DANIEL 8:24 - Edisana ñwed Abasi Ibom

²⁴ Odudu esie eyenyuŋ ɔsɔŋɔ, edi iditoho ke odudu esiemɔ: enye eyenyuŋ abiat ŋkpɔ ndyɔ-ndyɔ, eyenyuŋ okut unen, onyuŋ anam, onyuŋ abiat mkpɔsɔŋ ye edisana mbio.

DANIEL 8:24 ပူးပေါင်းရင်းမြစ်များ

ŊWED MME PSALM 37:35

Ŋkokut idiɔk owo enyene-ndik, onyuŋ asuan idem esie nte awawa eto, eyen isɔŋ.

DANIEL 11:23

Ndien adaŋemi mmɔ emanade iman ye enye ema, enye eyenam abiaŋa: ndien enye eyedɔk, eyenyuŋ akabare ɔsɔŋɔ oto ke ekpri mbio esisit.

DANIEL 12:7

Ndien ŋkop uyo owo oro esinede linen, emi adade ke enyɔŋ mmɔŋ akpa, ndien enye emenere ubɔk nnasia esie ye ubɔk ufien esie ke enyɔŋ, onyuŋ otomo enye emi odude uwem ke nsinsi, ete ke edidi ini, ye ini iba, ye ubak ini; ndien adaŋemi enye edisuande odudu edisana mbio ama, eyema kpukpru ŋkpɔ emi.

DANIEL 7:25

Ndien enye eyetiŋ ikɔ abaŋa Ata Edikoŋ, onyuŋ osobo edisana ikɔt Ata Edikoŋ; onyuŋ ekere ndikpuhɔre ini ye mme ewuhɔ: ndien eyeda mmɔ esin enye ke ubɔk tutu ekem ke ini ye ini iba ye ubak ini.

DANIEL 8:10

Ndien enye akabare okpon tutu osim mme udim enyɔŋ; ndien emen usuk udim enyɔŋ ye usuk ntanta ɔfiɔŋ ɔduɔk ke isɔŋ, enyuŋ edigi mmɔ.

DANIEL 8:11

Enye onyuŋ emenere idem esie tutu osim ɔbɔŋ udim oro, onyuŋ esin esio nsinsi uwa efep, onyuŋ esin ewuri ebiet edisana iduŋ esie.

DANIEL 8:12

Ndien eyeyak udim enɔ enye ekɔrɔ ke nsinsi uwa oto ke idiɔk ido: ndien enye eyeduɔk akpan-ikɔ ke isɔŋ, onyuŋ anam ŋkpɔ, onyuŋ okut unen.

DANIEL 8:23

Ndien ke utit ubɔŋ mmɔ, ke adaŋemi mme anam-idiɔk ema enam ema, edidem kiet eke ɔsɔŋɔde iso onyuŋ ɔfiɔkde ŋkari, eyedaha ada.

ERIYARARE 16:6

koro owo ema eduɔk iyip nti ikɔt Fo ye mme prophet Fo; ndien Afo omonyuŋ ɔnɔ mmɔ iyip eŋwɔŋ: mmɔ edot ufen emi.

ERIYARARE 17:17

Koro Abasi ekesin mmɔ ke esit, ete enam uduak Imɔ, enyuŋ enyene ekikere kiet, enyuŋ eda obio emi mmɔ ekarade enɔ unam oro, tutu se Abasi eketiŋde osu.

ERIYARARE 17:6

Ndien ŋkut ŋwan oro nte ɔŋwɔŋde iyip nti ikɔt Abasi ye eke mme ntiense Jesus ɔyuhɔ. Ke adaŋemi ŋkutde enye, idem akpa mi eti-eti.

ERIYARARE 19:2

koro mme ikpe Esie edi ata akpanikɔ enyuŋ enen; koro Enye ama ebiere ikpe akwa akpara, emi akadade use esie abiat isɔŋ, Enye onyuŋ ada usiene iyip ikɔt Esie odori enye ke ibuot.