oro Ɔbɔŋ Jehovah mme udim okot eyet, ye eseme, ye ibɔ, ye ukune ɔfɔŋ-ikpo.

JEREMIAH 33:3

Seme kot mi, ndien nyeyere fi, nnyuŋ ŋwut fi ikpɔ ye ata mkpɔsɔŋ ŋkpɔ eke afo mufiɔkke mmɔ.

EZEKIEL 36:37

Ntem ke Ɔbɔŋ Jehovah ɔdɔhɔ ete, Eyesuk ebeŋe mi ŋkpɔ emi enɔ ufɔk Israel, ete nnam nnɔ mmɔ. Nyenam mmɔ ewak owo nte otu ufene.

DANIEL 6:10

Ekem ke adaŋemi Daniel ɔfiɔkde ete ke emesin enyiŋ ke ŋwed, enye oduk ke ufɔk esie, ekeberere window ubet enyɔŋ esie ke edem emi esede Jerusalem; ndien enye ɔtɔŋɔ edɔŋ esie utim ikata ke usen, onyuŋ ɔbɔŋ akam, onyuŋ ɔnɔ ekɔm ke iso Abasi esie kpasuk nte enye akam esinamde.

DANIEL 9:2

Ke akpa isua ubɔŋ esie, ami Daniel nda ŋwed ntim mfiɔk ibat isua emi uyo Jehovah okosimde Jeremiah prophet abaŋa, ete ke ŋwure Jerusalem eyeyɔhɔ isua ata ye duop.

DANIEL 9:20

Ndien ke adaŋemi ami nsuk ndɔhɔde ikɔ, nnyuŋ mbɔŋ akam, nnyuŋ ntiŋ idiɔk ido mi, ye mme idiɔk ido oruk mi Israel, nnyuŋ nnim mkpe-ubɔk mi ke iso Jehovah Abasi mi, mbaŋa edisana obot Abasi mi:

DANIEL 9:4

ndien ŋkpe Jehovah Abasi mi ubɔk, nnyuŋ nyarare idiɔk-ŋkpɔ, nnyuŋ ndɔhɔ, nte, Mbɔk, Ɔbɔŋ mi, Akwa Abasi emi enyenede ndik, emi onimde ediomi ye ima ye mmɔ eke emade enye enyuŋ enimde mme ewuhɔ esie.

JOEL 1:13

Mbufo mme oku ebɔbɔ mbɔbɔ, enyuŋ etuaŋa: mbufo mme anam-ŋkpɔ itie-uwa eseme: mbufo mme anam-ŋkpɔ Abasi mi edi edina ke ɔfɔŋ-ikpo ke ofuri okoneyo: koro ebɔde ufɔk Abasi mbufo inuak-udia ye uwa ediŋwɔŋ-ŋkpɔ efep.

JOEL 2:12

Jehovah onyuŋ ɔdɔhɔ ke emi ŋko, ete, Mbufo efiak etiene mi ke ofuri esit mbufo, ye ke utre-udia, ye ke ntua-eyet, ye ke eseme:

JONAH 3:5

Ndien mbio-obio Nineveh enim uyo Abasi ke akpan-ikɔ; ndien mmɔ ewuk utre-udia, enyuŋ esine ɔfɔŋ-ikpo ke idem, ɔtɔŋɔde ke ikpɔ tutu osim ŋkpri.

MATTHEW 17:21

Koro ke akpanikɔ ke ndɔhɔ mbufo, Edieke mbufo ekpenyenede mbuɔtidem nte mkpasip mustard, mbufo ekpɔdɔhɔ obot emi ete, daha kpɔŋ ɔtɔ emi, kɔwuhɔ ko, ndien enye eyedaha: baba ŋkpɔ kiet idinyuŋ isɔŋke ikan mbufo.

LUKE 2:37

enye ikpɔŋke temple, edi atuak ibuot ɔnɔ Abasi ke eritre udia ye mkpe-ubɔk okoneyo ye uwemeyo.

UTOM MME APOSTLE 10:30

Ndien Cornelius ɔdɔhɔ ete, Mfin adaŋemi anam usen inaŋ nte mbɔŋde akam ke ɔyɔhɔ hour ita uwemeyo ke ufɔk mi: ndien sese, owo emi esinede edisem ɔfɔŋidem ɔbiɔŋɔre mi ke iso, ete mi,