DANIEL 8:25 - Edisana ñwed Abasi Ibom

²⁵ Ndien oto ke ŋkari esie enye eyenam ŋkari aka iso ke ubɔk esie; eyenyuŋ okok idem ke esit esie, onyuŋ abiat ediwak owo ke ndueidem mmɔ; onyuŋ adaha ke enyɔŋ aŋwana ye ɔbɔŋ mbɔŋ; ndien eyebom enye, idige ke ubɔk.

DANIEL 8:25 ပူးပေါင်းရင်းမြစ်များ

ŊWED JOB 34:20

Mmɔ ekpaŋa ke idaha kiet; ke ufɔt okoneyo ke mbio-obio etimere enyuŋ edaŋa: eda mkpɔsɔŋ owo efep, inamke ke ubɔk.

JEREMIAH 48:26

Mbufo enɔ enye mmin ɔŋwɔŋ akpa: koro enye okokde idem esie ye Jehovah: ndien Moab eyemiaŋa ke ikpɔhi esie, enye ŋko eyenyuŋ edi se esakde.

ŊWED ESEME 4:6

Idiɔk ido adiaha oruk mi onyuŋ okpon akan ukwaŋ-ŋkpɔ Sodom, emi okosobode ke idaha kiet, ndien idige ubɔk owo otuk enye.

DANIEL 11:12

Ndien otu owo oro eyemenere idem mmɔ ke enyɔŋ, enye eyenyuŋ emenere esit esiemɔ onyuŋ ɔduɔk tɔsin duop, tɔsin duop, edi idisɔŋɔke.

DANIEL 11:45

Ndien enye eyewuk mme tent ebiet-iduŋ esie ke ufaŋ mme inyaŋ ke ediye ye edisana obot; ndien enye eyesim utit esie, baba owo kiet eke anyaŋade enye iduhe.

DANIEL 7:26

Ndien mmɔ eyenim ikpe, enyuŋ ebɔ enye ubɔŋ esie, enyuŋ esobo enye, enyuŋ ebiat enye tutu osim akpatre.

DANIEL 7:8

Ntie nse nduk oro, ndien, sese, ekpri nduk eŋwen otibe ke otu mmɔ oro: ndien enye odibere ita ke nduk oro ekebemde enye iso; ndien, sese, enyin eke ebietde enyin owo odu ke nduk emi, ye inua ŋko eke etiŋde ikpɔ ŋkpɔ.

DANIEL 8:11

Enye onyuŋ emenere idem esie tutu osim ɔbɔŋ udim oro, onyuŋ esin esio nsinsi uwa efep, onyuŋ esin ewuri ebiet edisana iduŋ esie.

DANIEL 9:25

Fiɔk, ndien, nyuŋ tim nim ke ibuot, ete, ke ɔtɔŋɔde ke ini emi uyo ɔwɔrɔde, ete etɔŋɔ ntak ediɔŋ enyuŋ ebɔp Jerusalem, tutu osim ke ini Messiah Ɔbɔŋ, eyedi urua itiaba ye urua ata ye iba: eyetɔŋɔ ntak ediɔŋ aŋwa ye ukpe, kpa ke ini nnanenyin.

UTOM MME APOSTLE 12:23

Edi idaha oro angel Ɔbɔŋ ɔtɔ enye, koro enye minɔŋɔ Abasi ubɔŋ: ndien ndɔŋ eta enye, enye onyuŋ akpa.

2 ŊWED THESSALONICA 2:3

Ekuyak owo abiaŋa mbufo ke baba usuŋ kiet; koro usen oro ididige, tutu mfiak-edem ebem iso odu, owo eke edide ata abiat-ibet onyuŋ ayarare idem,

2 ŊWED THESSALONICA 2:8

Adaŋoro ndien eyeyarare abiat-ibet oro, emi Ɔbɔŋ Jesus eyeda ibifik inua Esie owot enye, onyuŋ ada eriyarare eridi Esie osobo enye.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 19:16

Enye onyuŋ enyene enyiŋ emi ewetde ke ɔfɔŋ-idem Esie ye ke ifuhi Esie ete, EDIDEM NDIDEM YE ƆBƆŊ MBƆŊ.