DANIEL 8:17 - Edisana ñwed Abasi Ibom

¹⁷ Ndien enye edi ke ɔtɔ ami ndade: ndien ke ini enye edide, ami ndikhe, nnyuŋ nduɔ ke isɔŋ ŋkubi iso mi; ndien enye ɔdɔhɔ mi, ete, Eyen owo, tim fiɔk ete ke ŋkukut emi aka ekperedem ini.

DANIEL 8:17 ပူးပေါင်းရင်းမြစ်များ

GENESIS 17:3

Ndien Abram ɔduɔ ke isɔŋ okibi iso esie: ndien

EZEKIEL 1:28

Kpa nte akpara emi odude ke obubit enyɔŋ ke usen edim, etiede, kpasuk ntre ke uyama emi akande enye okuk etie. Mbiet ubɔŋ Jehovah etie ntem. Ndien ke ini ŋkutde, nduɔ ke isɔŋ ŋkubi iso mi, nnyuŋ ŋkop uyo eke etiŋde ikɔ.

EZEKIEL 2:1

NDIEN enye ɔdɔhɔ mi, ete, Eyen owo, daha da ke ukot fo, ndien nyedɔhɔ ye afo.

EZEKIEL 44:4

Ekem enye ada mi oduk ke usuŋ edem edere edi ke iso ufɔk, ndien ŋkut, ndien, sese, ubɔŋ Jehovah ɔyɔhɔ ke ufɔk Jehovah: ndien nduɔ ke isɔŋ ŋkubi iso mi.

EZEKIEL 6:2

nyuŋ tiŋ prophecy baŋa mmɔ.

DANIEL 10:11

Ndien enye ɔdɔhɔ mi, ete, O Daniel, owo emi enemde Abasi esit, tim fiɔk ikɔ emi ami ndɔhɔde fi: nyuŋ daha da ke itie fo: koro edɔŋde mi ke emi ntiene fi. Ndien ke ini enye ɔdɔhɔ ikɔ emi ye ami, ami nda ke nnyekidem.

DANIEL 10:16

Ndien, sese, owo kiet emi ebietde nditɔ owo edi edituk mi ke mkpɔk-inua. Ndien ntat inua mi nnyuŋ ntiŋ ikɔ, ndien ndɔhɔ enye oro adade mi ke iso, nte, Ɔbɔŋ mi, ŋkukut esin ukut mi akabare oduk mi ke idem, ndien nnyeneke aba odudu.

DANIEL 11:27

Ndien esit edidem mbiba emi eyeyom ndinam idiɔk; ndien mmɔ etiŋ ikɔ nsu ke okpokoro kiet; edi idikwe unen: koro utit eyesuk odu ke ini emi ekedoride.

DANIEL 11:40

Ama ekem ke utit ini, edidem usuk eyenuk enye: edidem edere eyenyuŋ ada chariot, ye mbon horse, ye ubom mbakara ediwak, obumere anam enye nte oyobio; ndien enye eyeduk ke mme idut oro, onyuŋ ofuk mmɔ, onyuŋ asaŋa ebe.

DANIEL 12:13

Edi afo ka okuo tutu osim ke utit: ndien afo eyeduɔk odudu, onyuŋ ada ke udeme fo ke utit mme usen.

DANIEL 12:4

Ndien afo, Daniel, dip ikɔ emi, nyuŋ nim seal ke ŋwed, tutu osim ke utit ini. Ediwak owo eyeyɔrɔ edi, eyɔrɔ eka, ndien ifiɔk eyekpon aka iso.

DANIEL 2:46

Ndien edidem Nebuchadnezzar ɔduɔ ke isɔŋ okubi iso esie, onyuŋ atuak ibuot ɔnɔ Daniel, onyuŋ ɔnɔ uyo, ete eda enɔ ye incense esɔk enye.

DANIEL 7:16

Nsaŋa ŋkpere owo mmɔ kiet emi edade do, nnyuŋ mbup enye akpanikɔ ofuri ŋkpɔ emi. Ndien enye etiŋ ɔnɔ mi, onyuŋ asian mi nte ŋkpɔ emi ediwɔrɔde.

DANIEL 8:15

Ndien edikem ke adaŋemi ami Daniel ŋkutde ŋkukut oro, nnyuŋ nyomde nditim mfiɔk, sese, se ibietde idem owo ada mi ke iso.

DANIEL 8:19

Enye onyuŋ ɔdɔhɔ mi, ete, Sese, ami nyesian fi se idiwɔrɔde ke ukperedem ifuresit: koro utit eyedu ke ini emi edoride.

DANIEL 8:27

Ndien idem akpa mi Daniel, udɔŋɔ onyuŋ anam mi ndusuk ini: edikem ŋkop idem, nnyuŋ nam utom edidem; ŋkukut oro onyuŋ enyene mi ndyɔ: edi baba owo kiet ifiɔkke enye.

DANIEL 9:23

Uyo ɔwɔrɔ ke ini eritɔŋɔ mkpe-ubɔk fo, ndien ami ndi nditiŋ nnɔ fi: koro afo enemde Abasi esit: tim fiɔk ndien ŋkpɔ, nyuŋ tim kere ŋkukut.

DANIEL 9:27

Enye eyenyuŋ ɔsɔŋɔ onim ediomi ɔnɔ ediwak owo ke urua kiet; ndien ke ufɔt urua enye eyenam uwa ye inuak-udia etre: ndien andisobo eyedoro ke ibuot ŋkpɔ mbubiam: tutu enyuŋ eda se enamde ema enyuŋ ewukde, eŋwaŋa andisobo ke idem.

HABAKKUK 2:3

Koro ŋkukut anade kaŋa ɔnɔ ini emi enimde; ndien enye eyesioro uyo ke utit, idinyuŋ isuhɔ nsu: enye ama ebigi, bet enye; koro enye miditreke ndidi, midinyuŋ ibehe ini.

MATTHEW 17:8

Edi ke ini mmɔ emenerede enyin, mmɔ ikwe baba owo kiet ke mibɔhɔke Jesus ikpɔŋ.

ERIYARARE 1:17

Ndien ke adaŋemi ŋkutde Enye, nduɔ Enye ke ukot nte akpa-mkpa. Ndien Enye odori mi ubɔk nnasia Esie ke idem, ete, Kufehe;

ERIYARARE 22:8

Ami John ndi andikop ye andikut mme ŋkpɔ emi. Ndien ke ini ŋkopde nnyuŋ ŋkutde, nduɔ ke isɔŋ nte ntuak ibuot ke ukot angel emi owutde mi ŋkpɔ emi.