DANIEL 7:8 - Edisana ñwed Abasi Ibom

⁸ Ntie nse nduk oro, ndien, sese, ekpri nduk eŋwen otibe ke otu mmɔ oro: ndien enye odibere ita ke nduk oro ekebemde enye iso; ndien, sese, enyin eke ebietde enyin owo odu ke nduk emi, ye inua ŋko eke etiŋde ikpɔ ŋkpɔ.

DANIEL 7:8 ပူးပေါင်းရင်းမြစ်များ

ŊWED MME PSALM 12:3

Jehovah eyekpok kpukpru mmɔ eke eyaŋde ke mkpɔk-inua, ye edeme eke ɔdɔhɔde ikpɔ ŋkpɔ.

DANIEL 11:36

Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.

DANIEL 7:19

Ndien nyom ndifiɔk akpanikɔ ɔyɔhɔ unam inaŋ emi edide isio ye mmɔ eken kpukpru, enyene ndik eti-eti, emi ndet esie edide ukwak, mbara esie onyuŋ edide okpoho, emi atade, onyuŋ anuakde, onyuŋ adade ukot esie edigi se isuhɔde;

2 ŊWED THESSALONICA 2:4

eyen nsobo, kpa enye emi ɔbiɔŋɔde Abasi, onyuŋ emenerede idem onim kenyɔŋ ɔbiɔŋɔ kpukpru se ekotde Abasi enyuŋ etuakde ibuot enɔ; tutu enye etie ke temple Abasi osio idem owut, ete idi Abasi.

2 ŊWED TIMOTHY 3:2

Koro mme owo eyedi mme ama idem, ye mme ama inyene; enyuŋ ebure idiɔk mbure, eseri iseri, esuŋi isuŋi, esɔŋ ibuot ye ete ye eka, enana esit ekɔm, enana uteŋe Abasi,

2 PETER 2:18

Koro mmɔ etiŋ ikpikpu ikɔ ŋkpon-inua, enyuŋ eda obukpo ido esaŋa ke idiɔk itɔŋ obukidem, etap mmɔ emi ke ebɔbɔhɔ mbon nduyo.

JUDE 1:16

Mmɔ emi edi mbon nsuk-uyo; mmɔ esuk Abasi uyo ebaŋa itie emi Enye okonimde mmɔ; mmɔ esaŋa nte idiɔk itɔŋ mmɔ adade mmɔ aka, inua mmɔ onyuŋ etiŋ ikɔ iseri-iseri, mmɔ enyuŋ ekpek mme owo, eyom mfɔn enɔ idem.

ERIYARARE 13:1

EKEM ndada do ke utan esuk inyaŋ. Ndien ŋkut unam otode ke inyaŋ ɔdɔk edi, emi enyenede nduk duop ye ibuot itiaba; enye onyuŋ ayara anyanya duop ke nduk esie, onyuŋ obiom enyiŋ eke esuŋide Abasi ke mbuot esie.

ERIYARARE 9:7

Ndien ŋkukuŋkpɔyɔriyɔ oro ebiet enaŋ-mbakara emi ebeŋede enɔ ekɔŋ; mmɔ enyuŋ eyara ŋkpɔ eke ebietde anyanya o-gold ke ibuot mmɔ, iso mmɔ enyuŋ ebiet iso owo;

1 SAMUEL 2:3

Mbufo ekukɔbɔ nditiŋ iseri-iseri; ekuyak isa-isa ikɔ ɔwɔrɔ mbufo ke inua: koro Jehovah edi Abasi ifiɔk, enye onyuŋ odomo ido