DANIEL 8:22 - Edisana ñwed Abasi Ibom

²² Ndien emi enye oro ɔkɔbuŋɔde, ndien inaŋ etibede ke itie esie, itie-edidem inaŋ eyewɔrɔ ke ubɔŋ oro edaha eda, edi idinyeneke odudu esie.

DANIEL 8:22 ပူးပေါင်းရင်းမြစ်များ

DANIEL 11:4

Ndien ke ini enye adahade ada, eyesuan ubɔŋ esie, enyuŋ ebahare enye esin ke mme ofum heaven mbinaŋ; ndien enye idinyeneke ubon esie; idinyuŋ ikemke ye ubɔŋ oro enye akadade: koro eyedibere ubɔŋ esie, enyuŋ eda enɔ owo eŋwen eke misaŋake ye mmɔ emi.

DANIEL 7:6

Ke emi ama ekebe, ŋkut, ndien, sese, unam efen ebiet ekpe; enye onyuŋ enyene mba inaŋ ke edem esie: unam oro onyuŋ enyene mbuot inaŋ; ndien enɔ enye ubɔŋ.

DANIEL 7:7

Ke emi ama ekebe, ami ŋkut ke ŋkukut okoneyo, ndien, sese, ɔyɔhɔ unam inaŋ enyene ndik ye odudu ye nsɔŋidem eti-eti; onyuŋ enyene ikpɔ edet ukwak; enye ata onyuŋ anuak mbai-mbai, onyuŋ ada ukot esie edigi se isuhɔde: enye onyuŋ edi isio ye kpukpru unam oro ekebemde enye iso; enye onyuŋ enyene nduk duop.

DANIEL 8:21

Odusu okpo ebot ŋko edi edidem Greece: ndien akamba nduk emi odude enye ke ufɔt enyin edi akpa edidem.

DANIEL 8:23

Ndien ke utit ubɔŋ mmɔ, ke adaŋemi mme anam-idiɔk ema enam ema, edidem kiet eke ɔsɔŋɔde iso onyuŋ ɔfiɔkde ŋkari, eyedaha ada.

DANIEL 8:3

Ndien mmenere enyin mi nse, ndien, sese, okukim kiet ke iso akpa oro ada, enye onyuŋ enyene nduk iba: nduk oro enyuŋ ekoŋ; ndien kiet okoŋ akan eken; eke okoŋde onyuŋ etiene enye otibe.

DANIEL 8:8

Ekem okpo ebot oro akabare okpon eti-eti; ndien adaŋemi enye ɔsɔŋɔde, akamba nduk oro ɔbuŋɔ; ndien ikpɔ nduk inaŋ eke esede ofum enyɔŋ mbinaŋ, etibe ke itie esie.

ZECHARIAH 6:1

NDIEN ntɔŋɔ ntak mmenere enyin mi ŋkut, ndien, sese, chariot inaŋ eto ke ufɔt ikpɔ obot iba; ndien ikpɔ obot iba oro edi obot okpoho.