DANIEL 8:3 - Edisana ñwed Abasi Ibom

³ Ndien mmenere enyin mi nse, ndien, sese, okukim kiet ke iso akpa oro ada, enye onyuŋ enyene nduk iba: nduk oro enyuŋ ekoŋ; ndien kiet okoŋ akan eken; eke okoŋde onyuŋ etiene enye otibe.

DANIEL 8:3 ပူးပေါင်းရင်းမြစ်များ

1 CHRONICLES 21:16

Ndien David emenere enyin esie okut angel Jehovah, nte enye adade ke ufɔt isɔŋ ye enyɔŋ ke akama ofut afai ke ubɔk, anyan ese Jerusalem. Ndien David ye mbiowo esine ɔfɔŋ-ikpo ke idem eduɔŋɔ ke isɔŋ ekubi iso mmɔ.

EZRA 1:2

Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot, omonyuŋ eteme mi, ete ndiɔŋ ufɔk Jerusalem emi odude ke Judah nnɔ imɔ.

EZRA 4:5

enyuŋ ekpe mme ɔnɔ-item ebaŋa mmɔ, ete enam uduak mmɔ okpu, ke ofuri eyo Cyrus edidem Persia, tutu osim ini ubɔŋ Darius edidem Persia.

ESTHER 1:3

ke ɔyɔhɔ isua ubɔŋ esie ita, enye anam akamba udia ɔnɔ kpukpru ikpɔ owo esie ye ikɔt esie; odudu Persia ye Media, ikpɔ owo ye mbɔŋ mme province enyuŋ edu enye ke iso:

ISAIAH 13:17

Sese, mmɔŋ ndemere mme Mede nnɔ mmɔ, ndien mmɔ idikereke silver; gold idinyuŋ inemke mmɔ esit.

ISAIAH 21:2

Ke ewut mi ɔkpɔsɔŋ ŋkukut; andibume ke obume, andibiat ke abiat. Elam, dɔk: Media, kankuk. Mmanam ofuri eseme esie odop.

ISAIAH 44:28

emi ɔdɔhɔde abaŋa Cyrus, ete, Ekpemerɔŋ mi, ndien enye eyenam kpukpru se mmade ama: eyenyuŋ ɔdɔhɔ Jerusalem, ete, Eyediɔŋ fi; ɔdɔhɔ temple, ete, Eyetɔŋɔ ndibɔp fi.

JEREMIAH 51:11

Mbufo etuk mme idaŋ, eyɔhɔ mme otu ekɔŋ: Jehovah emedemere spirit ndidem Media: koro enye aduakde ŋkpɔ abaŋa Babylon, ete isobo enye; koro emi edide usiene Jehovah, usiene temple esie.

DANIEL 10:5

ndien mmenere enyin mi nnyuŋ nse, ndien, sese, owo kiet emi esinede linen ke idem, ndien enye ɔbɔbɔ eti gold Uphaz ke isin: idem esie ebiet beryl,

DANIEL 2:39

Ndien ɔbɔŋ eŋwen eke mikponke nte afo, eyetiene fi adaha ada, ye ɔyɔhɔ ubɔŋ ita efen, eke okpoho, emi edikarade ofuri ererimbot.

DANIEL 5:31

Ndien Darius eyen Media emi osimde isua ata ye iba, ada ubɔŋ.

DANIEL 6:28

Ntem ke Daniel emi oforo ke eyo ubɔŋ Darius, ye ke eyo uboŋ Cyrus persian.

DANIEL 7:5

Ndien, sese, utɔŋɔ ntak unam eŋwen ebiet bear; enye onyuŋ emenere idem esie edem kiet; ɔkpɔ ŋkaŋ ita enyuŋ edu enye ke inua ke ufɔt edet esie: ndien ntem ke mmɔ edɔhɔ enye, ete, Daha ke enyɔŋ ta ediwak unam.

DANIEL 8:2

Ndien ŋkut ke ŋkukut oro; ndien edikem ke ini ŋkutde, ami ndu ke Shushan ufɔk edidem, emi odude ke esien Elam; ndien ŋkut ke ŋkukut oro, ndien ami ndu ke mben akpa mmɔŋ Ulai.

DANIEL 8:20

Okukim oro afo okokutde enyenede nduk iba oro edi ndidem Media ye Persia.

ZECHARIAH 1:18

Ndien mmenere enyin mi nnyuŋ nse, ndien, sese, nduk inaŋ!

ZECHARIAH 2:1

NDIEN mmenere enyin mi ŋkut, ndien, sese, owo ye uruk udomo ke ubɔk.

ZECHARIAH 5:1

NDIEN ŋkabare, nnyuŋ mmenere enyin mi ŋkut; ndien, sese, ikpa-ŋwed eke efede.

ZECHARIAH 5:5

Ndien angel oro ekenemdede ye ami ɔwɔrɔ, onyuŋ ɔdɔhɔ mi, ete, Menere ndien enyin fo, nyuŋ se nsiwɔrɔ ntre. Ndien ndɔhɔ nte, Enye edi nso?

ZECHARIAH 5:9

Ndien mmenere enyin mi ŋkut, ndien, sese, iban iba eto edi, ofum onyuŋ odu mmɔ ke mba: mmɔ enyuŋ enyene mba iba-iba, ebiet mba akpantana: ndien mmɔ emen ephah oro esin ke ufɔt isɔŋ ye ikpa-enyɔŋ.

ZECHARIAH 6:1

NDIEN ntɔŋɔ ntak mmenere enyin mi ŋkut, ndien, sese, chariot inaŋ eto ke ufɔt ikpɔ obot iba; ndien ikpɔ obot iba oro edi obot okpoho.

NUMBERS 24:2

Ndien Balaam emenere enyin esiemɔ okut Israel etiede ke ataya ke ubon, ke ubon: ndien spirit Abasi oduk enye ke idem.

JOSHUA 5:13

Edikem adaŋemi Joshua odude ke mben Jericho, enye emenere enyin esiemɔ okut, ndien, sese, owo kiet ada enye ke iso, ye ofut afai ke ubɔk: ndien Joshua etiene enye, onyuŋ ɔdɔhɔ enye, ete, Nte afo ada ye nnyin, mme ada ye mme asua nnyin?

ERIYARARE 13:11

Ekem ŋkut unam eŋwen otode ke isɔŋ ɔwɔrɔ; enye enyene nduk iba nte eyen-erɔŋ, edi etiŋ nte dragon.

ERIYARARE 5:6

Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.