DANIEL 7:9 - Edisana ñwed Abasi Ibom

⁹ Ŋkut tutu ebekpo ediɔhɔ, andisɔŋɔ usen onyuŋ etie, edisine-ŋkpɔ esie edi afia nte snow, idet ibuot esie onyuŋ ebiet edisana idet erɔŋ: ebekpo esie ebiet edemikaŋ, mme wheel esie edi ikaŋ eke asakde.

DANIEL 7:9 ပူးပေါင်းရင်းမြစ်များ

1 NDIDEM 22:19

Ndien enye ɔdɔhɔ ete, Kam kop ndien uyo Jehovah: ŋkokut Jehovah nte enye etiede ke ebekpo esie, kpukpru mme udim enyɔŋ enyuŋ ekpere enye eda ke nnasia ye ke ufien.

2 CHRONICLES 18:18

Ndien enye ɔdɔhɔ, ete, Mbufo ekop ndien uyo Jehovah; ŋkokut Jehovah etiede ke ebekpo esie, ndien ofuri udim enyɔŋ eda enye ke nnasia ye ke ufien.

ŊWED MME PSALM 45:8

Kpukpru edisine-ŋkpɔ fo efuɔŋ myrrh, ye aloes, ye cassia, eke etode ke ufɔk nduk-enin eke mmɔ edatde fi esit.

ŊWED MME PSALM 90:2

Ke ini ikpɔ obot mika-imanake kaŋa, ke afo muka-ubotke kaŋa isɔŋ ye ererimbot, kpa ke nsinsi-nsinsi afo edi Abasi.

ŊWED MME PSALM 93:2

Ebekpo fo ɔkɔwuhɔ ke eset: afo odu ke nsinsi.

ISAIAH 6:1

KE isua oro edidem Uzziah akpade, ami nnyuŋ ŋkut Ɔbɔŋ etiede ke edikoŋ ye edimenere ebekpo, ndien akwa ekura esie ɔyɔhɔ ke temple.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

JEREMIAH 49:38

Nyenyuŋ nnim ebekpo mi ke Elam, nnyuŋ nsobo edidem ye mbɔŋ ke esit mfep, Jehovah ɔdɔhɔ.

EZEKIEL 1:26

Ndien ŋkpɔ eke ebietde itiat a-sapphire, mbiet ebekpo, odoro ke ikpa-enyɔŋ eke odude ibuot mmɔ ke enyɔŋ: mbiet eke etiede nte idem owo onyuŋ odoro ke mbiet ebekpo oro ke enyɔŋ esie.

DANIEL 7:13

Ŋkut ke ŋkukut okoneyo, ndien, sese, owo eke ebietde eyen owo asaŋa ke obubit enyɔŋ edi, enye osim Andisɔŋɔ usen, enyuŋ eda enye edi enye ke iso.

DANIEL 7:22

ndien eda ikpe enɔ edisana ikɔt Ata Edikoŋ: ndien ini edi, ndien ikɔt Abasi eda ubɔŋ.

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

HABAKKUK 1:12

Nte afo udige Jehovah edisana Abasi mi toto ko? Nnyin idikpaha. O Jehovah, afo onim mmɔ ɔnɔ ikpe; O akwa itiat, afo owuk mmɔ onim ɔnɔ nduari.

MATTHEW 17:2

ndien mbiet Esie ɔkpuhɔre ke iso mmɔ; iso Esie asiaha nte utin, edisine-ŋkpɔ Esie onyuŋ akabare afia nte uŋwana.

MATTHEW 28:3

Iso esie ebiet emireŋ-mireŋ, edisine-ŋkpɔ esie onyuŋ afia nte snow:

MARK 9:3

ndien mbiet Esie ɔkpuhɔre ke iso mmɔ edisine-ŋkpɔ Esie onyuŋ akabare esem afia eti-eti adaŋa nte baba ɔdiɔŋ-ɔfɔŋ kiet ke isɔŋ mikemeke ndinam.

UTOM MME APOSTLE 2:30

Mmɔdo, sia enye ekededi prophet, onyuŋ ɔfiɔkde ete Abasi ama ɔŋwɔŋɔ ɔnɔ imɔ, ete iyeda mfri idem esie idori ke ebekpo esie;

UTOM MME APOSTLE 2:33

Mmɔdo sia ubɔk nnasia Abasi ama emenere Enye onim ke enyɔŋ, Enye ama onyuŋ ɔbɔ Ete Edisana Spirit emi ekɔŋwɔŋɔde ndinɔ, Enye aŋwaŋa se mbufo ekutde enyuŋ ekopde.

ŊWED MBON PHILIPPI 3:9

man mbɔ Christ nda nnyene, enyuŋ ekut ete ndu ke Enye, ke mmenyeneke edinen ido idem mi eke otode ke erinim ibet, edi edinen ido eke otode ke eribuɔt idem ye Christ, kpa edinen ido emi Abasi ɔnɔde kabaŋa mbuɔtidem;

1ŊWED TIMOTHY 6:16

emi Enye ikpɔŋ mikpaha mkpa, emi oduŋde ke uŋwana eke owo mikemeke ndisaŋa ŋkpere; emi akanam owo mikwe, midinyuŋ ikemeke ndikut: ubɔŋ enyene Enye ye nsinsi odudu. Amen.

1 JOHN 1:5

Ndien emi edi etop eke ikokopde ke inua Esie, inyuŋ isian mbufo, ite, Abasi edi uŋwana, ekim inyuŋ iduhe ke Enye.

ERIYARARE 1:14

Ibuot Esie ye idet Esie esana nte edisana idet-erɔŋ, ebiet snow;

ERIYARARE 19:18

man eta obuk ndidem, ye obuk mme etubom-ekɔŋ, ye obuk mkpɔsɔŋ owo, ye obuk enaŋ-mbakara, ye eke mme andidoro mmɔ ke edem, ye obuk kpukpru owo, nditɔ ye ifin, ŋkpri ye ikpɔ.

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.

ERIYARARE 4:2

Idaha oro ŋkabare ndu ke Spirit; ndien sese, ebekpo ɔdiɔhɔ ke heaven, Anditie ke ebekpo onyuŋ odu.