DANIEL 9:26 - Edisana ñwed Abasi Ibom

²⁶ Ndien adaŋemi urua ata ye iba ekurede, eyesibe Messiah efep, edi ibaŋake idem esie; ndien ikɔt ɔbɔŋ emi edidide eyebiat obio ye edisana ebiet; ndien utit esie eyedi ke mmɔŋ ukwɔ; ndien ewuk ete nsobo odu tutu osim ke utit ekɔŋ.

DANIEL 9:26 ပူးပေါင်းရင်းမြစ်များ

2 SAMUEL 21:5

Ndien mmɔ ebɔrɔ edidem, ete, Owo oro akabiatde nnyin, okonyuŋ aduakde ete isobo ifep, ikutie aba ke ofuri adaŋa Israel,

ŊWED MME PSALM 22:15

Nsɔŋidem mi amasat nte mkpasip usiɔŋ; edeme mi adiana mi ke mbaŋ ŋko; afo eyenyuŋ ada mi esin ke ntan mkpa.

ISAIAH 28:2

Sese, Ɔbɔŋ emenyene ŋkpɔ eke ɔsɔŋde sɔŋ, ebiet edim-itiat ye oyobio nsobo, ebiet ɔkpɔsɔŋ mmɔŋ edim eke ɔtɔde, enye ada ubɔk ɔduɔk enye ke isɔŋ.

ISAIAH 28:22

Mbufo ekusak, ndien, nsahi, mbak ŋkpkɔbi mbufo edisɔŋɔ: koro ŋkopde ete ke Ɔbɔŋ Jehovah mme udim omowuk nditaha ke ofuri ererimbot.

ISAIAH 53:8

Esio enye ke ukut ye ke ikpe: ndien anie ekeme ndibuk emana esie? Koro esibede enye efep ke isɔŋ mme odu-uwem: ke abaŋa mme idiɔk ido ikɔt mi ke enye ada ufen.

ISAIAH 8:7

Ɔbɔŋ ke ada mkpɔsɔŋ ye akamba mmɔŋ akpa, kpa edidem Assyria, ye ofuri ubɔŋ esie, ɔdɔk etiene mmɔ: ndien enye eyetɔ ɔyɔhɔ ke ofuri akpa esie, onyuŋ emen ofuri mben esie:

JEREMIAH 46:7

Anie owo ɔdɔk emi ebiet inyaŋ? Mmɔŋ esie oyok nte mme akpa.

JEREMIAH 51:42

Inyaŋ ibom ɔmɔdɔk osim Babylon: akwa odut esie ofuk enye.

DANIEL 11:10

Ndien nditɔ esie eyedemere, enyuŋ ebon ediwak otu mbon-ekɔŋ: ndien owo kiet iditreke ndidi, nnyuŋ nyɔhɔ nte mmɔŋ, nnyuŋ nsaŋa mbe. Ndien enye eyefiak edem, onyuŋ emen idem tutu osim ke ɔkpɔsɔŋ ebiet esie.

DANIEL 11:17

Ndien enye eyenim iso esiemɔ, ete ida odudu ofuri ubɔŋ esie iduk, ye ndinen owo ŋko; ntem ke enye edinam: eyenyuŋ eda adiaha iban enɔ enye, man abiat enye; edi enye (adiaha) ididaha ye enye, idinyuŋ iduhe ke edem esie.

DANIEL 11:22

Ndien ubɔk mmɔŋ ukwɔ emi editode enye ke iso eyefuk, onyuŋ obuŋ mmɔ, ye ɔbɔŋ ediomi ŋko.

DANIEL 11:36

Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.

DANIEL 9:27

Enye eyenyuŋ ɔsɔŋɔ onim ediomi ɔnɔ ediwak owo ke urua kiet; ndien ke ufɔt urua enye eyenam uwa ye inuak-udia etre: ndien andisobo eyedoro ke ibuot ŋkpɔ mbubiam: tutu enyuŋ eda se enamde ema enyuŋ ewukde, eŋwaŋa andisobo ke idem.

HOSEA 1:9

Ndien enye (Abasi) ɔdɔhɔ, ete, Sio enye enyiŋ, ete, Lo-ammi (idige ikɔt mi): koro mbufo midige ikɔt mi, ami ndinyuŋ ndige eke mbufo.

AMOS 8:8

Nte ŋkpɔ emi idinamke isɔŋ enyek? idinamke kpukpru mme andiduŋ ke esit etuaŋa? idinyuŋ iyɔhɔke ofuri nte akpa mmɔŋ? Nte idinyuŋ ifutke, inyuŋ isuhɔre nte akpa Egypt.

AMOS 9:5

Onyuŋ edi Ɔbɔŋ Jehovah mme udim otuk isɔŋ, ndien enye atara; ndien kpukpru mme andiduŋ ke esit etuaŋa: enye onyuŋ ɔyɔhɔ ofuri ebiet nte akpa mmɔŋ, onyuŋ ɔsuhɔre nte akpa Egypt.

NAHUM 1:8

Edi enye eyeda akwa ɔtɔ mmɔŋ osobo ebiet esie; ndien ekim eyebine mme asua esie.

MATTHEW 22:2

Obio Ubɔŋ Heaven ebiet edidem kiet, emi anamde udia-ndɔ ɔnɔ eyen esie;

MATTHEW 22:7

Edi edidem ayat esit, onyuŋ osio mbon-ekɔŋ esie ɔdɔŋ, ete esobo mbio obio oro, enyuŋ efɔp obio mmɔ ke ikaŋ.

MATTHEW 23:38

Sese, eyak ufɔk mbufo ekpɔŋ enɔ mbufo nte ndon.

MATTHEW 24:2

Edi Enye ɔbɔrɔ mmɔ ete, Nte mbufo ikwe kpukpru ŋkpɔ emi? Ke akpanikɔ ke ndɔhɔ mbufo, Idikpɔŋke itiat kiet ke enyɔŋ itiat efen eke mididorokere enye iduɔk.

MARK 13:2

Jesus ete enye, Nte omokut ikpɔ ufɔk emi? Idikpɔŋke itiat kiet ke enyɔŋ itiat efen eke mididorokere enye iduɔk.

MARK 13:7

Edi adaŋemi mbufo edikopde ebaŋa ekɔŋ ye etop ekɔŋ, ekuyak esit etimere mbufo; mme ŋkpɔ emi enyene ndiwɔrɔ, edi idige utit kaŋa

MARK 9:12

Enye ɔdɔhɔ mmɔ ete, Ke akpanikɔ Elijah ke ebem iso edi edidiɔŋ kpukpru ŋkpɔ: edi ekanam didie ewet ebaŋa Eyen Owo ete, Enye eyekut ediwak ukut, idinyuŋ idaha Enye ikɔm ŋkpɔ?

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

LUKE 21:6

Enye ɔdɔhɔ mmɔ ete, Ama edi mme ŋkpɔ emi mbufo ekutde mi, mme usen eyedi eke midikpɔŋke itiat kiet ke enyɔŋ itiat efen, eke mididorokere enye iduɔk.

LUKE 24:26

Nte inaŋa nte Christ okut mme ukut emi, ndien ebe oduk ke Ubɔŋ Esie?

LUKE 24:46

Enye onyuŋ ɔdɔhɔ mmɔ ete, Ekewet ntem, ete Christ enyene ndikpa, ndinyuŋ ntɔŋɔ ntak nset ke mkpa ke ɔyɔhɔ usen ita:

JOHN 14:30

Nditiŋke aba ŋkpɔ ŋkaha ye mbufo, koro ɔbɔŋ ererimbot emi ke edi, enye inyuŋ inyeneke baba ŋkpɔ kiet ke esit Mi:

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

ŊWED MBON GALATIA 3:13

Christ akafak nnyin osio ke isuŋi ibet emi odorode nnyin, sia Enye amakabare edi ŋkpɔ isuŋi ke ibuot nnyin; koro ewetde ete, owo eke eyiride ke eto edi ŋkpɔ isuŋi Abasi;

1 PETER 2:21

Ekekot mbufo ete edinam oro; koro Christ ke Idem Esie ama okut ndutuhɔ kabaŋa mbufo, onyuŋ ɔkpɔŋ uwut-ŋkpɔ ɔnɔ mbufo, ete, mbufo ekpetiene esaŋa ke nde ikpat Imɔ.

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.