DANIEL 8:8 - Edisana ñwed Abasi Ibom

⁸ Ekem okpo ebot oro akabare okpon eti-eti; ndien adaŋemi enye ɔsɔŋɔde, akamba nduk oro ɔbuŋɔ; ndien ikpɔ nduk inaŋ eke esede ofum enyɔŋ mbinaŋ, etibe ke itie esie.

DANIEL 8:8 ပူးပေါင်းရင်းမြစ်များ

2 CHRONICLES 26:16

Ekem adaŋemi enye ɔsɔŋɔde ntre, esit esie akabare okpon, esin enye ɔdiɔk, ndien enye edue Jehovah Abasi esie, onyuŋ oduk ke temple Jehovah ndifɔp incense ke itie ufɔp incense.

ESTHER 9:4

Koro Mordecai okponde ke ufɔk edidem, etop esie onyuŋ ɔwɔrɔde osim kpukpru mme province: koro Mordecai emi ɔdiɔŋde diɔŋ okpon aka iso.

JEREMIAH 49:36

Ndien nyeda ofum mbinaŋ ke edem ikpa enyɔŋ mbinaŋ ntiene Elam; ndien nyesuan mmɔ nsin ke kpukpru ofum emi; ndien idut eke mbon itɔk Elam midisimke do ididuhe.

JEREMIAH 5:27

Kpa nte inuen ɔyɔhɔde ke ɔbɔkpɔ, kpasuk ntre ke abiaŋa ɔyɔhɔ ke ufɔk mmɔ: oro esin mmɔ ekponi, enyuŋ ekɔ inyene.

EZEKIEL 16:7

Ŋkanam fi ɔtɔt tɔsin tɔsin nte se itibede ke isɔŋ, ndien afo awak onyuŋ okpon, onyuŋ ɔwɔrɔ ediye eti-eti: eba fo eduɔŋɔ, idet fo onyuŋ ɔkɔri, ndien afo ama edi iferi ye ikpikpu.

EZEKIEL 28:9

Nte afo eyedɔhɔ, ete, Ami ndi Abasi ke iso enye emi owotde fi? Ndien afo edi owo, udige Abasi, ke ubɔk enye emi owotde fi.

DANIEL 11:4

Ndien ke ini enye adahade ada, eyesuan ubɔŋ esie, enyuŋ ebahare enye esin ke mme ofum heaven mbinaŋ; ndien enye idinyeneke ubon esie; idinyuŋ ikemke ye ubɔŋ oro enye akadade: koro eyedibere ubɔŋ esie, enyuŋ eda enɔ owo eŋwen eke misaŋake ye mmɔ emi.

DANIEL 4:31

Adaŋemi uyo emi osuk ododu edidem ke inua, uyo oto ke enyɔŋ ɔduɔ, ete, O edidem Nebuchadnezzar, ke edɔhɔ fi, ete,

DANIEL 5:20

Ndien ke ini enye emenerede esit esie ke enyɔŋ, spirit esie onyuŋ akabarede ɔsɔŋ, onyuŋ eseride iseri, esio enye ke ebekpo ubɔŋ esie esuhɔre, enyuŋ ebɔ enye ukpono esie efep:

DANIEL 7:2

Daniel ɔbɔrɔ onyuŋ ɔdɔhɔ, ete, Ŋkut ke ŋkukut mi ke okoneyo, ndien, sese, mme ofum ikpaenyɔŋ mbinaŋ ebumere ewɔrɔ ke akwa inyaŋ.

DANIEL 7:6

Ke emi ama ekebe, ŋkut, ndien, sese, unam efen ebiet ekpe; enye onyuŋ enyene mba inaŋ ke edem esie: unam oro onyuŋ enyene mbuot inaŋ; ndien enɔ enye ubɔŋ.

DANIEL 8:22

Ndien emi enye oro ɔkɔbuŋɔde, ndien inaŋ etibede ke itie esie, itie-edidem inaŋ eyewɔrɔ ke ubɔŋ oro edaha eda, edi idinyeneke odudu esie.

DANIEL 8:5

Ami nnyuŋ ntie ŋkere, ndien, sese, okpo ebot kiet oto ke edem usop-utin asaŋa ke ofuri iso isɔŋ, inyuŋ itukke isɔŋ; okpo oro onyuŋ enyene akwa nduk kiet ke ufɔt enyin esie.

DANIEL 8:7

Ndien ŋkut nte enye osimde ɔtɔ okukim erɔŋ oro, onyuŋ ayat esit ye enye eti-eti, onyuŋ onuk okukim oro obuŋ nduk esie mbiba: okukim oro inyuŋ inyeneke odudu eke adade enye ke iso. Ndien enye onuk enye ɔduɔk ke isɔŋ, onyuŋ edigi enye: baba owo kiet eke anyaŋade okukim osio enye ke ubɔk inyuŋ iduhe.

MATTHEW 24:31

Ndien Enye eyesio mme angel Esie ɔdɔŋ ye akwa uyom ukorowo, mmɔ eyenyuŋ etaŋ ndimek ikɔt Esie ke ikpehe ofim mbinaŋ ebon ɔtɔ kiet, ɔtɔŋɔde ke utit heaven kiet tutu osim eken.

MARK 13:27

Ndien Enye eyesio mme angel ɔdɔŋ editaŋ ndimek ikɔt Esie eto ke ikpehe ofim mbinaŋ ebon ɔtɔ kiet, ɔtɔŋɔde ke ata utit isɔŋ tutu osim ata utit ikpa-enyɔŋ.

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

ERIYARARE 7:1

KE ŋkpɔ oro ama ekebe, ŋkut angel inaŋ edade ke utit isɔŋ mbinaŋ, mmɔ enyuŋ emum ofim isɔŋ mbinaŋ ekama, man baba ofim okufime ke isɔŋ, mme ke inyaŋ, mme ke eto ekededi.