DANIEL 8:11 - Edisana ñwed Abasi Ibom

¹¹ Enye onyuŋ emenere idem esie tutu osim ɔbɔŋ udim oro, onyuŋ esin esio nsinsi uwa efep, onyuŋ esin ewuri ebiet edisana iduŋ esie.

DANIEL 8:11 ပူးပေါင်းရင်းမြစ်များ

ISAIAH 37:23

Afo okosuŋi onyuŋ esuene anie? okonyuŋ emenere uyo fo ke enyɔŋ, onyuŋ emenere enyin fo ke enyɔŋ abaŋa anie? Ke abaŋa Edisana Abasi Israel.

ISAIAH 37:29

Koro iyaresit fo ye ami, ye usɔŋ-enyin fo edɔkde ediduk mi ke utɔŋ, mmɔdo ndisinde fi mkpanuen mi ke ibuo, ye uruk mi ke mkpɔk-inua, ndien nyenam fi afiak ke usuŋ emi afo akasaŋade ke esit edi.

JEREMIAH 48:26

Mbufo enɔ enye mmin ɔŋwɔŋ akpa: koro enye okokde idem esie ye Jehovah: ndien Moab eyemiaŋa ke ikpɔhi esie, enye ŋko eyenyuŋ edi se esakde.

JEREMIAH 48:42

Eyenyuŋ esobo Moab, ndien enye ididige aba obio, koro enye okokokde idemesie ye Jehovah.

EZEKIEL 46:14

Nyuŋ wa inuak-udia kɔrɔ ke esit kpukpru usenubɔk, ke ɔyɔhɔ ubak ephah itiokiet, ye ke ɔyɔhɔ ubak hin aran ita eke edibitde ndom-uyo; inuak-udia Jehovah edidi nsinsi ewuhɔ kpukpru ini.

DANIEL 11:22

Ndien ubɔk mmɔŋ ukwɔ emi editode enye ke iso eyefuk, onyuŋ obuŋ mmɔ, ye ɔbɔŋ ediomi ŋko.

DANIEL 11:31

Ndien ubɔk eyeto enye ke idem edaha eda, enyuŋ esabare edisana ebiet odudu, enyuŋ esio nsinsi uwa efep, enyuŋ enim mbubiam ŋkpɔ eke osobode.

DANIEL 12:11

Ndien toto ke ini emi edisiode nsinsi uwa efep enyuŋ ediɔkde ŋkpɔ mbubiam nsobo, edi tɔsin usen ye usen ikie iba ye anaŋ ye duop.

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

DANIEL 7:25

Ndien enye eyetiŋ ikɔ abaŋa Ata Edikoŋ, onyuŋ osobo edisana ikɔt Ata Edikoŋ; onyuŋ ekere ndikpuhɔre ini ye mme ewuhɔ: ndien eyeda mmɔ esin enye ke ubɔk tutu ekem ke ini ye ini iba ye ubak ini.

DANIEL 8:12

Ndien eyeyak udim enɔ enye ekɔrɔ ke nsinsi uwa oto ke idiɔk ido: ndien enye eyeduɔk akpan-ikɔ ke isɔŋ, onyuŋ anam ŋkpɔ, onyuŋ okut unen.

DANIEL 8:24

Odudu esie eyenyuŋ ɔsɔŋɔ, edi iditoho ke odudu esiemɔ: enye eyenyuŋ abiat ŋkpɔ ndyɔ-ndyɔ, eyenyuŋ okut unen, onyuŋ anam, onyuŋ abiat mkpɔsɔŋ ye edisana mbio.

DANIEL 8:25

Ndien oto ke ŋkari esie enye eyenam ŋkari aka iso ke ubɔk esie; eyenyuŋ okok idem ke esit esie, onyuŋ abiat ediwak owo ke ndueidem mmɔ; onyuŋ adaha ke enyɔŋ aŋwana ye ɔbɔŋ mbɔŋ; ndien eyebom enye, idige ke ubɔk.

DANIEL 9:25

Fiɔk, ndien, nyuŋ tim nim ke ibuot, ete, ke ɔtɔŋɔde ke ini emi uyo ɔwɔrɔde, ete etɔŋɔ ntak ediɔŋ enyuŋ ebɔp Jerusalem, tutu osim ke ini Messiah Ɔbɔŋ, eyedi urua itiaba ye urua ata ye iba: eyetɔŋɔ ntak ediɔŋ aŋwa ye ukpe, kpa ke ini nnanenyin.

NUMBERS 28:3

Nyuŋ dɔhɔ mmɔ, ete, Emi edi uwa ikaŋ eke mbufo ediwade enɔ Jehovah; nditɔ erɔŋ isua kiet kiet iba eke efɔnde ema, kpukpru usen, ke nsinsi edifɔp uwa.

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

2 ŊWED THESSALONICA 2:4

eyen nsobo, kpa enye emi ɔbiɔŋɔde Abasi, onyuŋ emenerede idem onim kenyɔŋ ɔbiɔŋɔ kpukpru se ekotde Abasi enyuŋ etuakde ibuot enɔ; tutu enye etie ke temple Abasi osio idem owut, ete idi Abasi.

MME HEBREW 2:10

Koro odotde Enye, emi kpukpru ŋkpɔ esuŋɔde ye Enye, kpukpru ŋkpɔ enyuŋ etode ke Enye, ke erida ediwak nditɔ nduk ubɔŋ ndinam asiakusuŋ eriyaŋa mmɔ asaŋa ke ndutuhɔ akabare ɔfɔn ama

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.