DANIEL 8:4 - Edisana ñwed Abasi Ibom

⁴ Ŋkut okukim oro ke onuk aka edem usop-utin, ye edere, ye usuk; baba unam kiet eke ekemede ndida enye ke iso inyuŋ iduhe du, baba kiet eke anyaŋade ŋkpɔ osio enye ke ubɔk inyuŋ iduhe; enye onyuŋ anam se enye amade, onyuŋ akabare okpon.

DANIEL 8:4 ပူးပေါင်းရင်းမြစ်များ

1 NDIDEM 22:11

Zedekiah eyen Chenaanah ama onyuŋ anam nduk ukwak ɔnɔ idem esie; ndien enye ɔdɔhɔ ete, Ntem ke Jehovah ɔdɔhɔ ete, Afo eyeda mme mmɔ emi onuk Syria tutu osobo mmɔ ama.

ŊWED JOB 10:7

Okposuk edi nte afo ɔfiɔkde ete ke nnyeneke se nduede, baba owo kiet eke osiode ke ubɔk fo inyuŋ iduhe.

ŊWED MME PSALM 44:5

Nnyin iyeda fi inuk mme asua nnyin iduɔk (ke isɔŋ): iyeda enyiŋ fo idigi mmɔ eke eŋwanade ye nnyin.

ŊWED MME PSALM 50:22

O mbufo emi efrede Abasi, etim ese emi, mbak ndiwai mbufo mbak-mbak, ndien owo eke anyaŋade iduhe.

ŊWED MME PSALM 7:2

mbak enye ediwai ukpɔŋ mi nte lion, awai mbak-mbak, ndien owo eke anyaŋade iduhe.

EZEKIEL 34:21

Koro mbufo edade ŋkaŋ ye afara enuk, enyuŋ edade nduk mbufo ekim kpukpru mmɔ emi idem ememde mmɔ, tutu mbufo esuan mmɔ esin ke esien.

DANIEL 11:16

Ndien enye emi otode edi ekɔŋ ye enye eyenam kpa nte enye amade, baba owo kiet eke edidade enye ke iso idinyuŋ iduhe: ndien enye eyeda ke isɔŋ inemesit, ubɔk esie eyenyuŋ abiat enye.

DANIEL 11:36

Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.

DANIEL 5:19

ndien ubom oro Enye ɔkɔnɔde enye esin kpukpru mme idut ye obio ye usem edikhe enye, enyuŋ enyek ke iso esie; enye owot owo eke enye amade, onyuŋ ada owo eke enye amade onim ke uwem; ofori mmɔ eke enye amade, onyuŋ ɔsuhɔre mmɔ eke enye amade.

DANIEL 5:30

Ke okoneyo oro ewot Belshazzar edidem mme Chaldean.

DANIEL 7:5

Ndien, sese, utɔŋɔ ntak unam eŋwen ebiet bear; enye onyuŋ emenere idem esie edem kiet; ɔkpɔ ŋkaŋ ita enyuŋ edu enye ke inua ke ufɔt edet esie: ndien ntem ke mmɔ edɔhɔ enye, ete, Daha ke enyɔŋ ta ediwak unam.

DANIEL 8:7

Ndien ŋkut nte enye osimde ɔtɔ okukim erɔŋ oro, onyuŋ ayat esit ye enye eti-eti, onyuŋ onuk okukim oro obuŋ nduk esie mbiba: okukim oro inyuŋ inyeneke odudu eke adade enye ke iso. Ndien enye onuk enye ɔduɔk ke isɔŋ, onyuŋ edigi enye: baba owo kiet eke anyaŋade okukim osio enye ke ubɔk inyuŋ iduhe.

MICAH 5:8

Ndien nditɔ Jacob eke esukde eyedu ke otu mme idut, ke ufɔt ediwak obio, nte lion ke otu mme unam akai, mme mkparawa lion ke otu mme udim ŋkpri ufene: emi ke ini enye asaŋade ebe, edigi onyuŋ awai, ndien owo eke anyaŋade iduhe.

DEUTERONOMY 33:17

Ubɔŋ enyene akpa eyen ayara enaŋ esie, nduk esie enyuŋ ebiet nduk editim: enye ada mmɔ atuak mme idut, ebin mmɔ ɔtɔ kiet ekesin ke utit isɔŋ: ndien mmɔ edi mme tɔsin Ephraim duop, mmɔ enyuŋ edi mme tɔsin Manasseh.