DANIEL 9:13 - Edisana ñwed Abasi Ibom

¹³ kpa nte emi ekewetde ke ŋwed mbet Moses, ofuri idiɔk-ŋkpɔ emi omosim nnyin. Edi nnyin ikekpehe Jehovah Abasi nnyin ubɔk, inyuŋ ikpɔŋke mme idiɔk ido nnyin ifiak edem, inyuŋ itimke ifiɔk akpanikɔ fo.

DANIEL 9:13 ပူးပေါင်းရင်းမြစ်များ

2 NDIDEM 22:16

Ntem ke Jehovah ɔdɔhɔ ete, Sese, mmɔŋ nda idiɔk-ŋkpɔ ntiene ebiet emi ye mme andiduŋ ke esit, kpa kpukpru ikɔ ŋwed oro edidem Judah okokotde:

ŊWED JOB 36:13

Ndien mmɔ eke edide oburobut ke esit ekɔt iyaresit: mmɔ inyuŋ isemeke ke ini enye ɔbɔpde mmɔ.

ŊWED MME PSALM 119:18

Fuhɔre mi enyin, ndien nyekut mme utibe-ŋkpɔ ke ŋwed ido fo.

ŊWED MME PSALM 119:27

Tim sian mi usuŋ item fo: ndien nyekere mme utibe ŋkpɔ.

ŊWED MME PSALM 119:73

Ubɔk fo amanam mi, omonyuŋ obot mi: tim sian mi, nyuŋ yak mi ŋkpep mbet fo.

ŊWED MME PSALM 85:4

Fiak tiene nnyin, O Abasi erinyaŋa nnyin; nyuŋ tre iyaresit fo ye nnyin.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

ISAIAH 42:9

Mbemiso ŋkpɔ, sese, mmɔ edi, ami nnyuŋ ntiŋ mbufa ŋkpɔ: ke mikaitibeke kaŋa, mbuk mmɔ nnɔ mbufo.

ISAIAH 43:22

Ndien afo, O Jacob, usemeke ukot mi: koro ami mfekde fi, O Israel.

ISAIAH 64:6

Nnyin kpukpru inyuŋ ibiet ŋkpɔ ndek, kpukpru nti ido nnyin enyuŋ ebiet edidehe ɔfɔŋidem; kpukpru nnyin inyuŋ iyemere nte ikɔŋ; mme idiɔk ido nnyin enyuŋ emen nnyin efep nte ofum.

ISAIAH 64:7

Ndien baba owo kiet iduhe eke okotde fi enyiŋ, onyuŋ edemerede idem esie ete imum fi ikama: koro afo omodip nnyin iso fo, onyuŋ anam nnyin itak ke mme idiɔk ido nnyin.

ISAIAH 9:13

Edi mbio emi ikabakede ibine enye emi akamiade mmɔ, inyuŋ itieneke Jehovah mme udim.

JEREMIAH 2:30

Kpukpru mbufo emedue mi. Mmamia nditɔ mbufo ikpikpu; mmɔ ikopke item: ofut mbufo amadia mme prophet mbufo, nte lion eke osobode.

JEREMIAH 30:14

Kpukpru mme ufan fo emefre fi; mmɔ iyomke fi; koro ŋkamiade fi ufen usua, ye ata ɔkpɔsɔŋ ntunɔ: koro mme idiɔk ido fo ewakde; mme ukwaŋ ŋkpɔ fo enyuŋ ekɔride.

JEREMIAH 31:18

Ŋkokop nte Ephraim atuade idem esie, ete, Afo ɔkɔtunɔ mi, ndien ŋkop; ntunɔ, nte abak enaŋ eke mimeheke: kabare mi, ndien nyekabare; koro afo Jehovah edide Abasi mi,

JEREMIAH 44:23

Koro mbufo ekefɔpde ŋkpɔ, koro enyuŋ enamde idiɔk ye Jehovah, minyuŋ ikopke uyo Jehovah, minyuŋ isaŋake ke mbet esie, ye ke mme ewuhɔ esie, ye ke mme item esie; mmɔdo idiɔk-ŋkpɔ emi osimde mbufo, kpa nte edide mfin emi.

JEREMIAH 44:27

Sese, ami nyekpeme mmɔ nnɔ idiɔk, ŋkpemeke nnɔ eti ŋkpɔ: ndien ofut ye biɔŋ eyesobo kpukpru nditɔ Judah, emi edude ke isɔŋ Egypt, tutu mmɔ ekure.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

ŊWED ESEME 5:21

Nam nnyin ifiak itiene fi, O Jehovah, ndien nnyin iyefiak; nam usen nnyin ekabare edi mbufa, kpa nte ke eset.

EZEKIEL 16:43

ntre ke ami nditie suŋ, ndinyuŋ nyatke aba esit. Koro afo mutihi usen uyen fo, edi ɔtɔhɔ ye ami ke kpukpru ŋkpɔ emi; ndien, sese, ami ŋko nyeda usuŋ fo ndori fi ke ibuot, Ɔbɔŋ Jehovah ɔdɔhɔ; ndien afo udunyuŋ unamke oburobut ido emi ukɔrɔ ke kpukpru mbubiam fo.

DANIEL 9:11

Ofuri Israel ŋko ema ebiat mbet fo, enyuŋ ekabare ete ikukop uyo fo. Ndien afo aŋwaŋa nnyin isuŋi ke idem, ye uŋwɔŋɔ emi ewetde ke ŋwed mme ewuhɔ Moses owo Abasi, koro nnyin iduede ye enye.

HOSEA 7:10

Iseri Israel onyuŋ etiŋ abaŋa enye ke iso esie: ndien mmɔ ifiakke itiene Jehovah Abasi mmɔ, ofuri ŋkpɔ emi inyuŋ isinke mmɔ eyom enye.

HOSEA 7:14

Ndien mmɔ isemeke inɔ mi ke esit mmɔ, edi ena ke bed mmɔ etuaŋa: esop idem ebaŋa ibokpot ye obufa wine, ekabare enam ikɔ ye ami.

HOSEA 7:7

Kpukpru mmɔ efiop nte usaŋ-uyo, enyuŋ edia mme ebierikpe mmɔ; kpukpru ndidem mmɔ emeduɔŋɔ ke isɔŋ: baba owo kiet ke otu mmɔ isemeke ikot mi.

LUKE 24:45

Ndien Enye aŋwaŋare mmɔ ikike, man mmɔ efiɔk ikɔ Abasi;

JOHN 10:35

Edieke Abasi okokotde mmɔ emi uyo Abasi osimde mmɔ ete, mme abasi (ndien ŋwed Abasi ikemeke ndikpu),

JOHN 6:45

Ema ewet ke mme prophet ete, Abasi eyekpep mmɔ kpukpru ŋkpɔ; kpukpru owo eke ekopde uyo Ete enyuŋ ebɔde ukpep-ŋkpɔ etiene Mi.

JOHN 8:32

ndien mbufo eyefiɔk akpanikɔ, akpanikɔ eyenyuŋ anam mbufo ewɔrɔ ufin.

ŊWED MBON EPHESUS 4:21

ŋkɔm mbufo ekekop ikɔ Esie enyuŋ ekpep ŋkpɔ ke Enye, kpa akpanikɔ eke odude ke Jesus; ete, esio akani owo eduɔk,

DEUTERONOMY 29:4

edi Jehovah ika-inɔŋɔ mbufo esit eke ɔfiɔkde, ye enyin eke okutde, ye utɔŋ eke okopde, tutu osim mfin emi.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.