DANIEL 8:27 - Edisana ñwed Abasi Ibom

²⁷ Ndien idem akpa mi Daniel, udɔŋɔ onyuŋ anam mi ndusuk ini: edikem ŋkop idem, nnyuŋ nam utom edidem; ŋkukut oro onyuŋ enyene mi ndyɔ: edi baba owo kiet ifiɔkke enye.

DANIEL 8:27 ပူးပေါင်းရင်းမြစ်များ

DANIEL 10:16

Ndien, sese, owo kiet emi ebietde nditɔ owo edi edituk mi ke mkpɔk-inua. Ndien ntat inua mi nnyuŋ ntiŋ ikɔ, ndien ndɔhɔ enye oro adade mi ke iso, nte, Ɔbɔŋ mi, ŋkukut esin ukut mi akabare oduk mi ke idem, ndien nnyeneke aba odudu.

DANIEL 10:8

Ndien ami nsuk ikpɔŋ ke idem mi, nnyuŋ ŋkut akamba ŋkukut emi; baba odudu inyuŋ isukke mi ke idem; uyai mi onyuŋ akabare abiara mi ke idem, nnyuŋ nnyeneke aba odudu.

DANIEL 4:19

Ndien idem akpa Daniel emi ekerede Belteshazzar idaha kiet, ekikere enyuŋ etimere enye. Edidem ɔbɔrɔ onyuŋ ɔdɔhɔ, ete, Belteshazzar, kuyak ndap emi ye se enye ediwɔrɔde akpa fi idem. Belteshazzar ɔbɔrɔ, ete, Ɔbɔŋ mi, yak ndap emi enyene mmɔ eke esuade fi, yak ŋkpɔ emi enye ediwɔrɔde onyuŋ osim mbon-utɔk fo.

DANIEL 5:14

Mmokop ebaŋa fi ŋko, ete ke spirit Abasi odu fi ke idem, ete ke enyuŋ ekut ete ke ɔniɔŋ, ye eti ibuot, ye eti ifiɔk edu fi ke idem.

DANIEL 7:28

Utit ikɔ osim emi. Ama edi ami Daniel, ekikere mi etimere mi eti-eti, iso onyuŋ ɔkpuhɔre mi, edi nnim ŋkpɔ oro ke esit mi.

DANIEL 8:17

Ndien enye edi ke ɔtɔ ami ndade: ndien ke ini enye edide, ami ndikhe, nnyuŋ nduɔ ke isɔŋ ŋkubi iso mi; ndien enye ɔdɔhɔ mi, ete, Eyen owo, tim fiɔk ete ke ŋkukut emi aka ekperedem ini.

DANIEL 8:2

Ndien ŋkut ke ŋkukut oro; ndien edikem ke ini ŋkutde, ami ndu ke Shushan ufɔk edidem, emi odude ke esien Elam; ndien ŋkut ke ŋkukut oro, ndien ami ndu ke mben akpa mmɔŋ Ulai.

DANIEL 8:7

Ndien ŋkut nte enye osimde ɔtɔ okukim erɔŋ oro, onyuŋ ayat esit ye enye eti-eti, onyuŋ onuk okukim oro obuŋ nduk esie mbiba: okukim oro inyuŋ inyeneke odudu eke adade enye ke iso. Ndien enye onuk enye ɔduɔk ke isɔŋ, onyuŋ edigi enye: baba owo kiet eke anyaŋade okukim osio enye ke ubɔk inyuŋ iduhe.

HABAKKUK 3:16

Ŋkop, ndien nsia oyomo mi; uyom esin mkpɔk-inua mi enyek: mme ɔkpɔ mi etɔŋɔ ndiyap; nyek idem ke itie mi: koro nyetie suŋ mbet ini ukut, ini eke mmɔ emi edidide ekɔŋ ye nnyin edidɔkde edi.

1 SAMUEL 3:15

Ndien Samuel ana ke isɔŋ tutu eyo esiere, ndien eberere itim ufɔk Jehovah: ndien ndik iyakke Samuel etiŋ ŋkukut emi ɔnɔ Eli.